အီစထြ့လယါအကွဲၢ်အါမး တသူဘၣ် လီတဲစိ ဒီး အ့ထၢၣ်နဲး ဝဲၤကျိၤ ခီဖျိ Optus လီတၢ်ဆဲးကျိးထီၣ်တဲာ်ကွံာ်

Optus လီတၢ်ဆဲးကျိးခီပနံၣ်စံးဝဲဒၣ် အဝဲသ့ၣ် ပှၤတ့ဘှီစဲးဖီကဟၣ် (အံၣ်ကၠနယၢၢ်) သ့ၣ်တဖၣ် ဃိထံသ့ၣ်လံဝဲဒၣ် အဝဲသ့ၣ်လီတၢ်ဆဲးကျိးပှာ်ဘျးစဲအတၢ်ကမၣ် လၢအဘၣ်ဒိဘၣ်ထံးအပှၤသူစွဲတၢ်ဖိသ့ၣ်တဖၣ်ဒီး ခဲကနံၣ်အံၤ မၤဝဲဒၣ်တၢ်မၤအဖၢမုၢ်လၢ ကဒုးအိၣ်ထီၣ်ကဒါက့ၤ လီတၢ်ဆဲးကျိးဝဲၤကျိၤအံၤ တသ့ဖဲအသ့ လၢအဆိအချ့န့ၣ်လီၤ.

An Optus logo and 'Yes' sign amidst black balloons.

A nationwide outage has affected mobile and internet services. Source: Getty / Brendon Thorne

Key Points
  • Optus လီတၢ်ဆဲးကျိးသကုၤထံကီၢ်ဒီဘ့ၣ်တီၣ်တဲာ်ကွံာ်အဃိ ပှၤသူစွဲတၢ်ဖိအကကွဲၢ်အါမး တသူဘၣ် လီတဲစိဒီး အ့ထၢၣ်နဲးဝဲၤကျိၤလၢၤဘၣ်.
  • လီတၢ်ဆဲးကျိးခီပနံၣ်အံၤစံးဝဲဒၣ် အဝဲသ့ၣ်ပှၤတ့ဘှီစဲးဖီကဟၣ်သ့ၣ်တဖၣ် ဃိထံသ့ၣ်ညါလံဝဲဒၣ်တၢ်ကမၣ်လၢအကဲထီၣ်သးဒီးလီပှာ်ဘျးစဲဝဲၤကျိၤ လၢအဘၣ်ဒိဘၣ်ထံးအပှၤသူစွဲတၢ်ဖိသ့ၣ်တဖၣ်.
  • ခီဖျိလၢလီတၢ်ဆဲးကျိးအံၤတီၣ်တဲာ်အဃိ တၣ်စံးလၢ တၢ်တံာ်တာ်အိၣ်ထီၣ်စ့ၢ်ကီးဒီး Melbourne လ့ၣ်မ့ၣ်အူဝဲၤကျိၤသ့ၣ်တဖၣ်န့ၣ်လီၤ.
Optus ဘၣ်ထံးဝဲဒၣ်ဒီးထံကီၢ်ဒီဘ့ၣ်အလီတၢ်ဆဲးကျိးတီၣ်တဲာ်ကွံာ်အသး ဒီး အီစထြ့လယါထံဖိကီၢ်ဖိဒီး ပနံးတၢ်ဖံးတၢ်မၤလၢအသူ လီတၢ်ဆဲးကျိးဝဲၤကျိၤအံၤ အကွဲၢ်အါမး ဘၣ်ဒိဘၣ်ထံး လၢအသူလီတဲစိဒီး အ့ထၢၣ်နဲး တန့ၢ်လၢၤဘၣ်န့ၣ်လီၤ.

ဖဲတနံၤအံၤ မုၢ်ပျဲၤ (မုၢ်သၢနံၤ) တဂီၤအံၤ Optus လီပှာ်ယဲၤသန့ ပာ်ဖျါထီၣ်ဝဲဒၣ်လၢ အဝဲသ့ၣ် အပှၤတ့ဘှီစဲးဖီကဟၣ်သ့ၣ်တဖၣ် ဃိထံသ့ၣ်ညါလံဝဲဒၣ် တၢ်ကမၣ်လၢအကဲထီၣ်အသးဒီး အဝဲသ့ၣ် လီတၢ်ဆဲးကျိးပှာ်ဘျးစဲ လၢအဘၣ်ဒိဘၣ်ထံးအဝဲသ့ၣ်ပှၤသူစွဲတၢ်ဖိသ့ၣ်တဖၣ်န့ၣ်လီၤ.

ပှၤသူလီတဲစိစိာ်စု (Mobile phone) သ့ၣ်တဖၣ် ကိးလီတဲစိတန့ၢ်လၢၤဘၣ်အသိး ပှၤကိးအဝဲသ့ၣ်စ့ၢ်ကီးတဒိးန့ၢ်ဘၣ်ဝဲဘၣ် အမဲာ်ညါ အဝဲသ့ၣ် သူအ့ထၢၣ်နဲးစ့ၢ်ကီးတန့ၢ်လၢၤဘၣ်န့ၣ်လီၤ.

Optus 'working to identify the cause' of outage

Optus လီတၢ်ဆဲၤကျိးခီပနံၣ်အပှၤကတိၤတၢ်ပၢတဂၤစံးဝဲဒၣ် အဝဲသ့ၣ်ခီပနံၣ်အံၤ မၤဝဲဒၣ်တၢ်မၤအဖၢမုၢ်လၢကက့ၤဒုးအိၣ်ထီၣ်ကဒါက့ၤ လီတၢ်ဆဲးကျိးအဝဲၤကျိၤအံၤန့ၣ်လီၤ.
ခီဖျိလၢ တၢ်ဆဲးကျိးအတၢ်ဒုးနဲၣ်ကမၣ် ကဲထီၣ်သးသကုၤ လ့ၣ်မ့ၣ်အူပှာ်ဘျးစဲအဃိ စးထီၣ်ဖဲဂီၤခီ ၄နၣ်ရံၣ် တခီ ဃၣ်ဃၣ်န့ၣ် မံၣ်ထြိၣ် လ့ၣ်မ့ၣ်အူ ဝဲၤကျိၤခဲလၢာ် ပတုာ်ကွံာ်အသးခဲလၢာ်န့ၣ်လီၤ.

ဖဲဂီၤခီ ၆နၣ်ရံၣ်န့ၣ် Metro Train ဝဲၤကျိၤသ့ၣ်တဖၣ်စးထီၣ်ဝးတရံးကဒါက့ၤအတၢ်ဖံးတၢ်မၤန့ၢ်ဝဲဒၣ် နာ်သက့ ခီဖျိလၢ တၢ်ဆဲးကျိးတီၣ်တဲာ်ကွံာ် အတၢ်ဘၣ်ဒိဘၣ်ထံးအဃိ လ့ၣ်မ့ၣ်အူ တၢ်ဟးတရံးအသးသ့ၣ်တဖၣ် တံာ်တာ်ဝဲဒၣ် ဒိၣ်ဒိၣ်မုၢ်မုၢ်န့ၣ်လီၤ.

တၢ်ကစီၣ်လၢခံကတၢၢ်သ့ၣ်တဖၣ်န့ၣ် တၢ်ကဆဲးပာ်ဖျါထီၣ်အီၤဆူညါ----

Share

Published

By AAP
Presented by Shah Paung
Source: AAP

Share this with family and friends


Follow SBS Karen

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Karen-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service
အီစထြ့လယါအကွဲၢ်အါမး တသူဘၣ် လီတဲစိ ဒီး အ့ထၢၣ်နဲး ဝဲၤကျိၤ ခီဖျိ Optus လီတၢ်ဆဲးကျိးထီၣ်တဲာ်ကွံာ် | SBS Karen