Tsim kom muaj kev sib raug zoo rau tub ceev xwm thiab tej neeg zejzog

Koj puas yog cov neeg tsis nyiam tub ceev xwm? Tej zaum tub ceev xwm yuav tsis yog cov neeg phem npaum li koj xav thiab mloog zaj xov xwm no seb yog vim li cas? Yog hais rau cov neeg tuaj nyob tshiab hauv tebchaws Australia no thiab ho tsis tshua paub hais lus Askiv (English) kuj yog tej yam tsis yooj yim yuav mus ntsib mus cuag los yog ntseeg siab tso tso rau tub ceev xwm los sis khiav hauj lwm thiab cuam tshuam nrog tub ceev xwm pes tsawg tab sis tub ceev xwm yeej yog cov npaj yuav pag sawv daws. Tsis tas li no ntau lub chaw hauj lwm tub ceev xwm yeej muaj ib co peev txheej thiab cov programs coj los pab cov tub koom siab ntawm tej neeg zej zog - ntawm nod yog qee cov qhia rau koj paub.

Cup with a Cop Source: SBS/Wolfgang Mueller

Yuav tau siv caij nyoog mas thiaj yuav tsim tau kev ntseeg siab yog tham txog cov neeg tuaj lwm teb chaws tuaj nyob tshiab hauv Australia thiab ho tsis hais lus Askiv ntawd uas yuav tau mus ntsib nom tswv ces kuj yog tej yam ua rau lawv txaj muag thiab ntshai.

Tab sis yeej xav kom tsis txhob ntshai thiab mus ntsib mus cuag tub ceev xwm ntawm nej tej zejzog mus thov kev pab cuam ntawm lawv thaum nej xav tau kev pab cuam thiab. Lawv yeej muaj peev txheej ntau yam thiab ib cov program coj los pab cov neeg tsis hais lus Askiv (English) thiab cov neeg zejzog neeg tsiv teb tsaws chaws.  Ntawm nod yog qee cov program pab rau tej neeg zejzog:

Community programs

Mus nrog tub ceev xwm haus kasfes tham pem ua ke:

cov program no tau xub pib nyob tebchaws America United States kom coj tau tub ceev xwm thiab tej neeg zejzog los sib tham tawm tsawv yim txog ntau yam teeb meem thiab kom paub zoo txog ib tog twg thiab ntaus phooj ywg rau lub caij haus kasfes ua ke ntawd.

Tam sim no ces tau coj cov program no los siv thoob Australia lawm thiab. Lawv tau pib siv ntawm lub xeev New South Wales tom qab uas tus coj tub ceev xwm Peter Lennon ntawm Fairfield tau tsim cov program nrog tub ceev xwm haus kasfes nrog cov neeg zejzog uas nws saib xyuas ntawd.  Nws ntseeg tias cov program no yuav pab daws tau tej teeb meem ntawm cov neeg tuaj nyob tshiab hauv tebchaws Australia uas tsis muaj kev sib ntseeg siab los yog tso siab rau tej tub ceev xwm ntawd.

Nyem ntawm no coj koj mus txheeb tau xov xwm kom ntxaws ntxiv Find out more here.  

Tab sis cov program no ho ua dab tsi xwb?

Dua ntawm cov kev tsim kom muaj kev sib raug zoo rau tub ceev xwm thiab cov neeg zejzog neeg thoj nam lawm, ces cov kev sib ntsib no kuj yog ib lub cib fim zoo rau tub ceev xwm siv los qhia txog tej cai uas lawv siv coj los tswj ib cov xwm txheej dab tsi.  Kom tej neeg tau mus koom cov program haus kasfes no paub txog tub ceev xwm lub fwj chim li lawv muaj cai tshawb lwm tus, muaj cai tshawb tsev, thiab tshawb tsheb thiab muaj cai txhom ib tug neeg twg.  Tsis tas li no lawv kuj qhia tej xwm txheej no meej tseeb ncaj qha dawb paug rau tej neeg zejzog kom paub txog lawv txoj cai thiab.

Mus koom sib tw ntau pob basketball nrog tub ceev xwm!

The South Sudanese All Stars play the Victorian Police at Eagle Stadium (Photo by David Chiengkou for SBS) Source: SBS

Ntau hli dhau los tau muaj cov hluas Australian caj ceg neeg South Sudanese tshaj 200 tus tau mus siab sau ua kev thiab koom nrog tub ceev xwm ntaus pob basketball ua ke friendly basketball match with the Victorian Police kom tsim tau kev sib raug zoo nrog lawv tom qab tau muaj xovxwm cej luam txog cov neeg zejzog no vim muaj ib txhia hluas tau muaj feem koom ua txhaum cai ntawm Melbourne cov zos hnub tuaj qab teb ntawd.  Ces thiaj ua rau xov tooj cua SBS Dinka program tau mus nrhiav xov xwm txog cov xwm txheej no - nyem tau ntxiv raws li hauv qab no.

Muaj cov Community programs thoob plaws teb chaws Australia uas sawvdaws koom tau:

Cov program The African All Stars cup thiab the Coffee with a Cop tsuas yog 2 cov ntawm ntau cov uas tub ceev xwm tau tsim kom tej neeg zejzog coj ntseeg kev cai dab qhuas thiab hais ntau hom lus tau koom xwb.  Ntawm no yog ib txhia ntxiv raws li lub chaw teeb txheeb AIC Research tau qhia Crime prevention programs for culturally and linguistically diverse communities in Australia: 

- African All Stars Cup (Vic)

- A Journey of Understanding (Vic)

- Burmese Refugee (Karin/Chin) Police Information Sessions (Qld)

- Community Engagement Events (Vic)

- Crime Stoppers for Everyone (Vic)

- For the Love of the Game (Qld)

- Footy with the Fuzz (WA)

- Migrant Information Centre (various programs) (Vic)

- Migrant Resource Centre of South Australia (various programs) (SA)

- MRC Jurisdictional Community Partnership (JCP) Project (Tas)

- Muslim Women and Youth Day (Qld)

- Short Story Big Screen (ACT)

- Taste of Harmony African Australian Women's Day Barbecue (SA)

- Youth Driving Program (ACT)

Mus nrog tus neeg ua hauj lwm sawv cev rau tub ceev xwm uas hais koj hom lus tham:

Cov koom haum tub ceev xwm ntawm txhua lub xeev yeej tau tsim ib cov program kom muaj kev sib cuag mus los nrog tej neeg zejzog coj kev cai dab qhuas thiab hais ntau hom lus sib txawv thiab nrog cov niam neeg txiv neeg los sis keeb cag neeg ntawm tebchaws Australia no kom tau mus koom ua ntau yam nrog tub ceev xwm thiab.

Nyob ntawm nroog Sydney ces cov neeg sib txuas lus nrog tej neeg zejzog (MCLO (Multicultural Community Liaison Officers)) uas yog tej pej xeem raug ntiav kom los sawv cev ua hauj lwm pab tub ceev xwm cov program rau 40 hom lus diam. Tej hauj lwm lawv ua yog tsim kom muaj kev sib cuag mus los thiab kev sib txuas lus ntawm tub ceev xwm nrog tej neeg zejzog uas coj kev cai dab qhuas thaib hais ntau hom lus. Yog tias koj xav cej luam (report) tej kev ua txhaum cai los yog txhawj xeeb txog ib yam dab tsi ces koj yeej muaj peev xwm nrog cov neeg no tham ua koj hom lus thiab.

Ntawm no yog ib cov programs muaj rau ntawm Australia cov xeev - nyem cov links hauv qab no ces yeej muaj xov xwm qhia koj tias yuav sib txuas lus tau li cas los yog koom tau nrog lawv li cas ntxiv.

NSW - Multicultural Community Liaison Officers

VIC - Multicultural Liaison Officer Program

TAS - Multicultural Policing

SA - Neighbourhood policing

WA - WA Police Aboriginal and Community Diversity Unit

NT - Indigenous liaison

ACT - Multicultural and Aboriginal and Torres Strait Islander Engagement plan

QLD - Police Cultural support unit

Muaj xov xwm ua koj hom lus thiab:

Tub ceev xwm thoob Australia yeej muaj ib cov xov xwm tseem ceeb qhia txog tej neeg zejzog thiab qhia txog cov kev nyab xeeb xws li, teeb meem kub ntxhov hauv lub cuab yig, kev nyab xeeb rau kev siv kev, kev tawm tsam nrog cov neeg phem xav tsim xwm txheej kub ntxhov tua pej xeem los yog xov xwm txog cov kev nplua rau tej kev ua ntxhaum cai ua ntau hom lus. Yog li ntawd thaum koj mus nyem cov links li hais saum toj no ces yuav nrhiav tau ntau hom lus ntawm lub xeev koj nyob thiab.

Mloog tau xov xwm lwm yam kaw ua suab tau ntawm:

www.sbs.com.au/hmong hnub zwj Teeb (Thursday) 6pm thiab zwj Hnub (Sunday) 11am txhua limpiam.

www.sbs.com.au/podcasts/yourlanguage/hmong

www.facebook.com/sbshmong

Download SBS Radio App tso rau koj lub xov tooj ntawm tes rau ntawm App Store thiab Google Play.

Mloog tau SBS Radio Hmong Program ntawm digital TV tshooj 38 hauv Australia.

Thiab mloog tau ntawm cov radio frequency li hauv qab no:

Radio freguencies in Australia cities:

HOBART                                105.7FM

MELBOURNE                          93.1FM                Or           1224  AM

CANBERRA                            105.5FM               Or           1440  AM

SYDNEY                                97.7FM                 or            1107  AM

BRISBANE                             93.3 FM

CAIRNS                                 90.5 FM