1. Ahodah Tar-tlin-hlawh cotlaktu a si?
Riantuantu kum 18 a simi le thlakhat ah hlawh $450 a hmu/ei mi nih cotlak a si. Rianngeitu nih riantuantu caah tiah na hlawh chungin 9.5% cu khawnpiak a si.
2. Riantuantu cheukhat cu an riantuanmi phun ruangah tar-tlin-hlawh khawnpiak le chiahpiak an si lo
Riantuantu nih rian pahnih pathum tiah hmundang kadang cio ah a tuan a si ahcun, cun, cu rian pakhat cio in a hmuhmi hlawh cu thlakhat ah $450 in tlawmdeuh a si ahcun, tar-tlin-hlawh cu khawnpiak le chiahpiak a si lo kho men.
3. Tuan-pah-cawn-pah (Apprentices le trainees) zong nih thlakhat ah hlawh $450 nak tam an hmuh ahcun tar-tlin-hlawh cu khawnpiak an si.
4. Na tangka a tawlreltu hodah a si?
Tangka-inn, aamahkhaan khampany le seh riantuannak lei nih na tangka cu an tawlrelbik.
5. Riantuantu nih tar-tlin-hlawh khawnnak hmun I thimkhawh a si
Rianngeitu nih tar-tlin-khawhnak an tuaktanpiaklo a si ahcun, nangmah tein na duhmi thim khawh a si. Tar-tlin-hlawh thimmi tu, nangmah tangka na sunghnak hnga lo thatein an konglam chekhlat hmasa ahcun a tha.
6. Tar-tlin-khawh pumpak pekchapnak nih tangka khawnmi a karh ter
Mah pumpak tangka sianbu tein le felfai tein a pe chapmi cu a cozah nih tangka laksawng a pek ve hna.
7. Hlawhniam le hlawh-lai mi nih tar-tlin-hlawh caah pumpak tangka pekchapnak nih cozah bawmhnak ngahkhawh a si
Riantuantu nih kumkhat ah a hlawh hmuhmi thong51 nak tlawm a si ahcun, a cozah bawmhnak kumkhat ah $500 tinco tlak a si.
8. Tar-tlin-hlawh hmunkhat ah fonhnak nih tampi tangka khawnnak a chuahpi
Hmuntampi ah tar-tlin-hlawh khawnnak chacun, hmunkhat pakhat te ah khawn ahcun catuah dingle a dangdang tuahnak in luatnak a si.
9. Zeitik ahdah na tar-tlin-hlawh khawnmi lakkhawh a si ti kum aa thleng kho
Atulio ahcun, kum 57 tlin ahcun lakkhawh a si. Sihmanhsehlaw, riantuan hauhtilo kum > tar-kum tiah cohlan mii cu kum 70 lei a panh thluahmah.
10. Australia Rammi Sinak a ngeimi nih chuahkehnak ram lei pemthan zongah tar-tlin-hlawh hmuh khawh a si ko.
Na chuahkehnak ram lei ah kirthan le luphum aa timmi na si ahcun, na tar-tlin-hlawh hmu kho dingin sok khawh a si.
Tamdeuh hngalh a duhmi nih a tanglei ah kau in relkhawh a si:
SBS Hakha Chin
