Online Hmangin Chaw lehthalnak Zeitin Dah Kan Tuah Lai

Australia ram chungah chaw lethalnak a tuahmi tam deuh cu COVID-19 pulrai puanchuah lioah kan sung dih sual lai tiin online hmangin an cawlcang. Online chaw lehthalnak lei ah hngalhnak a ngei mi nih chaw lehthalnak ah online cu bawmhtu tha bik si tiah an zumh.

Como gerenciar seu micronegócio online

Source: Getty Images/La Bicicleta Vermella

Kan chawdawr zeitin kan thanchoter lai? Zeitin dah midang caah hnahnok si loin rian kan tuan lai? Zeitin dah na chawdawr kong midang mikip nih an hngalh fian khawh dingin na tuah lai?
Chaw lehthalnak a tuahmi 200 leng nih a cung lei biahalnak ruat chih buin a cawlcang mi nih thanchonak le hlawhtlinnak an hmu, cu pawl lakah cun Yahoo!, Sun Microsystems, American Express le Apple an i tel ve.


Advertisement
 

Abiapi mi

  • Cozah nih an tawlrelmi New Enterprise Incentive Scheme sin ah bawmhnak hal khawh a si. Phaisa lei zongin bawmh hal khawh an sicun, chaw lehthalning kongah ruahnak zong a lak tein hal khawh an si.
  • Na chaw an caw hnga ding mi, na chaw zuar mi he a thlakmi minung hngalh fiannak nih na chaw lehthalnak ah tampi thatnak a chuah mi lai.

Online chaw lehthalnak thoknak bawmtu tha bik a si mi cu, website i tuah, zei bantuk minung dah ka zuar dingmi chaw he hin an I tlak ti mi hngalh khawh I zuam cun social media ah Facebook, Instagram le TikTok ti bantuk pawl hmang chih hna tiah Dr Sandy Chong nih a chim.

Cun, social media dih lak nih na chaw lehnak ah bawmtu an si lai lo caah a ho dah ka pehtlaih lai ti le zeitin ti mi kha fakpi na ruah a hau.
Mipem chungin chaw lehthalnak a tuahmi pawl cu online hmangin an cawlcangh tikah harnak an tong ngaingai tiah Dr Chong nih a chim.

Chaw lehthalnak a thancho nak ding ah a biapi cemmi mitampi he i pehtlaihnak an ngeih lo, cun mipi he I pehtlaihnak dingah holh lei ah an chambau caah online I an chawlehnak hmual a ngei kho ti lo.
Australia ram chungah, a hme mi chawlehthalnak  atuahtu hna nih bawmh an hal khawh mi hna um. Cozah nih a tawlrelmi bawmhnak a si i (NEIS) tiah an auh mi  asi. Chawva lei zongin bawmh hal khawh an si I cun ruahnak cheuhbauh na hauh zongah a lak tein ruahnak hal khawh an si.

Chaw lehthalnak tuah a thokka na si ahcun a lak tein ruahnak na hal khawh hna cu na thoknak in thla 12 khar chung ca lawng a si. Cun chaw lehnak na thok nak in zarh 39 chungah chawva lei ah na chambau deuh a si zongah bawmh na hal khawh thiam hna.

Small business micro-business woman entrepreneur.
Small business micro-business woman entrepreneur. Source: Getty Images/filadendron


Chaw lehthalning pawl cu keimah tein ka tuah, cun hi chawlehnak in zeizah dah ka hmuh lai timi suaisamning ka cawng cun ka chawdawr hi zeitin dah rian ka tuanter lai ti mi vialte cu khuakhan lairelnak ka ngei.
Chaw lehthalnak a tuah cang mi chungin COVID-19 pulrai puan lioah harnak an ton sual sicun NEIS bawmh hal dingin an pehtlaih khawh.

Asilole, mah pumpak tein chaw lehthalnak thok  a duhmi an um a si zongah chaw lehthalnak thoknak dingah bawmh hal khawh thiam an si.

Nangmah zong rian cawn le thiam chap na duh a si ah cun NEIS tangah a ummi Employment Skills Training ah rian na cawng kho, chaw lehthalnak na tuahnak ah an bawmtu ding na herh ko nain phaisa na ngeih lo zongah NEIS sin ah bawmh na hal khawh.

online business content creation videos
Source: Getty Images/10'000 Hours


Chaw lehthal a tuahmi dang he pehtlaihnak tha ngeih na duh cun LinkedIn a tha cem, nain na chaw a cawtu dingmi he pehtlaihnak ser na duh ah cun Tik-Tok, Facebook le Instagram pawl hna hi hman tha an si.
Maja Jadrijevic nih chaw dawr a rak lengtu ding a pehtlaihnak hna pawl cu website, Instagram le Facebook hna an si.

Young women taking photo to shoes with cell telephone or smartphone digital camera for post to sell online on the Internet and preparing pack product box
Source: Getty Images/TravelCouples


Online hi chaw lehthalnak thanchonak dingah a bawmtu hriamnam tha taktak a si, zawtnak a puan chungah mi thar he zong pehtlaihnak tha ngeih khawh nak dingah bawmtu tha a si.

Young Asian woman doing online yoga class with laptop in the living room at home i
Source: Getty Images/AsiaVision


Online hmangin ka cawlcanghnak nih tampi hlawknak a chuahpi. Sydney in, UK, Ireland ram in, Croatia le Singapore hna in khat le khat kan I pehtlai dih hna, cucaah online hmangin vawleipi culin na chaw lehnak cu online hmangin na kauhter khawh.

Chaw lehnak lei ah ruahnak cheuhbauh na hauh a si ahcun na pehtlaih khawh hna.

A dangdang bawmh na herh a si zongah ah na pehtlaih khawh hna.

Na umnak sangveng ah pehtlaih khawhnak.


Share
Published 10 November 2020 at 5:22pm
By Josipa Kosanovic
Presented by Cung Khuk Zawn