- តំបន់ភាគខាងលិចនិងនិរតីក្រុងស៊ីដនីគឹជាតំបន់ដែលព្រួយបារម្ភខ្លាំងបំផុត។
- ទីកន្លែងប៉ះពាល់ដែលអ្នកកើតកូវីដ-១៩បានទៅ នៅក្នុងរដ្ឋវិចថូរៀឡើងដល់ជាង៥០០កន្លែងហើយ
- មានករណីឆ្លងថ្មីក្នុងស្រុកជាង២០ករណីនៅ ACT
- រដ្ឋគ្វីនស្លេននិងដែនដីភាគខាងជើងកត់ត្រាករណីឆ្លងសូន្យករណី
រដ្ឋញូសៅវែល
រដ្ឋញូសៅវែលបានកត់ត្រាករណីឆ្លងថ្មីក្នុងស្រុកចំនួន ៦៣៣ករណី និងមនុស្សស្លាប់៣នាក់។ យ៉ាងហោចណាស់ ៦២ករណីបានស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។
រដ្ឋមន្រ្តីទីមួយ លោកស្រី Gladys Berejiklian មានប្រសាសន៍ថា មានការកើនឡើងខ្លាំងនូវករណីឆ្លងក្នុងតំបន់ព្រួយបារម្ភទាំងនេះ៖ Merrylands, Guilford, Auburn, Greenacre និង St Marys.
អ្នកទាំងឡាយណាដែលមានអាយុពី ១៦ ទៅ៣៩ឆ្នាំ រស់នៅក្នុងតំបន់រដ្ឋាភិបាលមូលដ្ឋានដែលព្រួយបារម្ភទាំង១២តំបន់ នឹងទទួលបានអាទិភាពក្នុងការទៅចាក់វ៉ាក់សាំងបង្ការកូវីដ-១៩ Pfizer ចាប់ពីថ្ងៃស្អែកនេះទៅ គឺថ្ងៃព្រហស្បតិ៍ ទី ១៩ ខែសីហា។
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងក្នុងស្រុកថ្មីចំនួន២៤ករណី ប៉ុន្តែក្នុងនោះ ៤ករណីមិនដឹងពីប្រភពនៃការឆ្លង។ ៦ករណីបានស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។
មេបញ្ជាការកូវីដ-១៩ លោក Jeroen Weimar មានប្រសាសន៍ថា បច្ចុប្បន្នអ្នកដែលមានទំនាក់ទំនងជិតស្និតបឋមមានចំនួនប្រមាណជា ១៥,០០០នាក់ នៅក្នុងរដ្ឋនេះ និងមានទីកន្លែងប៉ះពាល់ (exposure sites)ជាង៥២០កន្លែង។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- ដែនដីរដ្ឋធានីអូស្រ្តាលី ACT កត់ត្រាករណីឆ្លងថ្មីក្នុងស្រុក ២២ករណី ដែលនាំឲ្យករណីសកម្មសរុបក្នុងទីក្រុងខេនបេរ៉ាឡ់ងដល់ ៦៧ករណី។
- ការរឹតបន្តឹងនឹងត្រូវដកចេញ នៅក្នុងភាគអាគ្នេយ៍រដ្ឋគ្វីនស្លេន ទីក្រុងខេន និង Yarrabah ចាប់ពីម៉ោង៤ល្ងាចថ្ងៃអង្គារ ទី២០ខែសីហា។
- ការបិទខ្ទប់នៅតំបន់ Greater Darwin និង Katherine តាមការកំណត់នឹងត្រូវបញ្ចប់នៅពេលថ្ងៃត្រង់ស្អែកនេះ។
Source: ALC
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
