Tsoom hwv Australia hais tias nws cov kev pab nyiaj txog AUD 110 roob (million) coj los tsim cov kev pab cuam daws kev nyuaj siab rau Australia hluas ntawm tej teej kawm thiab cov chaw yaj sab yog ib yam qhia tau tias tsoom hwv yeej kub siab los xyuas tej teeb meem no tiag tiag.
Thiab Tanya Plibersek uas yog pab nom Labor tus lwm coj los kuj tau qhia tias nws yuav txhawb txhua cov tswv yim kom pab daws tau Australia tej hluas cov teeb meem no. Rau qhov tej hluas tam sim no raug ntau yam thiab social media ua rau lawv ntsib kev nyuaj siab ntxhov plawv.
Gus Patterson uas yog ib tug hluas Australia hnoob nyoog 19 xyoo qhia tias yog tsis muaj lub koom haum Headspace pab ces ntshe nws twb raug teeb meem lawm. Tab sis kuj zoo uas tom qab tau ib ntus nws mloog tau tias nws kho siab khuav thiab tu siab heev tau ib ntus ua ntej nws musj lub tswv yim xav ua phem thiab xav txov txo nws tus kheej txoj sia ces nws thiaj xav tias txog caij lawm uas yuav tsum tau mus nrhiav kev pab cuam lawm. Nws ntseeg tias tsim nyog yuav tau qhia tej teeb meem no rau tej neeg kom paub thaum lawv tseem yau.
Georgie Harmon uas yog tus coj ntawm ib lub koom haum non-governmental organisation hais tias cov nyiaj pab cuam 46 million dollars uas coj mus pab Headspace cov education drive program no yuav pab kom tej lees kais, tsoom coj ntawm tej teej kawm thiab tej neeg ua hauj lwm mus txog rau cov lees kais qhia tej me yes hnoob nyoog yau kom paug txog tej teeb meem nyuaj siab ntxhov plawv tias zoo li cas, cov tsis muaj teeb meem zoo li cas, yuav txhawb nqa li cas kom tej hluas txhob raug cov teeb meem no, yuav tiv thaiv li cas thiab yuav qhia li cas rau tej tub kawm hauv chav kawm.
Dua ntawm cov kev pab cuam rau lub koom haum hais los ntawd lawm tseem muaj ntau lub koom haum li Emerging Minds, ReachOut, the Kids Helpline thiab Orygen los yeej tau txais cov nyiaj pab cuam no thiab.
Lub koom haum Headspace tau kwv yees tias muaj Australia cov hluas 1 tug ntawm 4 tug twg ntsib cov teeb meem mob hlwb nyuaj siab ntxhov plawv. Thiab Australian Bureau of Statistics los yeej tau qhit ais cov hluas uas tau txog txo lawv tus kheej txoj siab muaj txog 1 feem 3 ntawd yog cov muaj hnoob nyoog li ntawm 18 txog 24 xyoos. Thiab Jason Trethowan uas yog tus coj ntawm lub koom haum Headspace tau qhia tias cov luas neeg LGBTQI (Lesbian, gay, bisexual, transgender, queer thiab intersex) yog cov muaj kev nyuaj siab ntxhov plawv ntau tshaj plaws vim muaj tej hluas no txog 40% tau mus siv lawv cov kev pab cuam daws kev nyuaj siab. Thiaj qhia tau tias tej hluas no yeej nrhiav kev pab cuam coj los pab rau lawv thiab.
Mr. Trethowan tau qhia ntxiv tias tsis yog pheej yuav kom tej hluas mus ntsib thiab sab laj nrog cov neeg pab daws kev nyuaj siab (Psychologist) los yog cov neeg pab lwm tus li social workers xwb tab sis yuav tsum tau kub siab los xyuas tej hluas uas ntsib teeb meem nyuaj siab ntxov plawv kom muaj feem koom nrog tej neeg zejzog thiab yuav tsum tsim cov kev pab cuam no rau hauv tej neeg zejzog los pab cov hluas.
Xov xwm qhia txhab ntxiv:
Yog leej twg xav tau kev pab cuam mental health services los sis xav tau xov xwm txog cov teeb meem no kom ntxaws tias yuav tiv thaiv kom tsis txhob raug cov teeb meem txov txo tus kheej txoj sia (Suicide) no ces koj nej sib txuas lus nrog lub koom haum Lifeline tus zauv xov tooj 13 11 14 hu nrog lawv tham tau.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau comments@sbs.com.au tau.
Koj muaj peev xwm mloog tau SBS cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
