Simon Za Thang cu Australia, Melbourne nichuah lei ah khua a sa lio mi a si. Australia ram pumpi chungah Boxing thonghnak in Australian Light Flyweight champion taisawmh a kan hmuh piak. Oceania ram chungah pakhatnak hmu dingin timhlamhnak zong a ngei cuahmah.
Simon Za Thang hi Boxing a thonghnak caan a sau rih lo. Asinain, a cawnpiaktu saya le boxing thonghnak tawlreltu hna nih a thonghning le a cawlcanghning an uar ngaingai caah tuan ah taisawmh i cuh khawhnak lam an sial piak.
Professional dirhmun in puai thum a thonghnak ah Australian Light Flyweight Champion taisawmh a kut cungah a phak hi a si.
Champion a cuh hlan ah SBS Hakha Chin nih biaruahnak zong kan rak ngeih bal cang. A tanglei ah tuan deuh kan biaruahnak pawl ngaih khawh a si.
Share
