Victoria တၢ်ဃုထၢ: Daniel Andrews တီခိၣ်ရိၤမဲ Labor ပၣ်တံၣ်မၤနၢၤ Victoria တၢ်ဃုထၢ

ဖဲလါနိးဝ့ဘၢၣ် ၂၆ သီအနံၤ ဝံးထိရံယါကီၢ်စဲၣ် တၢ်ဃုထၢအပူၤ Labor ပၣ်တံၣ်မၤနၢၤဝဲဒၣ် တၢ်ဃုထၢအဃိ ကဲထီၣ်ဝဲတၢ်မၤနၢၤ တပယူၤဃီ သၢဘျီတဘျီလၢကရၢအံၤအဂီၢ်န့ၣ်လီၤ.

တၢ်မၤနၢၤအံၤ ဒုးကဲထီၣ်ဝဲဒၣ် Daniel Andrews လၢအမ့ၢ် Labor ပၣ်တံၣ်ကရၢခိၣ်ယဲၢ်ဂၤတဂၤအံၤ မၤနၢၤဝဲဒၣ် ကီၢ်စဲၣ်တၢ်ဃုထၢ တယူၤဃီ သၢဘျီတဘျီန့ၣ်လီၤ.

ကီၢ်စဲၣ်ခိၣ် Daniel Andrews တဲဘၣ်ဝဲဒၣ် ပှၤဆီၣ်ထွဲမၤစၢၤ ဝံးထိရံယါတၢ်ဃုထၢလၢ တၢ်အံၤမ့ၢ်ဝဲတၢ်ဟ့ၣ်တၢ်ဖးလၢအဂံၢ်ဆူၣ်, အိၣ်ဂၢၢ်ကျၢၤ လၢ Labor ပဒိၣ် အဂီၢ်န့ၣ်လီၤ.

တၢ်မၤနၢၤတၢ်ဃုထၢတဘျီကဒီအံၤအဃိ Labor ပၣ်တံၣ် ကန့ၢ်တီခိၣ်ရိၤမဲဝဲဒၣ် ဝံးထိရံယါကီၢ်စဲၣ် ဆူမဲာ်ညါ ၄နံၣ်ကဒီးန့ၣ်လီၤ.

တၢ်ဃုထၢတၢ်ဖးသ့ၣ်တဖၣ် တၢ်ဂံၢ်အီၤမ့ၢ်တဝံၤတတဲာ်ဒံးခဲလၢာ်ဒ်ဘၣ် ဘၣ်ဆၣ်သနာ်က့ တၢ်ဖးလၢ တၢ်ဂံၢ်အီၤဝံၤသ့ၣ်တဖၣ်န့ၣ်ပာ်ဖျါဝဲဒၣ်လၢ Labor ပၣ်တံၣ် မ့ၢ်ကရၢလၢအမၤန့ၢ် တၢ်ဖးအါကတၢၢ်န့ၣ်လီၤ.