- NSW Ramkulh chungah a ummi kum 12 in kum 15 kar hngakchia cheuthum chungah cheukhat nih an voikhatnak raikhamsii an i chun
- Victoria ummi caah raikhamsii tam deuh in tawlrel dingin thawng an thanh
- ACT ramkulh chung zawtnak an i chawnhnak hmun a karh chin
- Zatuak 50% tluk nih raikhamsii voihnih ning in an i chun kho cang
New South Wales
Tuchun ah minung 1043 nih zawtnak an i chawn, pulrai zawtnak ruangah a nunnak a liam mi 11 an si.
Ramleng sianghngakchia chungin Moderna, AstraZeneca le Pfizer raikhamsii voihnih tiang a chun cang mi pawl hna cu NSW ramkulh ah sianginn kai dingin an rak kir kho than cang lai.
Victoria
Ramkulh chungah zawtnak a chawn thar mi hi 733 an si. Zawtnak a chawn thar mi an dihlak chungah zatuak 84% hi kum 50 tang an si. Pulrai zawtnak in mi pakhat a nunnak a liam.
Hmaizarh chungah Moderna raikhamsii 300,000 tluk cu ramkulh chung siidawr 700 lengah phakter a si lai. Cun, duh caan le relrem caan ah raikhamsii va chunh khawh nak ding hmun 32,000 tluk cu kum 12 in kum 59 kar hna caah tawlrel a si.
Suimilam 24 chung Australia ah thil a cang mi
Tuchun in Tasmania ramkulh ah inn erhkhumhnak tuah an thok cang. Hi erhkhumhnak cu khualtlawngmi chungin zawtnak a ngei lo ti mi pawl caah tawlrel mi a si. Airport le inn kar cu mah pumpak mawtaw in tin ding timi zulh phung zong ser a si.
Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak
Source: SBS
Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:
Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl hika ah rel khawh a si.
Ramkulh le ramthen hna nih an mah le dirhmun hoih in zulhphun an ser cio: NSW, Victoria, Queensland, Western Australia, South Australia, Northern Territory, ACT, Tasmania
Ramkulh kip ah zawtnak i cheknak hmun pawl:
Ramkulh le Ramthen nih an mah le dirhmun hoih in COVID-19 Bawmhnak an pekmi kong:
