တၢ်မၤစၢၤလၢ တၢ်ဟ့ၣ်လီၤအီၤတဘျီအဂီၢ်အံၤ မ့မ့ၢ်ပှၤဒိၣ်တုၤခိၣ်ပှဲၤန့ၣ် ကဒိးန့ၢ်ဘၣ်ဝဲဒၣ် ဒီလၣ် ၁ဝဝဝ ဒီး မ့မ့ၢ်ပှၤနီၣ်ဒီမါဝၤခံဂၤ အတၢ်ဃ့ထီၣ်န့ၣ် ကန့ၢ်ဘၣ်ဝဲဒၣ်တဂၤ ဒီလၣ် ၁ဝဝဝ စုာ်စုာ်န့ၣ်လီၤ။ မ့မ့ၢ်ပှၤဖိသၣ်လၢအဒိးသန့ၤအသးလၢအမိၢ်အပၢ် ပှၤအံးထွဲကွၢ်ထွဲအဝဲသ့ၣ် တဖၣ်န့ၣ် ကဒိးန့ၢ်။ဘၣ်ဝဲဒၣ် ဒီလၣ် ၄ဝဝ န့ၣ်လီၤ။ ပှၤလၢအတၢ်အိၣ်သး တုၤထီၣ်ထီၣ်ဘး ဒ်တၢ်ပာ်ပနီၣ်အီၤအသိးသ့ၣ်တဖၣ် ဃ့ထီၣ်ကျိၣ်စ့တၢ်ဟ့ၣ်မၤစၢၤအံၤသ့ဝဲဒၣ်ဖဲ “မးကီၣ်ဗ်” ဝဲၤကျိၤအပူၤန့ၣ်လီၤ။
နမ့မ့ၢ်ပှၤလၢအအိၣ်ဖဲ ရံၣ်မိၣ် ဘဲလ့ၤ၊ လ့ၣ်စ်မိ မ့တမ့ၢ် ချဲရဲၣ်စ် ဘဲလ့ၤ ဟီၣ်ကဝီၤအပူၤသ့ၣ်တဖၣ် နဃ့ထီၣ်လၢ တၢ်ကဟ့ၣ်အါထီၣ် ကျိၣ်စ့တၢ်မၤစၢၤအဂၤတခါန့ၢ်စ့ၢ်ကီးဝဲဒၣ် ဒီးပှၤဒိၣ်တုၤခိၣ်ပှဲၤန့ၣ် ဃ့အီၤန့ၢ် ဒီလၣ် ၁ဝဝဝ ဒီး မ့မ့ၢ်ဖိသၣ်န့ၢ်ဃ့ထီၣ်န့ၢ်ဒီလၣ် ၄ဝဝ စ့ၢ်ကီးန့ၣ်လီၤ။
အီစထြ့လယါပဒိၣ်တၢ်ဟဲက့ၤဂ့ၤထီၣ်ကဒါလၢတၢ်တတၢၤတနါအပူၤကျိၣ်စ့တၢ်ဟ့ၣ်မၤစၢၤအံၤ ဘၣ်တၢ်ရဲၣ်ကျဲၤပာ်လီၤအီၤဒ်အမ့ၢ် လၢပှၤနီၣ်တဂၤစုာ်စုာ်အဂီၢ် မ့တမ့ၢ် ဟံၣ်ဖိဃီဖိလၢအတူၢ်ဘၣ်ထံလုၢ်ဘၢအဟံၣ်အဃီ အလီၢ်အိၣ်လီၢ်ဆိး တၢ်စုလီၢ်ခီၣ်ခိၣ်သ့ၣ်တဖၣ်အဂီၢ်န့ၣ်လီၤ။ ကျိၣ်စ့တၢ်မၤစၢၤအံၤ မ့ၢ်တၢ်ဟ့ၣ်လီၤအီၤ တဘျီဃီ ဒ်သိးတၢ်ကသူအီၤလၢ တၢ်အီၣ်တၢ်အီအဂီၢ် တၢ်ကူတၢ်သိးဒီး တၢ်အိၣ်တၢ်ဆိး တစိၢ်တလီၢ်အဂီၢ်သ့ၣ်တဖၣ်န့ၣ်လီၤ။
နယူဆီၣ်သ်ဝံဒီး ခွံစလဲအပူၤ ထံလုၢ်ဘၢတၢ်ဒိၣ်ဒိၣ်မုၢ်မုၢ်အဃိ တၢ်မၤကဆှဲကဆှီက့ၤတၢ်အဝံၤအဂီၢ် ကတံာ်တၤဝဲဒၣ် လၢအလါအါးတကးဘၣ် ဒ်သိး ပှၤအိၣ်ဆိးဖဲတၢ်လီၢ်သ့ၣ်တဖၣ်အံၤ ကက့ၤဘၣ်က့ၤအလီၢ်အကျဲ န့ၢ်ဘၣ်က့ၤဟံၣ်ဃီဒီး သူၣ်လီၤဆီလီၤက့ၤ ပနံာ်တၢ်ဖံးတၢ်မၤသ့ၣ်တဖၣ်ကန့ၢ်အဂီၢ် ကယံၤဝဲဒၣ်အနံၣ်အါမးန့ၣ်လီၤ။
ဒ်သိးကန့ၢ်ဘၣ်တၢ်ဟဲက့ၤဂ့ၤထီၣ်ကဒါက့ၤလၢတၢ်တတၢၤတနါအပူၤကျိၣ်စ့တၢ်မၤစၢၤအံၤအဂီၢ် နကဘၣ်ဘၣ်ထိဘၣ်ထံးနးနးကလဲာ်လၢထံလုၢ်ဘၢတၢ်အဃိ မ့တမ့ၢ်ဘၣ်န့ၣ် နကဘၣ်မ့ၢ် ပှၤလၢအဟံၣ်ဖိဃီဖိသံ မ့တမ့ၢ် လီၤမၢ်ကွံာ်လၢထံလုၢ်ဘၢတၢ်အပူၤ မ့တမ့ၢ် နဟံၣ်နဃီ ကဘၣ်ဘၣ်ဒိဘၣ်ထံးဝဲဒၣ်နးနးကလဲာ်န့ၣ်လီၤ။
တၢ်ဘၣ်ဒိဘၣ်ထံးဒိၣ်ဒိၣ်မုၢ်မုၢ်လၢတၢ်ပာ်ပနီၣ်အီၤသ့ၣ်တဖၣ်။ ။
— ကဘၣ်ဟးဂီၤကွံာ် မ့တမ့ၢ် လီၤပှီၢ်ကွံာ်ခဲလၢာ်
— အိၣ်တဆူၣ်တချ့ ဘၣ်ဆူးဘၣ်ဆါနးနးကလဲာ်
— တၢ်သူၣ်ထီၣ်အပူၤဘၣ်ဒိဘၣ်ထံးဒိၣ်ဒိၣ်မုၢ်မုၢ်
— ထံလုၢ်ဘၢကွံာ်တၢ်သူၣ်ထီၣ်အပူၤ
— ထံဘၣ်အၢဘၣ်သီယွၤလီၤလုၢ်ဘၢဟံၣ်ပူၤဃီပူၤ မ့တမ့ၢ်
— တၢ်စုလီၢ်ခီခိၣ် မ့မ့ၢ် ဟီၣ်ခိၣ်တၢ်သူၣ်ထီၣ်သ့ၣ်တဖၣ်ဘၣ်ဒိဘၣ်ထံးဒိၣ်ဒိၣ်မုၢ်မုၢ်
ပှၤအိၣ်ဆိးဖဲခွံစလဲအပူၤသ့ၣ်တဖၣ် ဃ့ထီၣ်ကျိၣ်စ့တၢ်မၤစၢၤအံၤန့ၢ်တုၤဝဲဒၣ်ဖဲ ၂ဝ၂၂ လါအီကၢ ၂၈သီ ဒီးမ့မ့ၢ် ပှၤအိၣ်ဆိးဖဲနယူဆီၣ်သ်ဝံအပူၤသ့ၣ်တဖၣ် ဃ့ထီၣ်ကျိၣ်စ့တၢ်မၤစၢၤအံၤန့ၢ်တုၤလၢ လါစဲးပထ့ဘၢၣ် ၁သီန့ၣ်လီၤ။
ဒ်သိးကသ့ၣ်ညါအါထီၣ်ဘၣ်တၢ်ဂ့ၢ်တၢ်ကျိၤလီၤတံၢ်လီၤဆဲးအဂီၢ် လဲၤနုာ်လီၤဘၣ်ဖဲအီစထြ့လယါပှၤဂ့ၢ်ဝီတၢ်မၤစၢၤဝဲၤကျိၤလီပှာ်ယဲၤသန့ အပူၤတက့ၢ်။
