- Victoria nih NSW ramri a khar kanh mi a hun than cang
- ACT ramthen chungah pulrai a chawn thar mi 24 an um
- NSW ramkulh ah pumhlai a hau mi thlopbulnak an pehzulh than cang
Victoria
Ramkulh chung zawtnak a chawn thar mi 1841 an si i, pulrai zawtnak in a thlop cuahmah mi 22,598 an si. Cun, pulrai zawtnak ruangah a nunnak pahlei hnih an si.
Tuchun thokin raikhamsii tling tein a chun cangmi pawl cu Victoria ramkulh chung an luh tikah erhkumhnak ah an um a hau ti lai lo.
Raikhamsii tling tein a chun rih lo mi pawl cu Victoria an rak luh tikah zawtnak an i chek a hau lai cun erhkhumhnak ah an um a hau lai. Zawtnak an i chek mi negative a si lawngah erhkhumhnak in chuahter an si te lai.
New South Wales
Ramkulh chungah zawtnak a chawn thar mi 283 an si, pulrai ruangah a nunnak a liammi pasarih an si.
Hmaizarh in cun ramkulh chungah pumhlai a haumi thlop bulnak cu pehzulh than a si cang lai.
Aluancia suimilam 24 chung I Australia dirhmun
- Canberra ah a ummi pum tlamtling lo mi, tar le zohkhenh a haumi hna umnak ah rian a tuanmi poahpoah nih raikhamsii an i chunh hrimhrim a hau cang lai tiin ACT ramkulh cozah nih thawng a thanh.
- Australia rammi zatuak 70% nih raikhamsii an i chunh a si ah cun ramchung phihkharnak zulhphung kan dorh deuh lai tiin rak thanh mi cu a tlin cang caah zulhphung dorh deuh dingin timhlamh a si cang tiah rampi ngandamnak lei vuancicho Greg Hunt nih a chim.
Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak
Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:
Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl hika ah rel khawh a si.
Ramkulh le ramthen hna nih an mah le dirhmun hoih in zulhphun an ser cio: NSW, Victoria, Queensland, Western Australia, South Australia, Northern Territory, ACT, Tasmania
Ramkulh kip ah zawtnak i cheknak hmun pawl:
Ramkulh le Ramthen nih an mah le dirhmun hoih in COVID-19 Bawmhnak an pekmi kong:
