- ៦៧%នៃអ្នកស្រុករស់នៅក្នុងរដ្ឋញូសៅវែលបានចាក់វ៉ាក់សាំងដូស្តទី១រួចហើយ
- រដ្ឋវិចថូរៀមានទីតាំងដែលអ្នកវិជ្ជមានកូវីដ-១៩បានទៅ ជាង១ពាន់កន្លែងហើយ
- ACT បន្តការបិទខ្ទប់រហូតដល់ថ្ងៃទី១៧ ខែកញ្ញា
- រដ្ឋអូស្រ្តាលីខាងត្បូងដកចេញការរឹតត្បឹងលើអ្នកដំណើរមកពីដែនដីភាគខាងជើង និងរដ្ឋគ្វីនស្លេន
ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៃវីរុសកូរ៉ូណាក្នុងស្រុកចំនួន១,១៦៣ករណី ដែលក្នុងនោះ៧៩៦ករណីមកពីតំបន់ភាគខាងត្បូងនិងភាគនិរតីក្រុងស៊ីដនី។ មនុស្ស៣នាក់បានស្លាប់។
ប្រធានមន្រ្តីសុខាភិបាល Dr Kerry Chant ជំរុញឲ្យអ្នកស្រុកនៅតំបន់ Guildford, Merrylands, Auburn, Greenacre, Bankstown និង Blacktown ទៅធ្វើតេស្ត។
រដ្ឋមន្រ្តីក្រសួងសុខាភិបាល លោក Brad Hazzard ផ្តល់ដំបូន្មានឲ្យអ្នកដែលមានអាយុចាប់ពី១៨ឆ្នាំឡើង ទៅចាក់វ៉ាក់សាំង AstraZeneca ខណៈដែលថ្នាំវ៉ាក់សាំង Pfizer មានមិនគ្រប់។
មានការប្រកាសកាលពីថ្ងៃចន្ទថា បុរសជនជាតិដើម Aboriginal ម្នាក់នៅ Dubbo គឺជាជនជាតិដើមដំបូងគេដែលស្លាប់ដោយសារតែកូវីដ-១៩ នៅក្នុងការផ្ទុះឡើងនាពេលបច្ចុប្បន្ននៅភាគខាងលិចរដ្ឋញូសៅវែលនេះ។
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីនៃវីរុសកូរ៉ូណាក្នុងស្រុកចំនួន៧៦ករណី ដែលក្នុងនោះ៣១ករណី មិនទាន់បានផ្សារភ្ជាប់ទៅនឹងការផ្ទុះឡើងដែលបានដឹងស្រាប់នៅឡើយនោះទេ។
រដ្ឋមន្រ្តីទីមួយ លោក Daniel Andrews ដែលនឹងប្រកាសផែនការបន្ធូរបន្ថយការរឹតបន្តឹងនៅថ្ងៃស្អែក មានប្រសាសន៍ថា ‘ថ្នាំវ៉ាក់សាំងដែលត្រឹមត្រូវ គឺជាថ្នាំវ៉ាក់សាំងដែលអ្នកអាចចាក់បាន’ ដោយចង្អុលបង្ហាញថាមានថ្នាំវ៉ាក់សាំង AstraZeneca យ៉ាងច្រើន សម្រាប់ប្រជាជន។
ឥឡូវនេះមានទីតាំងដែលអ្នកមានកូវីដ-១៩បានទៅដល់ជាង១ពាន់កន្លែងហើយនៅលើ បញ្ជីឈ្មោះកន្លែងប៉ះពាល់ (exposure sites) រាប់បញ្ជូលទាំងអគារអាផាតមិនបីបួនកន្លែងនៅក្នុងទីក្រុងម៉ែលប៊នផងដែរ។
ដែនដីរដ្ឋធានីអូស្រ្តាលី (ACT)
ACTបានកត់ត្រាករណីឆ្លងថ្មីក្នុងស្រុក១៣ករណី ដែលក្នុងនោះយ៉ាងហោចណាស់៨ករណីបានស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។
គ្លីនីកចាក់វ៉ាក់សាំងបង្ការកូវីដ-១៩ដ៏ធំសម្បើមថ្មីមួយនៅទីក្រុងខេនបេរ៉ា នឹងបើកនៅទីលានកីឡានៃសកលវិទ្យាល័យអូស្រ្តាលី នៅថ្ងៃសុក្រ ទី៣ ខែកញ្ញា។ ការបិតខ្ទប់នឹងត្រូវបន្តរហូតដល់ថ្ងៃទី ១៧ ខែកញ្ញា ជាមួយនឹងការរឹតបន្តឹងថ្មីៗចាប់ផ្តើមពីម៉ោង៥ល្ងាចថ្ងៃព្រហស្បតិ៍។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- រដ្ឋអូស្រ្តាលីខាងត្បូងដកចេញនូវរាល់ការរឹតត្បឹតនានាលើប្រជាជនដែលធ្វើដំណើរមកពីតំបន់អាគ្នេយ៍នៃរដ្ឋគ្វីនស្លេន និងតំបន់Katherine នៅក្នុងដែនដីភាគខាងជើង។
Source: ALC
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
