Lub koom haum Australian Bureau of Statistic (ABS) cov zauv teeb txheeb tau qhia rau xyoo 2015 dhau los, tsuas muaj cov hluas txog li 15% uas muaj cov teeb meem nyuaj siab ntxov plawv los yog ntsib teeb meem mob hlwb thiaj li mus nrhiav kev pab cuam xwb. Ces thiaj li tau ua rau ntau roob tus hluas uas tsis mus nrhiav kev pab cuam thaum lawv ntsib tej teeb meem no.
Raws li Jason Trethowan uas yog tus coj ntawm lub koom haum Headspace tau qhia, ces muaj cov hluas txog 75% ntawm cov hluas ua ntej yuav muaj hnoob nyoog 25 xyoos yog cov ntsib teeb meem nyuaj siab ntxhov plawv thiab ntsib teeb meem mob hlwb ntau tshaj plaws.
Tab sis tau muaj lub koom haum Headspace uas twb tau teeb tsa los tau 10 lub xyoo no los tsim ib cov kev taw qhia (campaign) hu ua "Father's Campaign" coj los pab tej hluas daws cov teeb meem no.
Raws li ABS cov zauv tau qhia ces cov txiv neej ntsib cov teeb meem nyuaj siab ntxov plawv thiab mob hlwb no yuav txov txo lawv tus kheej los yog tua lawv tus kheej ntau tshaj cov poj niam txog li 3 npaug diam.
Yog li Jason Trethowan thiaj hais tias thiaj xav tsim cov program no coj los qhia rau zej tsoom thiab tsoom niam tsoom txiv kom kub siab los nrog xyuas thiab pab lawv tej hluas thaum ntxov tsis txhob cia txog rau thaum lig uas tej me nyuam twb nyob twm zeej tib leeg tsis koom npoj, tsis xav kawm ntawv, tsis xav noj mov los yog noj zaub mov ntau ua rau lawv lub cev muaj ceeb thawj uas twb lig lawm.
Tab sis ho muaj dab tsi ho ua rau tej hluas no ntsib cov teeb meem nyuaj siab ntxhov plawv thiab mob hlwb no?
Raws li Jason Trethowan uas yog tus coj ntawm lub koom haum Headspace tau qhia, ces cov kev raug lwm tus thab zes, cov kev tus siab vim lawv tej hluas nkauj hluas nraug muab lawv tso tseg, cov teeb meem lawv niam lawv txiv sib nrauj, cov kev kawm tsis tau ntawv zoo los yog txhawj xeeb txog cov kev xeem ntawv, cov kev raug lawv tej phooj ywg tsub nias tsam los yog yuam los sis kev qaug quav rau tej dej cawv thiab yaj yeeb txhaum cai yog cov ua rau tej hluas nyuaj siab ntxov plawv thiab mob hlwb.
Tsis tas li no tseem yog ib cov teeb meem cov txiv neej los yog cov hluas tsis tshua tham tej teeb meem no qhia rau lawv niam lawv txiv li cov ntxhais los yog tej poj niam uas tham qhia rau lwm tus paub thiab. Vim lawv ntshais tsam ho txaj muag, ho raug lwm tus thuam saib tsis taus thiab ces lawv thiaj tsis tshua tham.
Yog li no thiaj xav kom tsoom ua niam ua txiv kub siab nrog lawv tej me nyuam los yog lawv tej hluas tham txog tej teeb meem no kom lawv muaj peev xwm tham qhib siab lug tso tshav lug kom zej tsoom paub zoo txog tej teeb meem no tuaj ntxiv, thiaj li paub nrhiav kev pab cuam rau lawv thaum tseem ntxov kom lawv tsis txhob xav tias yog tej yam txag muag uas pheem tseem yuav khaw zais cia rau lav nruab siab tsis xav qhia rau leej twg.
Jason Trethowan uas yog tus coj ntawm lub koom haum Headspace hais tias yeej xav kom tej cuab yig, hais tsis ntsees rau cov ua txiv kom nrog lawv cov tub tham thiab nug seb lawv puas muaj tej teeb meem no thaum ntxov. Nyob ntawm koom haum Headspace lub vam sab ces yeej muaj ntau cov kev pab cuam rau tej hluas hu ua health hup uas pab cuam rau sab cev nqaij daim tawv thiab sab ntsuj plig tib si uas muaj cov kev pab cuam ntau yam li kws kho mob (GP: General Practictioner), Cov kws pab daws kev nyuaj siab (Psychologist), social worker, cov neeg pab cawm cov neeg quav yeeb quav tshuaj, cov neeg pab tawm tswv yim, cov neeg pab nrhiav hauj lwm rau tej hluas ua los yog cov neeg nrhiav kev pab cuam thiab ua hauj lwm pab rau tej hluas (Youth worker) uas yeej muaj nyob thoob rau tej nroog, tej cheeb tsam yaj sab thoob plaws tebchaws Australia no coj los pab rau zej tsoom sawv daws.
Yog koj xav tau txais kev pab cuam ntxiv ces txheeb xyuas tau ntxiv raws li hauv qab no:
Crisis helplines:
Lifeline: 13 11 14
Suicide Call Back Service: 1300 659 467
Kids Helpline (for young people aged 5 to 25 years old): 1800 551 800
Mloog tau xov xwm lwm yam kaw ua suab tau ntawm:
Download SBS Radio App tso rau koj lub xov tooj ntawm tes rau ntawm App Store thiab Google Play.
Mloog tau SBS Radio Hmong Program ntawm digital TV tshooj 38 hauv Australia.
Thiab mloog tau ntawm cov radio frequency li hauv qab no:
Radio freguencies in Australia cities:
HOBART 105.7FM
MELBOURNE 93.1FM Or 1224 AM
CANBERRA 105.5FM Or 1440 AM
SYDNEY 97.7FM or 1107 AM
BRISBANE 93.3 FM
CAIRNS 90.5 FM
