Australia ram ah a chuakmi minung he tahchunh tik ah, mipem mibu hna le a nuhrin holh ah mirang holh a silomi hna nih thinlung ngandamnak riantuantu sin an panh hi a tlawm deuh chialmal. Thinlung ngandamnak lei ah damlonak le buaibainak ka ngei rua, bawmh ka herh ko lai timi dirhmun ah a ummi na si ahcun, thiamtlinnak a ngeimi thiamhleisang nih bawmhkhawhnak lam tampi a um ko. Tuzarh tonbiaruahnak SBS Hakha Chin nih a ngeihmi hi a min taktak a si lo, min-deu Mai Senri Par a si.
Bawmhhal khawhnak;
Mithmai ton in biaruah na ngamh lo ahcun asilole thinlung ngamdamlonak kongah bawmtu na herh ahcun ‘online’ in siseh, ‘fone’ in atanglei ah bawmhnak hal khawh a si.
Beyondblue cu suimilam 24 ni 7 (24/7) chung chawnhkhawh a si. An fone nambar 1300 22 4636 a si chat service zong in zanlei 3 in 12 AM, ni 7 chung chawnhkhawh a si. Hika zawn, email in cakuat khawh zong a si.
Khulrang in bawmh na herh ahcun, Lifeline nambar 13 11 14 le chat service 7 PM in 4 AM karlak ah chawnh khawh a si.
Ngakchia, tleirawl le mino kum 5 in 25 karlak minung hna ca zongah Kids Helpline an nambar 1800 55 1800 ah chawnh khawh a si.
Share
