COVID-19: Vanlawng Tual Chungah Hmaihuh I Hruk A Hau Ti Lai Lo.

The Northern Territory has become the first Australian jurisdiction to end mandatory face masks at airport terminals from 18 June. (file) Source: AAP Image/Bianca De Marchi

Australia ram mi 54 cu pulrai zawtnak in an thi tiin tuchun cawn nithum ni ah thawng an thanh. A nunnak a liam mi hna cu Victoria ah 18, NSW ah 14, cun Queensland ah 13 an si. Cu pin ah Western Australia ramkulh mi 3 zong pulrai in an nunnak a liam ve tiin thawng an thanh chap.

Australian Capital Territory (ACT) leiin ripawt an pek mi chungin kan hmuh khawh mi cu siizung ah thlop dingin a phan mi an karh ngaingai. COVID-19 Pulrai zawtnak nih tlunh ruangah siizung a phan mi 97 an si.

Pulrai zawtnak he pehtlaiin a hmanungbik pulrai a chawn mi an tlawm tam, siizung a phan mi le a nunnak a liammi zat hika zoh khawh a si. 

WHO nih COVID-19 kongkau a hlathlai an fial mi Dr Maria Van Kerkove nih COVID-19 pulrai zawtnak a loh le tlau nak ding cu a nai rih lo tiin a chim.

"Pulrai zawtnak hi kan deh cawh tuk... dih zokzok cang seh ti hi a mi kip saduhthah a si ti ka fiang tuk ko nain, atu bantuk kan thutdir ning hin cun zawtnak dangdang kan karhtar chinchin lai. Zawtnak kham khawhnak ding hriam a herhning in kan hman lo ruangah rai dang a chuak thar mi zong a karh chinchin i a nunnak a liam mi zong an karh, hihi cu cohlan awk a tha bak lo mi a si tiin", Dr Van Kerove nih a chim.

Ramkulh mi runvennak caah Lakhruak ngandamnak lei runvennak zulhphung cu  kan hloh cang lai tiin  Northern Territory cozah nih thawng an thanh. Cawnnithum June 15 zaantim 11:59pm in zulhphung an rak nuntermi cu hloh a si cang lai.

Amah belte, COVID-19 in a zaw mi hna cu an mah lawngin an i erh a hau rih lai cun hmaihuh zong pehzulh in an hruk a hau rih lai.

Cun, vanlawng tual ah hmaihuh i hruk a hau ti lai lo tiin NT cozah nih thawng an thanh. Australia ah haihuh i hruknak he pehtlaiin zulhphung a hlo hmasa bik Northern Territory an si.

Australia chung khual a tlawng mi poah vanlawng cung an um chung poah hmaihuh an i hruk a hau lai.

Vanlawng tual chung hmaihuh i hruknak kong he pehtlaiin thlennak tuah an thimh. A ra lai ding mi Cawnninga June 18 hnu in cun hmaihuh vanlawng tual ah an i hruk a hau ti lai lo.

Na nuhrin holh in COVID-19 raikhamsii kong hika ah rel khawh.

---

Zawtnak I Chek Khawhnak Hmun hna

ACT   New South Wales   Northern Territory Queensland

South Australia   Tasmania    Victoria   Western Australia

---

RAT in zawtnak an chek i positive na si sual cun hika ah theihternak tuah khawh a si.

ACT  New South Wales  Northern Territory  Queensland

South Australia  Tasmania   Victoria   Western Australia

---

Australia chungah tuah awk a tha mi le tuah awk a tha lo mi thil hika zoh khawh a si.