Cov kev kub siab txog koj txoj kev ua lub neej zoo yuav muaj cib fim zoo pab kom koj tsis txhob ntsib cov teeb meem ua rau koj lub plawv nres tau. Tab sis yog tias ho muaj tej teeb meem no tshwm sim lawm ces koj yuav tsum tau kub siab los xyuas kom sai li sai tau thiab tsim nyog yuav tau paub txog cov yam ntxwv ntawm cov kab mob plawv no.
Tab sis ho muaj teeb meem dab tsi tshwm sim thaum ib tug neeg twg ntsib cov teeb meem plawv yuav nres?
Source: Pixabay
“Tos ib tug neeg twg lub plawv ho nres los twb vim yog cov hlab ntsav loj txhaws ces ua rau cov ntshav xa tsis tau oxygen thiab tej zaub mov coj mus yug lub plawv cov nqaij ces thiaj ua rau lub plawv tsis ua hauj lwm lawm.”
Yog li thiaj yog tej yam tseem ceeb heev thiab xav taw qhia rau zej tsoom kom teem caij mus ntsib thiab sab laj nrog koj tus kws kho mob kom nrog ntsuam xyuas koj lub plawv thiab txheeb tias seb puas muaj teeb meem dab tsi yog tias koj yog ib tug neeg uas muaj caj ces mob plawv.
Tab sis ho muaj tej txuam thawj (factors) dab tsi ua rau muaj cov kab mob plawv no?
Tham txog nqe no ces kuj muaj ntau yam xws li:
Muaj ntshav siab (High blood pressure):
Vim thaum koj mob ntshav siab blood pressure ces ua rau koj lub plawv thiab tej hlav ntsha yuav tau ua hauj lwm hnyav heev. Tab sis yeej yogi b co mob uas muaj peev xwm kho tau. Yog li thiaj xav kom mus ntsib kws kho mob thiab ntsuam xyuas seb puas muaj ntshav siab tas mus li.
Muaj roj khub hlab ntsa (High cholesterol):
Source: Anthony Devlin/PA Wire
Xav kom tsis txhob siv roj ntau los npaj koj tej zaub mov noj, vim yog muaj tej roj ntau heev hauv koj cov ntshav imbalance of cholesterol ces yuav ua rau koj plawv nres los yog hlab ntsha tawg saum tob hau tau.
Tsis tas li no tseem coj cov cujpwm tsis noj zaub mov muaj txiaj ntsim rau yus lub cev thiab ho mob ntshav qab zib ntxiv (Unhealthy diet and diabetes):
Vim yog koj tsis noj zaub mov zoo muaj txiaj ntsim pab rau koj lub cev ces yuav ua rau koj lub cev rog muaj ceeb thawj thiab yuav mob plawv los yog mob lwm yam mob tau. Tab sis yog koj kub siab noj tej zaub mov zoo muaj txiaj ntsim thiab noj hauj sim healthy and balanced diet ces yuav pab kom koj lub cev yiag txias du dais tsis muaj ceeb thawj, tsis muaj ntshav siab thiab tsis muaj roj khub hlab ntsha los yog roj kub cev.
Vegetables and fruits Source: GettyImages/fcafotodigital
Lub koom haum tswj cov kab mob ntshav qab zib Diabetes Australia los kuj muaj ib cov kev taw qhia ntawm no gives recommendations qhia rau koj tias yuav tswj cov kab mob ntshav qab zib li cas kom tiv thaiv thiab pab tau koj tsis txhob mob plawv thiab.
Tsis mus qoj ib ce kom tawm hws (Lack of physical activity):
Kev tsis kub siab excercise thiab pheej zaum ntev heev yog tej yam tsis zoo rau koj lub plawv. Yog li cov kws kho plawv thaib paub zoo txog cov kab mob plawv thiaj xav kom ib hnub twg no yuav tsum tau mus exercise txog 30 ntiag tiv (minutes) txhua hnub. Thiab mus taug kev ua si yog tej yam yooj yim uas koj muaj peev xwm pib ua tau.
Health is a must if you are into a road trip by motorhome Source: AAP
Haus luam yeeb (Smoking):
Yog koj tseem yog ib tug neeg haus luam yeeb ntxiv thiab ces yuav ua rau koj haj yam yuav mob tau cov kab mob plawv no thiab.Yog li cov kev tso tseg tsis haus luam yeeb Being smoke free thiaj yog ib txoj xub ke ntawm ntau cov yuav pov puag koj lub plawv kom txhob muaj teeb meem. Vim thaum koj xaus tsis haus luam yeeb lawm thiaj ua rau koj ntsib cov teeb meem pheej hmoo no tsawg dua lawm.
Source: AAP
Cov kev tsis tau koom npoj thiab teeb meem nyuaj siab ntxhov plawv (Social isolation and depression):
Tej zaum cov neeg uas tsis muaj tus pab, tsis muaj cuab yig, tsis muaj phooj ywg npoj yaig kuj yuav yog cov neeg uas mob plawv tau thiab. Tsis tas li los cov teeb meem nyuaj siab ntxhov plawv los kuj tseem yog ib cov txuam thawj yuav ua rau mob plawv tau. Beyond Blue uas yog lub koom haum pab cov neeg nyuaj siab ntxhov plawv hais tias yog koj mloog tau tias koj muaj kev nyuaj siab tshaj 2 lim piam lawm ces tsim nyog yuav tau sab laj nrog kws kho mob los yog ib tug neeg hauv koj tsev neeg los sis ib tug neeg twg uas koj paub zoo.
Tseem muaj qee cov txuam thawj uas koj tsis muaj peev xwm yuav ua tau li cas rau thiab (Some risk factors you cannot change):
Raws li lub koom haum The Heart Foundation tau qhia cov txhuam thawj (risk factors) uas yuav muaj tau cov kab mob no ces yog hnoob nyoog, keeb kwm los yog caj ces thiab seb koj yog pag pawg haiv neeg twg (ethnic) ces yeej tsis muaj peev xwm yuav ua tau li cas. Piv txwv li cov neeg nyob ntawm cheeb tsam Indian sub-continent yog cov neeg yeej mob plawv nres ntau dua lwm cov.
Hos muaj lwm cov yam ntxwv mob dab tsi ntxiv thiab? (What are some of the symptoms?:
Ua rau meem txom tsis paub nyob thiab mob hauv siab heev (Experiencing discomfort and chest pain):
Txawm tias yuav muaj cov yam ntxwv mob sib txawm ntawm ib tug neeg rau lwm tus los thawj cov yam ntxwv ces yeej yog mob mob hauv siab heev thiab mloog tau tias ceev ceev hauv siab kiag tam sim ntawd ntawm koj lub hauv siab.
Rob Perel uas yog tus kws paub zoo txog kab mob plawv hais tias:
"Yog mob plawv nres ces yuav mob hauv siab tshaj plaws li yeej mob ua lwm ua liam nyiaj tsis tau li lawm. Feem ntau yog mob rau sab laug ntawm yus lub nruab nrab hauv siab. Tsis tas li tseem mob nce mus rau yus lub puag tsaig thiab mob kis rau yus txhais npab sab laug ntxiv."
Muaj cov yam ntxwv txawv txav rau koj tej caj npab, caj dab thiab nrob qaum (Experiencing discomfort in your arms, neck or back):
Ua rau koj moog tau tias mob los yog muaj dab tsi txawv txav rau koj lub cev txij ntawm hauv siab nce rov rau saum tob hau. Thiab ua rau koj 2 sab caj npab tsaug tsaug tsis muaj zog los siv tsis tau li lawm.
Ua rau koj txog siav ua tsis tshua taus pa (Feeling short of breath):
Tej zaum yuav ua rau koj txog siav ua tsis tshua taus pa. Thiab tseem muaj lwm cov yam ntxwv xws li ua rau koj mloog tau tias qa ti ti los yog zawm zawm hauv koj lub qa tuaj, ua rau koj xeev siab yuav ntuav, ua rau koj tawm hw txias zias thiab mloog tau tias kiv thiab dias tob hau.
Tab sis ho yuav ua li cas thiaj pab tau? (What to do?):
Source: AAP
Thawj yam ces yog thaum koj xav tias koj plawv yuav nres ces kom hu rau tus zauv xov tooj (000) los yog emergency services ntawm lub tebchaws koj nyob kom lawv xav tsheb ambulance tuaj thauj koj mus rau tom tsev kho mob.
Rob Perel uas yog tus kws paub zoo txog cov kab mob plawv hais tias:
"Thaum cov neeg pab cuam caij lub tsheb ambulance tuaj txog ces lawv yuav muab cov tshuaj Aspirin rau koj noj. Thiab koj yuav tsum zaum twj ywm tsis txhob ua dab tsi tsam ho muaj teeb meem ntxiv rau koj lub plawv txog rau thaum ua kws kho mob ntsuam xyuas koj tus mob thiab qhia tias seb yuav mus kho li cas ntxiv lawm xwb."
Listen more from the podcast at www.sbs.com.au/podcasts/yourlanguage/hmong or listen at www.sbs.com.au/hmong and also from #SBSHmong Facebook page.
Hmoob thawj tug scientist nrog neeg txawv tebchaws mus teeb txheeb ntawm Antarctic (Qab ntuj):
Vim li cas Hmoob thiab sau nqe mis nqe hno:
READ MORE
Nqe mis nqe hno
Kev sib tw ntawm Hmong Australia Easter Soccer 2017 ntawm Cairns no pab twg yuav yeej thiab muaj kev pauv hloov dab tsi:
Cov tebchaws twg rau txim tuag rau nws tej pej xeem ntau tshaj plaws?
READ MORE
Cov kev rau txim tuag
Thaum twg mam kho tau cov kab mob Parkinson zoo tu qab?
Cov teb chaws twg xav sib tw los ua tswv cuab tswj ntiaj teb cov kev ncaws pob World Cup xyoo 2026?
READ MORE
Ntiaj teb cov kev sib tw ncaws pob
Thiab mloog tau ntau yam xov xwm ntawm xov tooj cua SBS Radio Hmong Program ntawm:
Digital TV tshooj 38
Downlaod SBS Radio App ntawm Google Play thiab App Store tso rau koj lub smartphone ces mloog tau rau hnub Thursday 6pm thiab Sunday 11am.
Xa messenger tuaj rau SBSHmong facebook los yog 042 999 6263
Hu xov tooj tuaj nrog SBS Radio Hmong Program tham tau ntawm +61 3 9949 2259.
Thiab mloog tau raws li cov Radio freguencies ntawm Australia ccov nroog li hauv qab no tau:
HOBART 105.7FM
MELBOURNE 93.1FM OR 1224 AM
CANBERRA 105.5FM OR 1440 AM
SYDNEY 97.7FM or 1107 AM
BRISBANE 93.3 FM
CAIRNS 90.5 FM
SBS Radio Hmong Program.
