បច្ចុប្បន្នភាពកូវីដ-១៩៖ អូស្រ្តាលីសម្រេចបានអត្រាចាក់វ៉ាក់សាំងដូស្តដំបូង៩០%ជាផ្លូវការហើយ

នេះគឺជាបច្ចុប្បន្នភាពរបស់លោកអ្នក ស្តីពីវីរុសកូរ៉ូណានៅក្នុងប្រទេសអូស្រ្តាលី សម្រាប់ថ្ងៃសុក្រ ទី១២ ខែវិច្ឆិកា ឆ្នាំ២០២១។

Higher vaccination rate in the country would mean greater freedoms. Source: AAP Image/Jono Searle

អូស្រ្តាលីសម្រេចបានជាផ្លូវការនូវអត្រាចាក់វ៉ាក់សាំងដូស្តដំបូង៩០%ហើយ។
លោកនាយករដ្ឋមន្រ្តី Scott Morrison និយាយថា រដ្ឋាភិបាលសហព័ន្ធនឹងមិនជ្រៀតជ្រែកនៅក្នុងច្បាប់រោគរាតត្បាតរបស់រដ្ឋវិចថូរៀទេ។
អភិបាលរដ្ឋគ្វីនស្លេន លោកស្រី Annastacia Palaszczuk និយាយថា លោកស្រីមិនចង់លុបចោលកម្មវិធីជប់លៀងបញ្ចប់វគ្គសិក្សា schoolies នោះទេ ប៉ុន្តែនឹងត្រូវតែធ្វើការសម្រេចចិត្តដ៏លំបាកប្រសិនបើមានករណីដែលមិនទាក់ទងគ្នាលេចឡើងទៀត។
រដ្ឋថាសម៉ាញៀជំរុញឲ្យក្រុមប្រជាជនអាយុចន្លោះពី ១៦ដល់២៤ឆ្នាំ ទៅចាក់វ៉ាក់សាំង ខណៈដែលរដ្ឋនេះធ្វើការពិនិត្យឡើងវិញលើការរឹតត្បឹតចំពោះការជួបជុំ និងព្រឹត្តិការណ៍នានា ដូចជាពិធីបុណ្យរាំរែកជាដើម សម្រាប់អ្នកដែលបានចាក់វ៉ាក់សាំងពេញលេញហើយ។
ស្នងការទទួលបន្ទុកកិច្ចការចាក់វ៉ាក់សាំងនៅរដ្ឋអូស្រ្តាលីខាងលិច លោក Chris Dawson បានធ្វើសេចក្តីអំពាវនាវផ្ទាល់ខ្លួនមួយទៅកាន់មនុស្សវ័យចំណាស់នៃសហគមន៍ជនជាតិដើមភាគតិចជាមួយនឹងអត្រាចាក់វ៉ាក់សាំងទាបនៅក្នុងប្រទេស។
ចាប់ពីថ្ងៃទី១៥ ខែវិច្ឆិកាទៅ ការវះកាត់ដែលអាចជ្រើសរើសបាននឹងវិលត្រឡប់មកដំណើរការយ៉ាងពេញលេញវិញសម្រាប់អ្នកជំងឺនៅទីក្រុងស៊ីដនី (Greater Sydney)។

ស្ថិតិកូវីដ-១៩៖

រដ្ឋវិចថូរៀបានកត់ត្រាករណីឆ្លងថ្មីក្នុងស្រុកចំនួន ១,១១៥ ករណី និងស្លាប់ ៩នាក់។
រដ្ឋញូសៅវែលបានកត់ត្រាករណីឆ្លងថ្មីក្នុងស្រុកចំនួន ២៨៦ ករណី និងស្លាប់ ២នាក់។
ACT កត់ត្រា១៥ករណី និង គ្វីនស្លេនកត់ត្រា ២ករណីថ្មី។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។