តើ"ចលនា​សង្រ្គោះជាតិ" ​ពិតជា​បង្ហាញ​ពី​ការ​បែកបាក់​​របស់​បក្ស​ប្រឆាំង​មែន​ឬ?

លោក ហុង លីម ជា​សមាជិក​សភា​រដ្ឋ​វិចថូរៀ និង​ជា​ប្រធាន​សហព័ន្ធ​ខ្មែរ​អូស្រ្តាលី និយាយថា៖ «ការ​បង្កើត​ចលនា​នេះ​ធ្វើ​ឲ្យ​បែក​បាក់​សាមគ្គី​ផ្ទៃ​ក្នុង​រវាង​គណបក្ស​សង្រ្គោះ​ជាតិ។ ហើយ​លោកថា ទង្វើ​របស់​លោក​សម រង្ស៊ីនេះ បង្ហាញ​ពី​ភាព​ច្រណែន​ចំពោះ​សកម្មភាព​និង​សមិទ្ធិផល​របស់​កញ្ញា​កឹម មនោវិទ្យា កូនស្រី​ច្បង​របស់​លោក​កឹម​ សុខា ដែល​កំពុងតែ​ទទួល​បាន​ការ​គាំទ្រ​យ៉ាង​ខ្លាំង។​»

(សំឡេង លោក ហុងលីម)

ផ្ទុយទៅវិញ លោកសម រង្ស៊ី តែងតែ​អះអាង​ជានិច្ច​ថា គោល​បំណង​នៃ​ការ​បង្កើត​ចលនាសង្រ្គោះជាតិ​នេះ​ឡើង​គឺ​ដើម្បី​ ដើម្បីទាមទារ​ឲ្យដោះ​លែង​លោក កឹម សុខា ព្រមទាំង​សកម្មជន​គណបក្ស​សង្គ្រោះជាតិ និង​ទាមទារ​ឲ្យ​មាន​ការ​បោះឆ្នោត​នៅ​កម្ពុជា ដោយ​សេរី​ ត្រឹមត្រូវ និងយុត្តិធម៌។

ហើយ​នេះ​ជា​ប្រសាសន៍​ផ្ទាល់​របស់​លោក សមរង្សី​ នៅ​ក្នុងសុន្ទរកថា​ប្រកាស​ចលនាសង្រ្គោះ​ជាតិ​នៅ​ទីក្រុង​ឡុងប៊ិច សហរដ្ឋ​អាម៉េរិក​កាល​ពី​ថ្ងៃ​ទី​២៨​ មករា ឆ្នាំ​២០១៨​កន្លង​ទៅ​ថ្មីៗ​នេះ។

(សំឡេង​ លោក សម រង្ស៊ី)

យ៉ាង​ណាក៏ដោយ រដ្ឋាភិបាល​កម្ពុជា បាន​ប្រកាស​អះអាង​ម្តងហើយ​ម្តង​ទៀត​ថា​នឹង​បង្រ្កាប​ចលនា​សង្គ្រោះជាតិ​នេះ​ជា​ដាច់ខាត។

ដោយ​មិន​បញ្ចេញ​ឈ្មោះ​ចំ លោក​នាយករដ្ឋមន្រ្តីហ៊ុនសែន បានផ្ញើសារ​ព្រមាន​ទៅ​លើ​សម រង្ស៊ីថា "​កុំ​បង្ខំ​ឲ្យ​គេ​វ៉ៃ​ដែកគោល លើ​ក្តារ​ម​ឈូស​របស់​អ្នក​"​។

​(សំឡេង​ លោក ហ៊ុន សែន) ៕