Australia cov nyiaj puag xyoo Australia Budget 2017:
Raws li Australia tus treasurer tau qhia ces cov Budget 2017 yog ib cov qhia qhov tseeb tsis ua txuj dag thiab tsuas siv li nom tswv muaj xwb yog ib cov ua tib zoo los txheeb xyuas, yog ib cov nyiaj tseem muaj teeb meem, yog cov nyiaj budget ncaj ncees, tsim tau cib fim zoo thiab tsim tau kev ruaj ntseg rau pej xeem Australia. Hos Chris Bowen uas yog tus treasurer rau pab nom opposition tau hais tias yog tsoom hwv Australia qob qab raws pab nom Labor cov cai (policies).
Siv nyiaj txog li $75 billion los pab cov hauv paus txhim kho (Infrastructure):
1. $5 billion tsim lub tshav dav hlau 2 ntawm Sydney.
2. Siv tshaj %8 billion tsim kev tsheb ciav hlau ntawm Melbourne mus rau Brisbane.
3. Siv Yuav laug txog $14 billion txhim kho cov hauv paub txhim kho rau xeev Queensland.
4. Siv tshaj $ 10 billion rau cov infrastructure rau xeev Victoria.
5. Pab tshaj $3 billion rau xeev South Australia cov infrastructure.
- Tau tshaj $20 billion los ntawm cov kev sau se tshiab.
- Budget poob peev txog li $30 billion xyoo 2017-18 thiab mam rov txwm thiab tsam tshaj $7 billion rau xyoo 2021.
Yuav ua nyuaj rau cov neeg tsiv teb tsaws chaws tuaj nyob tshiab cov kev thov nyiaj pab cuam:
- 2,000 tus neeg tsiv teb tsaws chaw tshiab (new migrants) thov tsis tau nyiaj pension los yog nyiaj puas cev rau xyoo 2018 ntxiv lawm.
- Hos cov neeg pensioners thiab cov thov nyiaj puas cev Disability Support Pension (DSP) yuav tsum tau nyob hauv Australia txog 15 xyoo sib txuas ua ntuv zus txij lub 7 hli ntuj 2018 no mus thiaj muaj cai tau cov nyiaj pab cuam no.
- Yuav muaj teeb meem rau cov neeg migrants 2390 tus rau ib xyoos twg tom qab limpiam dhau los uas tsoom hwv qhia tias yuav siv cov temporary parent visa tshiab rau cov ua niam txiv tuaj nyob Australia 10 xyoo thiab them $20,000 kom txuas tau cov nyiaj budget los pab cov age pension migrants no uas nws siv ib xyoo twg txog $42 billion.
- Kom pab tsoom hwv txuag tau nyiaj $119 million rau 5 xyoo ntxiv no.
Cov neeg tau txais nyiaj welfare yuav raug txwv qee yam:
- Siv tib cov kev pab cuam uas muaj 7 yam kev pab cuam xws li – Newstart allowance nrog cov nyiaj mob, wife pension, partner allowance, bereavement allowance (Cov nyiaj tshav ntuj), Widow B Pension and widow allowance.
- Sim seb cov neeg thov nyiaj welfare siv seb puas haus cawv los yog quav yeeb quav tshuaj coj los sim rau 3 thaj chaw hauv Australia no. Yog raug txheeb tau thawj zaug ces yuav tau cov card siv cov nyiaj welfare no lawm xwb tsis tau nyiaj ntsuab ntxiv lawm.
- Yuav tsis lug rau cov neeg 11,000 tus uas pheej tsis mus nrhiav hauj lwm ua vim lawv muaj tej teeb meem quav dej quav cawv quav yeeb quav tshuaj tseem raug yuam kom yuav tsum mus nrhiav hauj lwm ua kom ntau ntxiv tuaj.
- Cov neeg quav yeeb quav tshuaj tsis muaj cai thov cov nyiaj neeg paus cev (disability support) ntxiv lawm.
- Kom pab txuag tau nyiaj budget tau txog $84 million.
- Cov neeg Work for the dole 270,000 tus hnoob nyoog 30-49 xyoo yuav tsum siv sij hawm 50 teev nrhiav hauj lwm rau 2 limpiam.
- Cov hnoob nyoog 55-59 xyoo tsis muaj cai ua hauj lwm pub dawb (volunteer) los hloov 30 teev sij hawm nrhiav hauj lwm ua ntxiv lawm tsuas zam rau ib txhia xwb.
- Cov neeg nrhiav hauj lwm tshaj 60 xyoo thiab cov so tsis ua hauj lwm lawm yuav tsum tau ua hauj lwm 10 teev kom tau cov nyiaj pension uas suav cov kev ua hauj lwm pub dawb txuam nrog thiab.
- Thaum cov neeg tsis mus nrhiav hauj lwm thiab raug ntsuam tau tias quav yeeb quav tshuaj quav dej quav cawv ua zaum 3 rau 6 lub hli thiab tsis mus nrhaiv hauj lwm ua lawm ces tsoom hwv yuav los xyuas seb puas pab li cas los yog yuav rau txim li cas rau lawv. Uas tej zaum ib txhia yuav tau nyiaj welfare ib nrab lawm xwb los yog lawv tseem quav ntxiv thiab tsis kub siab nrhiav hauj lwm ua ntxiv ces yuav tsis tau nyiaj pab cuam welfare ntxiv kiag li lawm.
Txo se rau cov neeg xav yuav tsev thawj zaug thiab nce se rau cov neeg ua lagluam vaj tse pej kum:
- Nce se 0.06% bank levy rau tej tuam txhab nyiaj loj li CBA, ANZ, Macquarie, Natonal Bank, Westpac thiab cov neeg nqes peev lagluam vaj tse kom tau nyiaj ntau billion los pab cov nyiaj budget. Yuav ua rau muaj teeb meem rau cov nyiaj Superannuation uas yuav share ntawm bank. Tab sis cov tuam txhab nyiaj qhia tias lawv tsis txaus siab thiab yog tsoom hwv txhob txwm tsub se rau lawv xwb. Lawv yuav muab tej nqe no rau cov neeg qev nyiaj them.
- Npaj $250 million coj los pab kom cov neeg muaj peev xwm siv cov tax benefit ntawm cov nyiaj Super los yuav tsev thawj zaug.
- Lawv muaj cai tso nyiaj $15,000 -$30,000 rau ib xyoos twg txij tim 01/07/2017 no mus thiab muaj cai rho siv tau txij tim 01/07/2018 mus.
- Txhawb nqa kom cov laus muaj tsev muag lawv cov tsev muaj ntau chav rau tej cuab yig coob tau nyob thiab kom lawv mus nyob cov tsev me. Tsis tas li tseem tso cai rau lawv tso nyiaj txog $300,000 tau los ntawv kev muag tsev rau lawv cov nyiaj Super thiab.
- Cov laus so tsis ua hauj lwm yuav tau nyiaj pab them nqe gas, dej, hluav taws xob 1 leeg txog $75 thiab $125 rau nkawm niam txiv.
- Pub cov neeg pej kum yuav tau tej vaj tse tshiab txog 50% lawm xwb.
- Yog cov neeg thiab cov lagluam vaj tse twg cia lawv tej tsev khoob tsis ntiav rau neeg nyob ces raug nplua $5,000 thiab pib siv txij tim 09/05/2017 no mus kom pej xeem Australia tau vaj tse nyob.
- Tsis txo cov Capital Gains Tax (CGT) exemption rau Foreign thiab temporary tax residents tej vaj tse yuav nyob ua ntej tim 09/05/2017 txog rau thaum tim 30/06/2019.
- Nce cov CGT ntawm 10% mus ua 12.5% txij tim 01/07/2017 mus.
- Tsub se rau cov tuam txhab nyiaj 5 lub tseem ceeb 0.06% levy kom tau tshaj $ 6 billion rau yav tom ntej.
Kev noj qab haus huv (Cov nyiaj thov tau rov qab (Rebates) thiab tshuaj siv):
- Pab $1.2 billion kom cov kws kho mob siv tau cov bulk billing, radiology, pathology, pap smear test, blood test siv tau li qub, tso tseg cov Pharmaceutical Benefits Scheme co-payment.
- Siv cov Medicare Guarantee Fund uas nce 2.5% rau cov medicare levy xyoo 2019 kom tau $22 billion dollar rau txhua tus neeg Australia pab them cov nyiaj pab cuam National Disability Insuarance Scheme (NDIS) Fund (cov nyiaj pab cuam neeg puas cev) thiab sau se rau tej neeg ntiag tug txij tim 01/07/2017 kom tau nyiaj los pab cov hauj lwm Medicare Benefits Schedule (MBS) thiab Pharmaceutical Benefits Scheme (PBS).
- Rov qab mub cov kws kho mob General Practice (GP) thov tau cov nyiaj Medicare Rebate thiab cov bulk-billing txij tim 01/07/2017 no mus.
- Cov neeg hluas, cov cuab yig, cov laus neeg thiab cov neeg so tsis ua hauj lwm uas txom nyem yuav tsis tau them cov Medicare Levy tshiab.
- Tsoom hwv tau pom zoo nrog 3 lub tuam txhab tshuaj Medicines Australia, the Pharmacy Guild and Generic thiab Biosimilar Medicines Australia kom tsim tau cov tshuaj pheej yig los siv hloov cov tshuaj muaj brands kom txhuag tau nyiaj thiab tej neeg yuav tau qee cov tshuaj pheej yig los siv.
- Pab $374.2 million rau cov hauj lwm My Health Record Scheme kom pej xeem Australia txheeb xyuas tau lawv tej ntaub ntawv teev zwm txog cov keeb kwm kho mob.
Teeb meem mob hlwb nyuaj siab ntxhov plawv (Mental health):
- Siv $10 billion los pab rau cov hauj lwm tswj kev noj qab haus huv.
- Pab $170 million coj los tiv thaiv thiab tsim cov kev pab cuam rau cov teeb meem mob hlwb nyuaj siab ntxhov plawv.
- Muab $80 million ntawm cov nyiaj no los tsim cov kev pab cuam daws teeb meem nyuaj siab ntxhov plawv rau tej zejzog ntawm cov xeev rau cov neeg mob hlwb uas tsis tau nyiaj pab cuam NDIS (National Disability Insurance Scheme).
- Pab $9.1 million pab cov neeg nyob yaj sab kom ntsib tau psychologists cov kev pab cuam sab laj hauv xov tooj yuav siv rau thaum yav lig xyoo 2017 no.
- Siv $11.1 million los pab tiv thaiv kom tej neeg txhob tua lawv tus kheej (Suicide prevention) rau cov chaw uas pheej muaj neeg tua lawv tus kheej coob heev ntawd.
- Pab $15 million rau cov kev pab cuam thiab qhia txog cov teeb meem mob hlwb thiab pab $50 million rau cov tub rog thiab lawv tej cuab yig.
- Pab $34 million tsim cov mental health sevices rau cov qub tub rog thiab pab $9 million rau cov kev pab cuam sab laj nrog cov kws daws kev nyuaj siab.
- Pab $12 million rau cov qub tub rog kom rov qab muaj peev xwm nrhiav tau hauj lwm ua.
Tsev kho mob (Hospitals):
- Pab $2.8 billion rau tej xeev cov tsev kho mob zejtsoom rau cov nyiaj puag xyoo 2017.
- Pab $736.5 million rau tsoom xeev Tasmania lub tsev kho mob Mersey Community Hospital, the Missiondale Recovery Centre thiabcov kev pab cuam mob nkeeg (Palliative care services) rau cov tebchaws pov txwv.
Hno tshuaj vaccine:
- Yog cov ua niam ua txiv tsis coj me nyuam mus hno tshuaj ces yuav raug txiav ib tug me nyuam twg li nyiaj txog $ 28 dollar ntawm Family Tax Benefit Part A kom tau nyiaj ze txog $ 70 million dollars rau tsoom hwv.
Teej kawm thiab tsev kawm qib siab:
- Tau txog li $ 30 tawm billion rau 10 xyoo txog xyoo 2027.
- Nce nqe kawm ntawv ntxiv ze txog $ 4,000 thiab cov tub kawm khwv tau $42,000 yuav tau them cov nyiaj qev ntawm tsoom hwv rov qab kom sai.
Neeg txawv tebchaws:
- Cov tswv lagluam siv cov visa Temporary Skills Shortage tos cov neeg txawv teb chaws tuaj ua hauj lwm yuav tau them se txog $5,000 pab rau tsoom hwv siv xyaum neeg Australia ua hauj lwm.
Lagluam me:
- Cov tswv lagluam yuav tau them nyiaj ze txog $2,000 dollars tos cov neeg txawv tebchaws tuaj ua hauj lwm. Thiab yog lawv khwv tau nyiaj tsawg tshaj $ 10 million ces muaj cai thov tau nyiaj $20,000 los yuav tej twj tej tshuab coj los ua hauj lwm tau.
Hauj lwm tiv thaiv teb chaws:
- Siv $34.6 billion rau xyoo 2017-18 thiab $150.6 billion los tsim cov nkoj ploj qab thus tshiab ntawm xeev South Australia thiab xeev Western Australia thiab lwm yam hauj lwm.
Hauj lwm tswj kev ruaj ntseg:
- Pab $321 million tswj kev ruaj ntseg rau tub ceev xwm kom ntiav tau 300 tus tub ceev xwm ntxiv.
Nyiaj pab txawv tebchaws:
- Raug ncua 2 xyoo txij xyoo 2018 mus kom txuag tau tshaj $300 million dollars.
Nyeem tau xov xwm ntxiv txog cov nyiaj puag xyoo Budget 2017 ntawm no:
READ MORE
Australia cov nyiaj puag xyoo 2017
Mloog tau xov xwm ntau yam ntxiv ntawm #SBSRadioHmongProgram tau li no:
www.sbs.com.au/hmong rau 2 hnub Thursday 6pm thiab Sunday 11 am ntev 1 teev.
www.sbs.com.au/podcasts/yourlanguage/hmong ua ib zaj ib zaj xov xwm kaw ua lus thiab download tau.
www.facebook.com/sbshmong hauv facebook uas koj share, click like, nrog SBS Radio Hmong Program tham los yog xa moo qhia txog cov program.
