រដ្ឋាភិបាលសហព័ន្ធបានចុះកិច្ចព្រមព្រៀងជាមួយក្រុមហ៊ុនផ្សេងៗដែលនឹងធ្វើប្រតិបត្តិការ និងធ្វើការត្រួតពិនិត្យបណ្តាញចាក់វ៉ាក់សាំងនៅទូទាំងប្រទេស។
ក្រុមហ៊ុនដឹកជញ្ជូន DHL និង Linfox នឹងទទួលខុសត្រូវក្នុងការដឹកជញ្ជូនចែកចាយថ្នាំវ៉ាក់សាំង។
ទាក់ទងនឹងការណែនាំ និងការធ្វើកំណត់ត្រា ក្រុមហ៊ុនឌីជីថល Accenture នឹងធ្វើការគណនាកម្រិត វ៉ាក់សាំងក្នុងពលរដ្ឋមួយរូប និងធ្វើការត្រួតពិនិត្យពីប្រតិកម្មផ្សេងៗពីការចាក់ថ្នាំវ៉ាក់សាំងនេះ។
ការចាប់ផ្តើមចាក់វ៉ាក់សាំងនឹងចាប់ផ្តើមនៅខែមីនា ឆ្នាំក្រោយនេះ។ ការចាក់វ៉ាក់សាំងនេះមិនគិតប្រាក់ទេ ហើយក៏មិនទាមទារឲ្យចាំបាច់ត្រូវតែចាក់នោះដែរសម្រាប់ពលរដ្ឋអូស្ត្រាលី អ្នកមានលំនៅអចិន្ត្រៃយ៍ និងអ្នកកាន់ទិដ្ឋាការភាគច្រើន។
ប្រទេសអូស្ត្រាលីបានចុះកិច្ចព្រមព្រៀងទិញវ៉ាក់សាំង COVID-19 ពីក្រុមហ៊ុនចំនួនបីគឺ Pfizer, Novavax and Oxford University-AstraZeneca។
