- COVID-19 rai i cheknak Rapid Antigen Test hmangin Daniel Andrews cu zawtnak a chek i 'positive'a si. Zawtnak hmelchunhnak nih a ka tlunh, ka hrawm a fak cun ka tak a lin tiin a mah nih a chim. Pulrai in a zawt caah ni 7 chung a erh ve lai.
- Zarhpi ah rai a chawn mi nak in cawn nikhat ni ah rai a chawn mi an tam deuh tiin ripawt an pek. Cawn nikhat ni ah rai a chawn mi zat ripawt an pek mi 8,739 a si nain, zarhpini ah ripawt an pek mi 7,466 lawng a si.
- NSW ramkulh ah rai a chawn mi an tum chuk ngaingai. Zarhpini ah rai a chawn mi ripawt an pek mi 17,450 a si nain, cawn nikhatni ah 16,199 ah a ttum. Kan hnu zarh chungah rai a chawn mi zat ripawt mi zoh tikah, 24,803, 23,702 le 19,843 tum chuk lei a phan duahmah.
- NSW ramkulh chung i ngandamnak lei riantuantu hna cu lamzawh dingin timhlamhnak an ngei. Nihlawh tam deuh an hmuhnak hnga ding caah lamzawh an i tim. Zarh 6 chungah atu hi avoihnihnak lam an zawh a si lai.
- Australia cozah nih ram mi hna cu raikhamsii a voithumnak a chun rih lo mi pawl cu a voithumnak raikhamsii i chunh cio dingin a fial hna. Raikhamsii a voithumnak chunh a ngah cang mi cu a ran khawh chungin i chunh cang uh a ti hna.
- Tuluk ram i khuapi pakhat a si mi Shanghai khua cu rai a karh ngaingai caah phihkharnak an tuah. chung.
Australia Ah Rai A Chawn mi cazin
New South Wales: Suimilam 24 chungah rai a chawn mi an dihlak ah 16,199 an si, pulrai zawtnak in mi 3 an thi. Siizung ah a thlop lio mi hi 1,270 an si i cu chungah 55 hi ICU an um. ICU ah a um lio mi chungin 17 hi seh thli dawpnak thleih an hau.
Victoria: Suimilam 24 chungah ramkulh mi 8,739 nih rai an i chawn than. Siizungah a thlop cuahmah mi hi 252 an si i ICU ah a um mi hi 21 an si cuchungah 6 hi seh thli dawpnak thleih an hau.
Tasmania: ramkulh mi 1,726 nih rai an i chawn. Siizungah a thlop mi an dihlak ah 27 an si.
Queensland: Rai a chawn thar mi 7,816 an si. ICU ah thlop cuahmah minung 14.
ACT: Siizungah a thlop cuahmah mi 46, cuchungah 4 hi ICU ah an chiah hna. Ramkulh mi 701 nih rai an i chawn tiin ripawt an pek.
COVID-19 raikhamsii kong cu na nuhrin holh in rel khawh a si
Zawtnak I Chek Khawhnak Hmun hna
RAT in zawtnak an chek i positive na si sual cun hika ah theihternak tuah khawh a si.
