Viza le Nunphung Ruangah Nu Cheukhat Cu Chungkhar Buainak Rap In An Chuak Kho Lo

Anti-family violence advocates are calling for criminalising coercive control in Australia. Source: Getty Images/ Xia Yuan

Chungkhar buaibainak he pehtlaiin au-kanhnak a tuahtu hna nih tlerhkhonh le tthihpheihnak hmangin chungkhar tthihruaimi cu misual ah pom dingin an aupi.

Mithmuh loin fahnak pek

Thawngpang latu a simi Jess Hill nih kum 4 chung Australia ramchung i chungkhar buaibainak kherhlainak a tuahmi cu cauk in a chuah. A cauk min cu See What You Made Me Do (Nangmah Ruangah Ka Tuahmi Hi Zoh) ti a si.

Tthihpheihnak le tlerhkhonhnak in mi uknak midang nih an hmuh fian thiam lomi thil a si tiah amah nih cun a chim.


Abiapi Cemmi

  • Chungkhar ah namneh le tukvelh a tongmi an dihlak chungin a cheu hi caantawi viza a tlaihmi le a kawh-autu nih kuat than dingin tlerkhawh mi an si.
  • Chungkhar buaibainak tangah a ummi chungin caantawi viza a tlaihmi hna cu pemluhnak upadi nih tawlrel dingin chungkhar buainak au-kanhtu nih an aupi.
  • Australia ramchung i chungkhar i tthithruainak ah tlerkhonh le tthihpheih a hmangmi pawl hna cu misual ah pom dingin aupi a si.

Tlerkhonhnak le Tthihpheihnak hmangin mi uknak hmelchunh hna:

  • Phaisa duhning tongthamter lo
  • Chungkhar le hawikom he hlat in umter
  • Midang he tonnak ser kho loin in chiah
  • Fahnak pek dingin tlerh, fale tiang fahnak pek dingin tlerh

Hi bantuk ziaza hna hi hmailei caan ningcang loin tuahto na ton te ding a langhtertu an si lo, atu na tuar in mi hi ningcangloin tuahto cu a si cang.

Ahmanung bik chungkhar buainak kong kherhlainak an tuahmi a langhtermi cu chungkhar buainak a chuahtertu chungin zatuak 92% nih mah duhnak lawng in mi uknak ziaza an keng.

Hispanic female young adult gesturing stop and social distancing
Many victims of family violence on temporary visas remain trapped in abusive relationship for fear of deportation.
iStockphoto

Nunphung umtuning

An nunphung umtuning ruangah nu tam u nih caan tam deuh cu tlerkhonhnak le tthihpheihnak hmangin ukmi an si an i hngalh fiang lo tiah Anu Krishnan nih a chim.

Tahchunnak a chimmi cu, Muslim silole Hindu a biami kha a zumhnak kalh in tisik an hnah in sa chuanter, cu i a duh lo ahcun sik le cak a ton ah cun khakha mi uk duhnak lungthin a ngeimi ziaza cu a si.

"Hi bantuk hna cu a nem ngaimi thil a lo ko lai nain a tuar ingtu caah tuar in fak tukmi thil an si" tiah a chim.

Hi bantuk ziaza tha lo hna hi a dong cang ti a um lomi an si i ttihpheihnak ziaza hna hna cu mi uknak ah an hman. Hi thil hna hi mi cheukhat hna caah cun rap ah an i foih bantuk a si i an chuak kho ti lo.

Pasal le nih tthihphei le tlerkhonh a tongmi nu pa 5 chungah pa 1 in mipem an si i cu chungah nu pali chungah pa3 nih pasal le sinin tukvelh le namneh an tong tiin kherhlainak an tuahmi nih a langhter.

Thlanglei asia ram miphun hna he rian a tuantti mi Jatinder Kaur nih an nupi le nau an pawi ahcun kan duh ningin kan uk khawh deuh hna lai timi ruahnak an pasal le nih an ngeih tiah a chim.

"Thil phundang pakhat ka hmuh khawh rih mi cu fanu le fapa kongah ah hin a si, fapa te an duh men hnga nain fanu an ngeih ah cun an pasal le nih thah dingin an fial hna. An nupi le nih cawmken dingin an duh ko zongah a ngah lo" tiah Kaur nih a chim.

Viza kong he petlaiin harsatnak le bawmhnak kong

 Chungkhar buainak tangah a ummi tam deuh cu caantawi viza a tlaihmi an si tikah palik le zungah theiter tuah an ngamh lo a ruang cu an viza chuh an si sual lai ti an phang tiin Jess Hill nih a chim.

"Midang nih 'hi bantuk dirhmun hna hi na chuahtak ko lo?' Na takpum siseh na thinlung siseh phurhrit tuk hi tiin midang nih an chim nain, caantawi viza na tlaih ahcun chuah le zaam  timi khi a har tuk" tiah a chim. 

Jess Hill
Jess Hill, investigative journalist and author.
SBS

Australia ram pemluhnak upadi nih caantawi viza a tlaihmi le nupi le pasal kawh-auhnak viza a tlaihmi chungin chungkhar buainak a ton i an pasal le he an i then zongah umlanak viza zalong tein soknak nawl a  pek ko.

Soknak an tuah tik belte ah chungkhar buaibainak a tongmi nih tehteh an ngeih a hau lai tiah Ali Mojtahedi nih a chim

Sihni theihpinak ngeih ah cun a dang buaipi a haumi a um ti lo i a fawi cemmi zong a si. 

Sihni theihpinak a um lo zongah siibawi sin zongah kal khawh thiam a si, cu silole thluak lei siibawi sin zongah ri-pawt lakmi zong pom thiamthiam an si ko.

Nang silole midang thinphang dirhmun in nan um ah cun, 000 hei chawn

Chungkhar buainak kong he pehtlaiin bawmh hal na duh ahcun 1800 737 732 hei chawn.

 

Source SBS Settlement guide
This story is also available in other languages.