Key Points
- The rate of infection may be slowing
- But the risk of infection continue
- Victorian voters with COVID-19 will be able to cast their votes at a drive-through site
ဖဲ New South Wales အပူၤန့ၣ် တနွံအံၤ ပှၤဘၣ်ကူဘၣ်ဂာ် COVID-19 အိၣ်ဝဲ ၂၇,၇၅ဝ ဂၤ အဃိ မ့ၢ်ကွၢ်လၢအပူၤကွံာ်တနွံန့ၣ် ပှၤဘၣ်တၢ်ဆါအနီၣ်ဂံၢ် ဟဲအါထီၣ် ၁၇.၆% န့ၣ်လီၤ. PCR တၢ်သမံသမိးကွၢ် COVID-19 တၢ်ဆါအိၣ်တအိၣ်အနီၣ်ဂံၢ်န့ၣ် ဟဲအါထီၣ်ဝဲ ၁၆.၈% န့ၣ်လီၤ.
ဖဲ Victoria အပူၤန့ၣ်, ပှၤကညီနီၣ်ဂံၣ်အသီလၢအဘၣ်ကူဘၣ်ဂာ် COVID-19 အိၣ်ဝဲ ၂၂,၂၈၁ အဃိမ့ၢ်ကွၢ်ကဒါလၢအပူၤကွံာ်တနွံန့ၣ် ပှၤဘၣ်တၢ်ဆါအနီၣ်ဂံၢ်ဟဲအါထီၣ် ၉.၅ မျးကယၤန့ၣ်လီၤ. သနာ်က့န့ၣ် တၢ်သံတၢ်ပှၢ်အနီၣ်ဂံၢ်အံၤ ဟဲအါထီၣ်ဝဲဒၣ် — အပူၤကွံာ်တနွံန့ၣ်ပှၤသံအနီၣ်ဂံၢ်အိၣ် ၄၆ဂၤ ဒီး တနွံအံၤန့ၣ် ပှၤသံအနီၣ်ဂံၢ်အိၣ်ဝဲ ၆၈ဂၤန့ၣ်လီၤ.
နယူဆီၣ်သ်ဝံ ဆူၣ်ချ့ဝဲၤကျိၤစံးဝဲ ပှၤဘၣ်တၢ်ဆါအနီၣ်ဂံၢ်သ့ၣ်တဖၣ်မ့ၢ်ဟဲအါထီၣ်ဒီး တၢ်မၤ PCR တၢ်မၤကွၢ်သ့ၣ်တဖၣ် မ့ၢ်ဟါအါထီၣ် ဘၣ်ဆၣ်သနာ်က့ ပှၤဘၣ်တၢ်ဆါနီၣ်ဂံၢ် အတၢ်ဟဲအါထီၣ်အံၤ အိၣ်ဖျါလီၤဂာ်လၢ အကဘဲးဝဲဒၣ်န့ၣ်လီၤ.
နယူဆီၣ်သ်ဝံ ဆူၣ်ချ့ဝဲၤကျိၤစံးဝဲ —“တၢ်အံၤဒ်သိးလိာ်အသးဒီးထံကီၢ်ဒီဘ့ၣ်တၢ်ဘၣ်ကူဘၣ်ဂာ်အနီၣ်ဂံၢ်န့ၣ်လီၤ.”
ကသံၣ်ကသီဂ့ၢ်ဝီပှၤဘၣ်မူဘၣ်ဒါခိၣ် —၂ သရၣ်ဒိၣ်စိ Michael Kidd, လၢအကတိၤတၢ်ဒီး SBS ဖဲနွံစးထီၣ်သီအခါ ဟ့ၣ်ပလီၢ်ဝဲဒၣ် တၢ်ဘၣ်ကူဘၣ်ဂာ်အနီၣ်ဂံၢ်န့ၣ် မ့ၢ်အိၣ်ဖျါစှၤလီၤဘၣ်ဆၣ် ထံကီၢ်အံၤ ကထံၣ်ဘၣ်ဝဲ ပှၤဘၣ်ကူဘၣ်ဂာ်လၢတၢ်ဆါအံၤ အနီၣ်ဂံၢ်သ့ၣ်တဖၣ်န့ၣ် ကဟဲအါထီၣ်ဝဲ ကိးမုၢ်နံၤဒဲးန့ၣ်လီၤ.
Prof Kidd စံးဝဲ—“တၢ်လီၤဘၣ်ယိၣ်န့ၣ်မ့ၢ်ဝဲ တၢ်ဆါဃၢ်အတၢ်ဘၣ်ကူဘၣ်ဂာ်န့ၣ်ဆဲးအိၣ်ဒံးဝဲဒၣ်ကွ့ၢ်ကွ့ၢ်န့ၣ်လီၤ.”
အဝဲစံးစ့ၢ်ကီးဝဲဒၣ်လၢ COVID တၢ်ဆါဃၢ်အတၢ်ဘၣ်ကူဘၣ်ဂာ်အံၤ ကအိၣ်ဒံးဝဲဒၣ် တုၤလၢ နံၣ်ထီၣ်သီဝံၤတလၢကွံာ်တစုန့ၣ်လီၤ.
နာ်သက့အဝဲသ့ၣ်ဘၣ်ဟ့ၣ်လီၤဒုးနဲၣ်ဖျါဝဲဒၣ် အတၢ်မၤကွၢ်သးလၢ (RAT) အဆၢ မ့တမ့ၢ် (PCR) တၢ်မၤကွၢ်သးအဆၢလၢဆူၣ်ချ့ဝဲၤကျိၤဆှၢန့ၢ်အဝဲသ့ၣ်တၢ်ပရၢဖုၣ်ကိးဖိ — လၢအမၤလီၤတံၢ်အဝဲသ့ၣ်အိၣ်ဒီး ခိဘံး တၢ်ဆါန့ၣ်လီၤ.
ဖဲ ABC တၢ်ကစီၣ်သန့အတၢ်ပာ်ဖျါအပူၤ, အီစထြ့လယါမုၢ်နုၤ Western Australia ကီၢ်စဲၣ်အပူၤန့ၣ် ပှၤအိၣ်ဖဲတၢ်ကွၢ်ထွဲသူၣ်က့သးပှၢ်ဟံၣ်ဒွဲအပူၤလၢဘၣ် COVID အနီၣ်ဂံၢ်သ့ၣ်တဖၣ်ဟဲအါထီၣ် — မ့ၢ်ကွၢ်လၢအပူၤကွံာ်ခံလါအတီၢ်ပူၤန့ၣ် တၢ်ဆါဘၣ်ကူဘၣ်ဂာ်အနီၣ်ဂံၢ်ဟဲအါထီၣ် သၢဆးန့ၣ်လီၤ.
အဃိကြၢးလၢနစိာ်ဃုာ်ဒီးနီၣ်ကျၢၢ်ဘၢမဲာ်—တၢ်ကးဘၢကိးပူၤဒီးနါဒ့ (မးစ်) ဒ်သိးနသိးထီၣ်အီၤကန့ၢ်ညီ ဖဲလၢနမ့ၢ်အိၣ်လၢပှၤအိၣ်ဖှိၣ်ရိဖှိၣ်အါအလီၢ် လၢအပၣ်ဃုာ် တၢ်နုာ်လီၤဒိး ဃီစဲး (လ့ထ်), နဒိးကမျၢၢ်ဝံစိာ်တီဆှၢသိလ့ၣ်သ့ၣ်တဖၣ်အခါန့ၣ်လီၤ. တဘျီလၢ်လၢ်ဖဲ နမ့ၢ်လဲၤအိၣ်သကိးပှၤလၢ အအိၣ်ဒီးတၢ်လီၤဘၣ်ယိၣ်လၢ အဘၣ်ကူဘၣ်ဂာ် တၢ်ဆါဃၢ်ညီသ့ၣ်တဖၣ်အခါ ထီထီၣ်ဘၣ်နနီၣ်ကျၢၢ်ဘၢမဲာ်ထီဘိတက့ၢ်.
မ့မ့ၢ်ဖဲနယူဆီၣ်သ်ဝံန့ၣ် ပှၤကိးဂၤဒဲးကဘၣ်ထီ နီၣ်ကျၢၢ်ဘၢမဲာ် ဖဲလၢအဝဲသ့ၣ်အိၣ်ဖဲ တၢ်ဆါဟံၣ်ဟီၣ်ကဝီၤအပူၤသ့ၣ်တဖၣ်အခါန့ၣ်လီၤ.
မ့မ့ၢ်လၢဟီၣ်ခိၣ်ဒီဘ့ၣ်အပတီၢ်ပှၤဘၣ် COVID တၢ်ဆါအနီၣ်ဂံၢ်န့ၣ် မ့ၢ်ထိၣ်သတြီၤဒီးအပူၤကွံာ်တနွံအခါ တနွံအံၤပှၤဘၣ်တၢ်ဆါအနီၣ်ဂံၢ်စှၤလီၤ ၅မျးကယၤန့ၣ်လီၤ. ဖဲဟီၣ်ခိၣ်ဒီဘ့ၣ်ဆူၣ်ချ့ကရၢ WHO တနွံတဘျီတၢ်ပာ်ဖျါဘၣ်ဃး တၢ်ဆါသံသတြိာ်အဂ့ၢ် လၢခံကတၢၣ်အပူၤန့ၣ် တနွံတဘျီ ပှၤသံအနီၣ်ဂံၢ်စ့ၢ်ကီးစှၤလီၤဝဲဒၣ် ၁၃ မျးကယၤန့ၣ်လီၤ.
ယပၣ်ကီၢ်, ခိရံယါကီၢ်, ကီၢ်အမဲရကၤ, ဖြၣ်စ့ၣ်ကီၢ်ဒီး တရူးကီၢ် သ့ၣ်တဖၣ်န့ၣ် မ့ၢ်ထံကီၢ်လၢ ပှၤဘၣ်တၢ်ဆါ COVID-19 အနီၣ်ဂံၢ်အါကတၢၢ်န့ၣ်လီၤ.
၆လါအတီၢ်ပူၤ တရူးကီၢ် တၢ်မၤနီၣ်မၤဃါအပူၤန့ၣ် ပှၤဘၣ်ခိဘံး တၢ်ဆါအနီၣ်ဂံၢ် အိၣ်ဝဲအါကတၢၢ် ဒီး ဟီၣ်ကဝီၤ တၢ်လီၢ်တနီၤနီၤန့ၣ် တၢ်ကးတံာ်လီၤကွံာ်အီၤန့ၣ်လီၤ.
ဃုသ့ၣ်ညါ COVID ယံၤထၢ (ထီရီၤ) ကသံၣ်ဒၢးသ့ၣ်တဖၣ်
ဃုသ့ၣ်ညါ တၢ်မၤကွၢ် COVID-19 ကသံၣ်ဒၢးသ့ၣ်တဖၣ်
နတၢ်ဆါဃၢ်မ့ၢ်အိၣ်ဖျါန့ၣ် သြီနုာ်လီၤဘၣ်နမံၤစရီဖဲ RAT တၢ်မၤကွၢ်အဆၢအိၣ်ဖျါအပူၤ
နချုးနလဲၤဆူထံချၢကီၢ်ချၢဒံးဘၣ်န့ၣ်, သမံသမိးကွၢ်ဘၣ် တၢ်လိၣ်ဘၣ်ဒီး တၢ်ဟ့ၣ်ကူၣ်ဟ့ၣ်ဖးလၢခံကတၢၢ်လၢနလိၣ်မၤအီၤသ့ၣ်တဖၣ်တက့ၢ်.
