US-Israel le Iran kar buainak ruangah zi-nan man a kai ter ngaingai. Zi nan man a kai tuk mi nih an ram le sipuazi hnahnawhnak a pek tuk nak hnga lo Vawleicung cozah vialte nih timhtuahnak tha an ngei cio.
South Korea cozah nih datsi man ri a khiah
South Korea president Lee Jae-myung nih Cawn nikhatni ah khan hi tihin a chim. Nawlngeitu hna nih kum 30 dengmang hnu ah a voikhatnak bik ramchung datsi man an khiah lai. Kan ram nih nih Strait of Hormuz in a rak ra mi zinan lawng i hnatchan ti loin, lam dang kan kawl lai, cun a herh ahcun $US67 billion ($96 billion) dih in tthanchoternak program zong kauhter a si lai, tiah a ti.
Lakhruak hman ding i khon mi zinan cu Japan nih hman dingin timtuahnak a ngei.
The Japanese government instructed a national oil reserve storage site to prepare for a possible release of crude, Akira Nagatsuma, a member of the Centrist Reform Alliance opposition party, told Reuters on Sunday. Details such as the timing of the release remain unclear, Nagatsuma said.
Japan cozah nih ram pumpi zinan khon/chiahnak hmun cu zinan hman khawhnak ding caah timhtuah dingin nawl a pek hna, tiah Centrist Reform Alliance kamkhat lei cozah party chungtel Akira Nagatsuma nih Reuters sinah Zarhpi ni ah a chim. Chuah caan kong bel fiangin theih a si rih lo, tiah Nagatsuma nih a chim.
Vietnam nih zinan luhternak ngunkhuai a hloh lai
Middle East ah a chuak mi buainak ruangah, Vietnam cozah nih ram leng in a rak lut mi zinan phortu cu ngunkhuai liam ter an si lai lo tiah thawng a thanh. Hi biakhiahnak hi April thla dongh tiang nunter a si lai tiah cozah lei in fianternak an tuah chap.
Indonesia nih zinan caah tangka a chap lai
Indonesia nih zinan cawknak caah hman dingmi tangka a chap lai tiah ngunkeng vuanci nih a chim. Ram mi hna nih mei man tlawm te lawng an liamnak ding caah le dat si man a kai chin lo nak ding caah a cozah nih $22.5 billion (Aud 32.2 billion) a sengsen.
Ram dangah zinan zuar lo dingin Taluk cozah nih thawng a thanh.
Taluk cozah nih zinan ngeitu campani hna cu ram dang ah zinan zuar lo dingin hnatlaknak minsen a thutpi hna. Campani nih ram dang ah zuar dingin timtuah cang mi zinan pawl zong cozah nih a let ter tthan hna.
Bangladesh ah sianghleirun vialte an khar
Bangladesh cozah nih cawn nikhat ni thokin sianghleirun vialte a khar ter dih hna. Muslim biaknak an sunhsak ngaingai mi Eid al-Fitr an lawmh lio caan a si caah mei le zinan tlo deuh seh tiah sianginn an khar hi a si.
For the latest from SBS News, download our app and subscribe to our newsletter.
