១. ធ្វើឱ្យខួរក្បាលរបស់អ្នកមានសុខភាពល្អដូចអាយុអ្នកដែរ
មានការសិក្សាជាច្រើនបានបង្ហាញពីការមានទំនាក់ទំនងរវាងការចេះពីរភាសានិងការកាត់បន្ថយមានជំងឺឬក្រោយមកទៀតមានជំងឺភ្លេចភ្លាំង។ អ្នកដែលចេះពីរភាសា គឺធ្វើឱ្យខួរក្បាលមានសុខភាពល្អ និងជួយទប់ទល់ល្អប្រសើរទៅនឹងផលផ្សេងៗដោយការកើនអាយុ។
២. ជំនួយដល់កូនក្មេងក្នុងការរៀនសូត្រ
ក្មេងៗមិនមានផលលំបាកទេក្នុងការសិក្សាភាសាច្រើនជាងមួយ ការទទួលបាននូវផលគឺស្មើគ្នា។ ចំពោះការចេះភាសាកំណើត មានការសិក្សាជាច្រើនបានបង្ហាញថា កូនសិស្សសាលាដែលទទួលបានគុណភាពសិក្សាល្អនៅក្នុងថ្នាក់សិក្សាភាសាទីពីរ ទំនងជាទទួលបានលទ្ធផលល្អជាងក្មេងផ្សេងដែលមិនបានរៀន។
Image
៣. ធ្វើឱ្យប្រសើរឡើងនៅក្នុងទស្សនៈវិស័យការងារ
និយាយច្រើនជាងមួយភាសា ធ្វើឱ្យអ្នកអាចចូលទៅកាន់ទីផ្សារការងារបានធំទូលាយ ហើយជាញឹកញាប់តែងទទួលបានប្រាក់ខែខ្ពស់។
៤. ភាសាផ្តល់ឱ្យអ្នកស្គាល់ពីវប្បធម៌ច្រើនជាងមួយ
ការចេះពីរភាសាផ្តល់នូវច្រកផ្លូវចូលទៅវប្បធម៌មួយដែលអ្នកផ្សេងមិនអាចធ្វើបាន។ ភាសានំាឱ្យអ្នកនូវជំរើសផ្សេងៗក្នុងការបង្ហាញពីអត្តសញ្ញាណរបស់ខ្លួន ហើយធ្វើឱ្យអ្នកស្គាល់កាន់តែជ្រៅថែមទៀត ពីបទពិសោធន៍របស់មនុស្ស។
៥. ភាសាបង្កើនការយល់ដឹងរបស់អ្នកលើភាសាកំណើត និងផ្តល់ភាពងាយស្រួលក្នុងការសិក្សាភាសាទីបី
រៀនភាសាទីពីរបង្ហាញឱ្យអ្នកដឹងពីភាសារបស់ខ្លួន។ ការយល់ដឹងពីការប្រើប្រាស់ភាសា រួមផ្សំនឹងបទពិសោធន៍ដែលអ្នកមានស្រាប់ក្នុងការរៀនភាសាទីពីរ ផ្តល់ផលងាយស្រួលក្នុងការរៀនភាសាទីបី។
តើអ្នកដឹងទេថាអង្គការ UNESCO ប៉ាន់ប្រមាណថា ប្រសិនបើអ្នកមិនធ្វើអ្វីទេ ពាក់កណ្តាលនៃភាសាជាង៦០០០ភាសាដែលនិយាយសព្វថ្ងៃអាចនឹងត្រូវបាត់បង់នៅចុងសតវត្សនេះ។
ចង់ដឹងបន្ថែមសូមចូលទៅកាន់តារាងផែនទីក្នុងគេហទំព័រ UNESCO ស្តីអំពីភាពអន្តរាយនៃភាសាពិភពលោក (world’s endangered languages)៕
