គេហទំព័ររបស់អាជ្ញាធរការពារបរិស្ថានរដ្ឋវិចថូរៀ (EPA) បានរាយឈ្មោះឆ្នេរចំនួន២១ក្នុងចំណោមឆ្នេរ៣៦កន្លែងដែលខ្លួនបានត្រួតពិនិត្យនៅជុំវិញនោះថា មានគុណភាពទឹកទាប មានន័យថាទឹកនោះមិនសាកសមឲ្យចុះហែលលេងនោះទេ។
ឆ្នេរដែលមិនទឹកមិនស្អាតទាំងនោះលាតសន្ធឹងពី Werribee South ស្ថិតនៅនិរតីក្រុងម៉ែលប៊ិន រហូតទៅដល់ជាយសមុទ្រនៅ តំបន់ Frankston, ស្ថិតនៅប៉ែកអាគ្នេយ៍ក្រុងម៉ែលប៊ិន។
អាជ្ញាធរនិយាយថា កាកសំណល់លាមកទាំងនេះបានហូរចូលទៅក្នុងសមុទ្រក្រោយពីមានព្យុះភ្លៀងយ៉ាងខ្លាំងកាលពីសប្តាហ៍មុន ព្រមជាមួយនឹងភ្លៀងធ្លាក់បន្តិចបន្តួចនាពេលថ្មីៗនេះផងដែរ ប៉ុន្តែឆ្នេរនឹងត្រឡប់មកជាធម្មតាវិញក្នុងពេល២៤ម៉ោងទៅ៤៨ម៉ោងប្រសិនបើមេឃឈប់ភ្លៀង៕
Share
