Rian Thiammi Caah Khuate Lei Pemnak

Vawlei ah ni hlawh a san biknak, riantuannak caah a himmi hmun - Australia khuate, wine ser/chuahnak ah rian lawng a um, ramdang mibu zong rian sok ding in don cio a si.

Skilled migrant worker australia

Source: Getty Images

 

Biapipa:

  • Ramdang riantuantu (Ramdang minung Australia ah rian a tuanmi) Viza phun 491 le 494 aa tlaihmi cu Australia khuate lei ah pem khawh a si.
  • Asoktu zong an chungkhar ningin pem nak nawl an ngei.
  • Tincotlak riantuantu nih Australia ah umthainak nawl an sok khawh.
Advertisement
Worker in uniform beside a coal conveyer belt
Source: Getty Images/Pamspix


Rian Thiam Viza 491 (Skilled Work Regional - Provisional) le Rianngeitu nih Kawhmi Rian Thiam Khuate Viza 494 (Skilled Employer Sponsored Regional - Provisional) aa tlaihmi ramdang riantuantu caah Australia khuate lei pemnak lam a um. Hi viza phunhnih aatlaihmi, a soktu minung a kum 45 tang cu Australia ah kum 5 tiang umnak nawl an ngeih pin ah tincotlak an si ahcun Australia ah umthainak nawl zong an sok kho.

Asoktu (a hrampi) a simi caah a dihmi man cu Australia tangka 4045 a si. Cun, midang (a chungkhar) an tlawm tam ningin minung pakhat caah tiah a man pek chap ding le a dih ding a um fawn.


Warehouse workers
Warehouse workers Source: Getty images/Tempura


Rian Thiam Khuate Viza 491 (Skilled Work Regional - Provisional)

Hi viza sok hlan ahhin, Australia lei in sawmnak ca na don hmasa a hau lai. Apakhatnak ah, na thiammi rian hi Australia ah an duh/hal mi rian a si lai. Australia ramchung ramthen pakhat le pakhat nih ramdang riantuantu an duh/hal mi aa dang cio. Australia chawleh chawhrol le rian sining zohchunh in aa tlak ning in ramdang riantuantu an duh/hal mi cu thlen theu a si tawn.

 nih caanhmaantein Australia ah zeiriandah an duh/hal timi cu an thar chuah lengmang.

A pahnihnak ah, SkillSelect ah riantuan na duhnak kong cu na chimphuan a hau. Hi SkillSelect timi cu a man pek haulo tein, online in Australia ah rian tuan a duhmi le rian thiammi nih zeitindah Australia ah caan zeimawzat maw, umthainak caah tiah um/pem a duhmi sok khawhnak a si.

  timi cu zeitlukdah mirang holh na thiam, na siangkai/fimcawn nak, rian lei hmuhtonnak na ngeihmi le a dangdang fim/thiam cawnnak na ngeihmi pawl chimnak le biahalnak na lehmi chungin – nangmah cu zeitlukdah na si timi i hngalhnak caah tahfung bantuk in an hmanmi a si. Hi zawn ahhin a niambik point 65 tal na hmuh a herh. Nain, ramthen pakhat le pakhat nih zulhphung an ngeihmi aa dan bantuk in an halmi point zong aa dang kho mi a si. Cun, na rian thiam mi cu nawlngeitu zung lei in thatein an in hneksak hmasat a hau lai.


woman on a swing in Albury NSW
Source: Getty Images/Cavan Images


Rianngeitu Kawhmi Rian Thiam Khuate Viza 494 (Skilled Employer Sponsored Regional - Provisional)

Hi viza cu khuate ah a ummi rianngeitu nih Australia minung chungin rian thiammi an lak, hmuh khawh lo tik ah, ramdang minung rian thiammi kawh in rian tuan ternak viza phunkhat a si. Hi chung ahhin phunhnih in thenthan a si. Cuhnacu: Rianngeitu Kawhmi, le Rian Biakamnak an si. Rianngeitu Kawhmi cu khuate ah a ummi rianngeitu nih Australia cozah sin ah ramdang minung riantuantu kan herh tiah an sokmi cohlan hnu ah hmuhmi a si. Adang cu, na rian thiammi hi Australia cozah le rianngeitu nih an duh/halmi chung in rian a si lai, cun, kaphnih hnatlaknak an ngeihmi rian ah aa telmi a si lai. Rianngeitu nih Australia minung chungin rianthiammi a hmuhlo tik ah rianngeitu nih ramdang riantuantu a herh I a kawhmi a si. Atu lio ah, kaphnih hnatlaknak in ramdang riantuantu an herhnak hi hmunkua ah an si. Cuhnacu:

  1. Caw le cawhnuk he pehtlaimi rian
  2. Nga he pehtlaimi rian
  3. Sa he pehtlaimi rian
  4. Lo he pehtlaimi rian
  5. Rawl dawr he pehtlaimi rian
  6. Vok he pehtlaimi rian
  7. Biaknak he pehtlaimi rian
  8. Thilfak he pehtlaimi rian
  9. Rian lawngmi paoh ah rian tuannak hna an si.
Mirang holh le ca thiam cu chimhau lo tein a biapi taktakmi a si. Nain, semnak ram chuahtak in mi ramdang ah, umballonak ram ah riantuan tihi thil fawi le thilzaang cu a si lo. Ruah/ tuak awk tampi an um: innchungkhar he si le bang ahcun, rian lawng ruahawk a tha lo. Tamdeuh hngalh a duhmi nih hika - zoh le rel khawh a si.


Share
Published 9 June 2020 at 2:34pm
By Josipa Kosanovic
Presented by SBS Hakha Chin
Source: SBS