បច្ចុប្បន្នភាពកូវិដ-19 ៖ និយម​ន័យ​ថ្មីចំពោះ​អ្នក​ប៉ះពាល់​ ឬ​នៅ​ក្បែរ​អ្នក​មាន​វិជ្ជមាន​កូវិដ

នេះជាការធ្វើបច្ចុប្បន្នភាពពិសេសស្តីពីកូរ៉ូណាវីរុសនៅប្រទេសអូស្ត្រាលីសម្រាប់ថ្ងៃទី 30 ធ្នូ 2021 បន្ទាប់ពីមានសេចក្តីសម្រេចនៅក្នុងកិច្ចប្រជុំគណរដ្ឋមន្ត្រីស្តីពី និយមន័យថ្នាក់ជាតិលើ អ្នកប៉ះពាល់ ឬនៅក្បែរអ្នកវិជ្ជមានកូវិដ

Scott Morrison announces the reset of the 'close contact' criteria

Scott Morrison announces the reset of the 'close contact' criteria Source: AAP

លោក​នាយក​រដ្ឋ​មន្ត្រី Scott Morrison បាន​ប្រកាស​ពី​និយម​ន័យ​ថ្មី​ដែល​ទទួល​បាន​ការ​ព្រម​ព្រៀង​ថ្នាក់​ជាតិ​ស្តីពី អ្នក​ប៉ះពាល់ ឬនៅ​ក្បែរ​អ្នក​វិជ្ជមាន​​កូវិដ (Close contact) បន្ទាប់​ពីកិច្ច​ប្រជុំ​គណ​រដ្ឋ​មន្ត្រី​កាលពីថ្ងៃព្រហស្បត្តិ៍​ ទី 30 ធ្នូ​ ម្សិល​មិញ​នេះ)។​

  • អ្នក​ត្រូវ​បាន​ចាត់​ទុក​ថា​​ ជាអ្នក​បាន​ប៉ះពាល់​ ឬ​នៅក្បែរ​អ្នក​វិជ្ជមាន លុះ​ត្រា​តែ​អ្នក​បានស្នាក់​នៅ​ផ្ទះ​ជាមួយ​អ្នក​មាន​វិជ្ជមាន​កូវិដ-19 ឬ​បាន​នៅ​ក្បែរ​អ្នក​វិជ្ជមាន​នៅក្នុង​ផ្ទះ​ ឬ​កន្លែង​ស្នាក់​នៅ ឬ​កន្លែង​ថែ​ទាំ​ណាមួយជាងបួន​ម៉ោង លើក​លែង​តែ​ក្នុង​ករណីពិសេស​ប៉ុណ្ណោះ។ 
  • ប្រសិន​បើ​គេ​ចាត់​ទុក​នរណា​ម្នាក់​ថាជាអ្នក​បាន​ប៉ះពាល់ ឬ​នៅក្បែរអ្នក​វិជ្ជមានកូវិដ បុគ្គល​រូប​នោះ​ត្រូវ​តែ​ធ្វើ​តេស្ត​រក​កូវិដ-19 ដោយ​ប្រើ​ឧបករណ៍​ធ្វើតេស្ត​រហ័ស ទោះ​បី​គ្មាន​រោគ​សញ្ញា​ក៏ដោយ។
  • ប្រសិនលទ្ធផល​តេស្ត​រហ័ស​អវិជ្ជមាន គេ​ត្រូវ​បន្ត​ធ្វើ​ចត្តាឡីស័កប្រាំ​ពីរ​ថ្ងៃដោយ​រាប់​ចាប់​តាំង​ពីថ្ងៃ​បានប៉ះពាល់ ឬ​នៅក្បែរ​អ្នក​វិជ្ជមាន និង​ត្រូវ​ធ្វើ​តេស្ត​រហ័ស​ជាថ្មី​ម្តង​ទៀត​នៅ​ថ្ងៃទីប្រាំ​មួយ នៃ​ការ​ធ្វើ​ចត្តាឡីស័ក។
  • ប្រសិន​បើ​ការ​ធ្វើ​តេស្ត​រហ័ស​បង្ហាញ​លទ្ធផល​វិជ្ជមាន គេត្រូវ​ទៅ​ធ្វើ​តេស្ត​ដោយ​ម៉ាស៊ីន​ធំ PCR។
  • ប្រសិន​បើ​បុគ្គល​ដែល​ត្រូវ​បាន​ចាត់​ទុក​ថា​បាន​ប៉ះពាល់ ឬ​នៅ​ក្បែរ​អ្នក​វិជ្ជមាន​ បង្ហាញ​រោគ​សញ្ញា​ផ្សេងៗ គេ​ត្រូវ​ទៅធ្វើ​តេស្ត​ដោយ​ម៉ាស៊ីន​ធំ PCR រួចបន្ត​ធ្វើ​ចត្តាឡីស័កប្រាំ​ពីរ​ថ្ងៃ។
  • និយមន័យ​ថ្មី​នេះ​ចូល​ជា​ធរមាន​ចាប់​ពីព្រឹក​ថ្ងៃទី 31 ខែ​ធ្នូ នេះ​​សម្រាប់​រដ្ឋ​ញូសៅវ៉េល វិកថូរៀ ឃ្វីនឡែន រដ្ឋ​អូស្ត្រាលីភាគខាង​ត្បូង និង​រដ្ឋ​ធានី​ខេនបេរ៉ា។
  • វិធាន​ថ្មី​នេះ ក៏​នឹង​ត្រូវ​អនុវត្ត​សម្រាប់​ពលរដ្ឋ​ដែល​កំពុង​ធ្វើ​ចត្តាឡីស័ក​ផង​ដែរ។ នេះ​បើ​តាម​ការ​គូស​បញ្ជាក់​ពី​លោក​នាយក​រដ្ឋ​មន្ត្រី។
  • រដ្ឋ​ Tasmania នឹង​អនុវត្ត​និយម​ន័យ​ថ្មី​នេះ​ចាប់​ពីថ្ងៃទី ១ មករា​ស្អែក​នេះ។ ចំណែក​ឯដែន​ដី​អូស្ត្រាលីភាគ​ខាង​ជើង និង​រដ្ឋ​អូស្ត្រាលី​ខាង​លិច​នឹង​ធ្វើការ​ប្រកាស​ក្នុងរយៈពេល​ប៉ុន្មាន​ថ្ងៃ​ខាង​មុខ​នេះ។
  • រដ្ឋ​អូស្ត្រាលីភាគ​ខាង​ត្បូង​នឹង​ទទួល​យក​ការ​ផ្លាស់​ប្តូរ​ពី​និយម​ន័យ​នេះ ប៉ុន្តែ​នៅតែ​រក្សា​ការ​តម្រូវ​ឲ្យ​ធ្វើ​ចត្តាឡីស័ក​រហូត​ដល់​ 10 ថ្ងៃ​បើ​ធៀប​នឹង​រដ្ឋ​ផ្សេង​ទៀត​ដែល​តម្រូវ​ឲ្យ​ធ្វើ​ចត្តាឡីស័ក 7ថ្ងៃ​ប៉ុណ្ណោះ​សម្រាប់​អ្នក​បាន​ប៉ះពាល់ ឬនៅក្បែរ​អ្នក​វិជ្ជមាន។

Share

Published

Updated


Share this with family and friends


Follow SBS Khmer

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Khmer-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service