တၢ်ပာ်ဖျါအံၤစံးဝဲဒၣ် ဖဲမုၢ်တြီၤကီၢ်ရ့ၣ်အပူၤန့ၣ် လါဖ့ၤဖြူၤအါရံၤအတီၢ်ပူၤ ပယီၤသုး ကဘီယူၤဟဲခးလီၤတၢ် ၂ဘျီ ဒီး ကမျၢၢ်သံ ၇ဂၤဒီး ဘၣ်ဒိဘၣ်ထံး ၂၆ဂၤန့ၣ်လီၤ။
ဖဲခ့ၣ်အဲၣ်ယူၣ် တၢ်ပာ်ဖျါအပူၤန့ၣ်စံးစ့ၢ်ကီးဝဲဒၣ်လၢ လါဖ့ၤဖြူၤအါရံၤ တလါအတီၢ်ပူၤန့ၣ် ကညီသုးဒီး ပယီၤသုးအဘၢၣ်စၢၤ တၢ်ဒုးကဲထီၣ်အိၣ်ဝဲဒၣ်အဘျီ ၄၂၁ ဘျီ ဒီး တၢ်ဒုးတၢ်ယာ်လၢအကဲထီၣ်ဖဲခ့ၣ်အ့ၣ်ယူၣ် တၢ်ပၢဟီၣ်ကဝီၤသ့ၣ်တဖၣ် မ့ၢ်ဝဲ ကညီဒီကလုာ်တၢ်ထူၣ်ဖျဲးသုးသုးမုၢ်ဒိၣ်၊ ကညီဂၢၤသးကရၢ ဒီးပယီၤသုးဆီၣ်ထွဲကရူၢ် လၢအမ့ၢ် ပယီၤသုးခိးကီၢ်ဆၢ ဘံၣ်ကၠံၣ်အဲၣ်ဖ် အဘၢၣ်စၢၤ တၢ်ခးလိာ်သး သ့ၣ်တဖၣ်န့ၣ်လီၤ။
ခ့ၣ်အဲၣ်ယူၣ်စံးဝဲဒၣ်လၢ တၢ်ခးလိာ်သးသ့ၣ်တဖၣ်အံၤအပူၤန့ၣ် ပယီၤသုးဒီး အဝဲသ့ၣ်သုးခိးကီၢ်ဆၢတကပၤန့ၣ် တၢ်သံတၢ်ပှၢ်အနီၣ်ဂံၢ်အိၣ်ဝဲဒၣ် ၃၁၁ဂၤဒီး ဘၣ်ဒိဘၣ်ထံးအိၣ်ဝဲ ၂၂၈ဂၤန့ၣ်လီၤ။ မ့မ့ၢ်လၢကညီသုးတပၤန့ၣ်သုးဖိသံ ၁၆ဂၤဒီး ဘၣ်ဒိဘၣ်ထံးအိၣ်ဝဲ ၂၇ဂၤန့ၣ်လီၤ။
ဘၣ်ဃးတၢ်ဂ့ၢ်အံၤ အဲးစ်ဘံအဲစ်ကညီကျိာ်တၢ်ကစီၣ်အတၢ်ရဲၣ်တၢ်ကျဲၤ ပာ်ဂၢၢ်ပာ်ကျၢၤအီၤလၢ အစၢ်ဒၣ်ဝဲတန့ၢ်ဘၣ်န့ၣ်လီၤ။
