Tau muaj tebchaws Italy ib lub tsev txiav txim plaub ntug txiav txim tias kev siv xov tooj ntawm tes ua rau ib tug neeg mob cancer.
Tau tebchaws Italy ib lub tsev hais plaub tau txiav txim tias cov kev siv xov tooj ntawm tes ntau heev tau ua rau yuav mob cancer rau lub paj hlwb tau.
Raws li tau muaj kev txiav txim ib rooj plaub rau zwj thaj tim 11/04/2017 zwj Teeb (Thursday) dhau los, ces lub tsev hais plaub ntawm Italy lub zos Ivrea nyob sab qaum teb tau txiav txim rau ib tug neeg so noj nyiaj laus mus hais cov plaub no yeej lawm.
Tab sis tej zaum lub tuam txhab raug txiav txim txhaum no tseem yuav rov qab mus hais kom thim cov kev txiav txim no thiab. Roberto Romeo, uas muaj 57 xyoo tau mus ua pov thawj tim khawv qhia tias vim nws txoj hauj lwm pheej ua rau nws yuav tau siv mobile phone (smartphone) tas li txog li 3-4 teev rau ib hnub twg los tau 15 lub xyoos diam.
Stefano Bertone thiab Renato Ambrosio uas yog nws 2 tug kws lij choj tau hais tias " Yog thawj zaug hauv ntiaj teb no uas ib lub tsev hais plaub tau txiav txim lees paub tias cov kev sib mobile phone muaj feem cuam tshuam ua rau mob cancer rau tib neeg lub paj hlwb". Romeo tau hais tias tsis yog nws xav ntaus nqe yuam kev phem rau cov xov tooj ntawm tes li cas. Tab sis nws ntseeg tias kom tej neeg yuav tsum paub zoo txog cov kev sib tej xov tooj ntawm tes zoo tshaj no ntxiv xwb".
Roberto Romeo hais tias " Kuv tsis muaj lwm txoj hauv kev lawm thiab yuav tsum tau siv xov tooj ntawm tes los nrog cov neeg kuv ua hauj lwm ua ke tham thiab npaj hauj lwm rau 15 lub xyoos dhau los no, ces kuv yeej tham xov tooj thiab hu nrog ib tug twg tham txhua sij hawm tsis hais nyob ntawm tsev los yog nyob hauv tsheb li."
Nws hais ntxiv tias "Ces txawm ua rau kuv pib mloog tau tias zoo li kuv sab pob ntseg xis tsis tshua hnov lus zoo li lawm thiab kuv tseem raug ntsuam xyuas tau tias muaj cancer rau xyoo 2010 thiab. Kuv yeej zoo siab tias tsis yog ib cov cancer mob loj sai tab sis yeej tau ua rau kuv tsis hnov lus kiag li lawm vim yuav tau muab kuv txoj leeg hnov lus ntawv txiav tawm pov tseg lawm."
Tau muaj ib tug kws paub zoo txog tshuaj thiab kev kho mob tau kwv yees tias cov kab mob cancer no tau tsim teeb meem txog li 23% rau nws lub cev txoj kev muaj peev xwm ua tau hauj lwm lawm, ces thiaj ua rau tus kws txiav txim plaub ntug tau hais kom lub tuam txhab INAIL uas yog Italian ib lub tuam txhab muag cov nyiaj tuav pov hwm (Insurance) rau tej neeg raug mob rau tom tej chaw ua hauj lwm yuav tsum tau them nyiaj rau kim Robert Romeo 500 Euros rau ib hlis twg.
Raws li tau muaj cov kev teeb txheeb txhob fab kev tshawb fawb tawm los lawm ces cov kev siv xov tooj ntawm tes (mobile phones-smartphone) ces tej zaum yeej muaj peev xwm tsim tau teeb meem pheej hmoo rau tib neeg txoj kev noj qab haus huv thiab tab sis yeej tau xaus lus tias yuav tsis muaj teeb meem loj dab tsi rau tib neeg txoj kev noj qab haus huv dab li tej neeg feem ntau siv ntawd.
Cov neeg siv xov tooj ntawm tes heev tej zaum kuj yuav muaj tau tej teeb meem no thiab raws li lwm cov kev teeb txheeb uas tau tshawb fawb ntawd, tab sis yeej tau muaj ntau tus kws txawj ntse hais tias tseem ntxov heev yuav muaj peev xwm hais tau kiag li no thiab tseem yuav tau los ua tib zoo txheeb xyuas seb ho muaj feem cuam tshuam dab tsi nrog rau cov technology tshiab no tso.
Thiab mloog tau ntau yam xov xwm ntawm xov tooj cua SBS Radio Hmong Program ntawm:
www.sbs.com.au/hmong zwj Teeb (Thursday) 6 pm, hnub zwj Hnub (Sunday) sij hawm 11 thaus sawv ntxov. www.sbs.com.au/podcasts/yourlanguage/hmong
Mloog tau xov xwm ua ib zaj ib zaj ntawm facebook: www.facebook.com/sbshmong
Mloog tau hauv Digital TV tshooj 38
Downlaod SBS Radio Apps ntawm Google Play thiab App Store tso rau koj lub smartphone ces mloog tau rau hnub Thursday 6pm thiab Sunday 11am.
Xa messenger tuaj rau #SBSHmong facebook los yog 042 999 6263 Xa email tuaj rau vixay.vue@sbs.com.au
Hu xov tooj tuaj nrog SBS Radio Hmong Program tham tau ntawm +61 3 9949 2259.
Los yog mloog tau raws li cov Radio freguencies ntawm Australia ccov nroog li hauv qab no tau:
HOBART 105.7FM
MELBOURNE 93.1FM OR 1224 AM
CANBERRA 105.5FM OR 1440 AM
SYDNEY 97.7FM or 1107 AM
BRISBANE 93.3 FM
CAIRNS 90.5 FM SBS Radio Hmong Program.
