មនុស្ស២៩នាក់រងរបួសបន្ទាប់ពីទូររថភ្លើងមួយបានផ្ទុះឆេះជាអណ្តាតភ្លើងឡើង។
ក្រុមរដ្ឋឥស្លាមបានប្រកាសទទួលខុសត្រូវលើការវាយប្រហារនៅស្ថានីយរថភ្លើងParsons Green Station នេះ ហើយអាជ្ញាធរក៏បានចាត់ទុកហេតុការណ៍នេះថាជាអំពើភេរវកម្មផងដែរ។
ចក្រភពអង់គ្លេសបានបង្កើនកម្រិតគម្រាមកំហែងភេរវកម្មរបស់ខ្លួនទៅកម្រិតខ្ពស់បំផុត។
នេះជាលើកទីពីរហើយក្នុងឆ្នាំនេះ ដែលនាយករដ្ឋមន្រ្តីអង់គ្លេសបានដំឡើងការគម្រាមកំហែងទៅកាន់កម្រិតគ្រោះថ្នាក់ ដែលមានន័យថា “ការវាយប្រហារស្ថិតនៅជិតបង្កើយ”។
លោកស្រីនាយករដ្ឋមន្រ្តី Theresa May មានប្រសាសន៍ថា វិធានការនានាក្នុងការបង្កើនសន្តិសុខគឺចាំបាច់ណាស់ក្នុងការរក្សាសុវត្ថិភាពសាធារណជន៕
Share
