Rawl-ulhnak nih thathnemnak a chuahpi ma?

Rawl-ulh timi hi vawi cung biaknak tam deuh nih an kalpi mi le an tuah cio mi a si. A cheu cu ti le raw lei lo bakin a um mi zong an um, a cheukhat cu tlawm deuh in a ding ei mi zong an um. Rawl an ulhning cu a khat cio lo nain biaknak a ngeimi poah nih rawl an ulh cio.

ramadan dinner

Fasting has been used therapeutically since at least the 5th century bce, when Greek physician Hippocrates recommended abstinence from food to some patients. Source: Getty Images/mustafagull

Miphun tampi I cawh in khuasaknak ram tahchunnak ah Australia ram ti bantuk hna ah na um a si ahcun biaknak dangdang a bia mi le nunphung a dang mi tampi na na hmun ton hna lai.

Cu bantuk caan ah a biapi tuk mi cu an nunphung le an biaknak kha na biaknak le na nunphung he a khat lo mi a si tikah na upat piak thiam hna le an sining tein na cohlan thiam hna ding kha a bia tuk mi a si.

rawl-ulh timi hi biaknak kip nih an ngeih dih cio, rawl ulhnak nih kan pum caah zei tluk in dah thathnemhnak a ngeih timi kan rak langhter lai.

Advertisement
Dr Veronique Chachay cu University of Queensland ah rian a tuan lio mi a si i rawl ei ti din lei ah hngalhnak a ngei mi pakhat a si.

Caan zei mawzat chung rawl loin umnak nih kan pum caah thatnak a chuahpi tiin Dr Chachay nih a chim.

intermittent fasting
Source: Getty Images/lacaosa




A phichuak kan hmuh khawh mi cu zeidah a si ti ah cun kan thi kha a rak I thianh chung ve.
Ti din loin umnak nih kan pum caah thatnak a chuahpi cu theih a si lo.  Ti kan din nak nih kan pum chung I a thiang lo mi pawl kha a thianh hna tiin Dr Chachay nih a chim.

Rawl kan hun ulh le cangka in  kan pum chung “autophagy” timi riantuan hram a thok tiin Dr Chachay nih a chim.

“Kan pum chung I kan thihri pawl chungin tharchuah awk a tha mi cu a thar chuah than hna.”

Cu nih zei dah a thathnem ti ah cun kan ngan a dam deuh kho cun tar a har deuh tiin Dr Chachay nih a chim.

Rawl kan ulh mi kan hun ngol I rawl kan ei than tikah khin kan pumsa nih kan rawl chung I a herh vialte kha a si khawh chungin lak dih a zuam. Cu tikah a biapi tuk mi cu rawl kan ei than tikah kan caah a tha mi rawl lawng kan ei ding a biapi tuk. Cun a hlei hluak in a thlum almi le a kan thauter kho tu ding rawl kan ei lo a herh tiin Dr Chachay nih a chim.

Asinain, rawl-ulh hi a mi kip caah a thahnemnak a chuahpi lo, a ngan a dam cia lo mi le ei din lei ah dam lonak a ngei mi caah cun rawl ulh cu an caah a si kho ve lo tiin Dr Chachay nih a chim


Share
Published 12 April 2022 at 6:34pm
By Chiara Pazzano
Presented by Cung Khuk Zawn