ပှၤအိၣ်ဖဲ ဆ့ၣ်ဒနံၤ ဝ့ၢ်န့ၣ် လဲၤကွၢ်ကီကလီ တၢ်လိာ်ကွဲပြၢအံၤန့ၢ်ဝဲဒၣ်ဖဲ Western Sydney Stadium လၢအအိၣ်ဖဲ Parramatta မ့တမ့ၢ် ဖဲ Sydney Football Stadium လၢအအိၣ်ဖဲ Moore Park န့ၣ်လီၤ.
တၢ်ကကွၢ်ကီအပျီသ့ၣ်တဖၣ်အံၤ အတြဲၤဖးဒိၣ်န့ၣ် တၢ်ကအိးထီၣ်ဝဲဒၣ်အီၤဖဲဟါခီ ၆ နၣ်ရံၣ် တခီ ဒီး ကနုာ်လီၤကွၢ်ကီအီၤအဂီၢ်တလိၣ်ဘၣ်အိၣ်ဒီး လံာ်ပျဲ (လဲးမး) ဘၣ်.
မ့မ့ၢ်ပှၤအိၣ်ဖဲ မဲလ်ဘၢဝ့ၢ်အဂီၢ်န့ၣ် လဲၤကွၢ်ကီအီၤဖဲ Melbourne Rectangular Stadium တၢ်ကွၢ်ကီအပျီပူၤသ့, နုာ်လီၤဘၣ်ကလီ ဒီးတလိၣ်အိၣ်ဒီး လံာ်ပျဲ (လဲးမး) စ့ၢ်ကီးဘၣ်. တၢ်လီၢ်အံၤ အတြဲၤဖးဒိၣ်န့ၣ်ကအိးထီၣ်ဝဲဒၣ်ဖဲဟါခီ ၇နၣ်ရံၣ်န့ၣ်လီၤ. တၢ်လီၢ်အဂၤတတီၤလၢကွၢ်ကလီတၢ်လိာ်ကွဲပြၢအံၤသ့န့ၣ်မ့ၢ်ဝဲဒၣ်ဖဲ Federation Square န့ၣ်လီၤ.
ပှၤလၢအအိၣ်ဖဲ ဘြံၣ်စဘဲ ဝ့ၢ်န့ၣ် လဲၤကွၢ်ကီအီၤဖဲ King George Square တၢ်ကွၢ်ကီအပျီပူၤသ့ဝဲဒၣ်အသိး ပှၤလၢအအိၣ်ဖဲ ဖၢၣ်သ် ဝ့ၢ်န့ၣ် လဲၤကွၢ်ကီအီၤဖဲ Perth Rectangular Stadium တၢ်ကွၢ်ကီအပျီပူၤသ့ဝဲဒၣ်န့ၣ်လီၤ.
ပှၤအိၣ်ဖဲဝ့ၢ်ခိၣ် ခဲဘၢရၣ်သ့ၣ်တဖၣ်န့ၣ် လဲၤကွၢ်ကီတၢ်ပြၢအံၤသ့ဝဲဒၣ်ဖဲ Garema Place တၢ်လီၢ်, လၢအစးထီၣ်ဖဲ ၇နၣ်ရံၣ်န့ၣ်လီၤ.
ပှၤအိၣ်ဖဲ ဟိဘး ဝ့ၢ်န့ၣ် လဲၤကွၢ်ကီတၢ်ပြၢအံၤဖဲ Princes Wharf No.1 တၢ်လီၢ်အပူၤသ့ ဒီး ပှၤလၢအအိၣ်ဖဲဒါဝ့ ဝ့ၢ်န့ၣ် လဲၤကွၢ်ကီတၢ်လိာ်ကွဲပြၢအံၤဖဲ Darwin Waterfront တၢ်ပျီပူၤသ့ဝဲဒၣ် ဖဲဟါခီ ၆နၣ်ရံၣ်န့ၣ်လီၤ.
