- លោកនាយករដ្ឋមន្រ្តី Scott Morrison ប្រកាសថាវ៉ាក់សាំងដូស្តជំរុញនឹងមានចាប់ពីថ្ងៃទី៨ ខែវិច្ឆិកាទៅ
- រដ្ឋវិចថូរៀកត់ត្រាចំនួនមនុស្សស្លាប់ប្រចាំថ្ងៃខ្ពស់បំផុតនៅក្នុងការផ្ទុះឡើងបច្ចុប្បន្ននេះ
- រដ្ឋគ្វីនស្លេនព្យួរជើងមន្រ្តីប៉ូលិសជិត១៥០នាក់ ដោយសារមិនចាក់វ៉ាក់សាំង
រដ្ឋវិចថូរៀ
រដ្ឋវិចថូរៀបានកត់ត្រាចំនួនមនុស្សស្លាប់ដោយសារកូវីដ-១៩ប្រចាំថ្ងៃ ខ្ពស់បំផុតនៅថ្ងៃនេះ គឺចំនួន ២៥នាក់ ខណៈដែលរដ្ឋនេះមានករណីឆ្លងថ្មី ១៩២៣ករណី។
វាកើតឡើងខណៈដែលរដ្ឋនេះ នឹងដល់ពេលកំណត់បើកឡើងវិញនៅថ្ងៃស្អែក។
លោកនាយករដ្ឋមន្រ្តី Scott Morrison បានចូលរួមរំលែកទុក្ខដ៏ជ្រាលជ្រៅចំពោះក្រុមគ្រួសារអ្នកដែលបានបាត់បង់ជីវិត ហើយនិយាយថា “វាគឺជាការរំលឹកដ៏ក្រៀមក្រំនៃការពិតដ៏គួរឱ្យភ័យខ្លាចនៃជំងឺរាតត្បាតនេះ" ។”
ក្រសួងសុខាភិបាលរដ្ឋវិចថូរៀនិយាយថា អ្នកដែលសុំការលើកលែងពីការចាក់វ៉ាក់សាំងកូវីដ-១៩ ឥឡូវនេះនឹងត្រូវបង្ហាញច្បាប់ចម្លងនៃការចុះឈ្មោះវ៉ាក់សាំង Australian Immunisation Register ជាភស្តុតាង។
កក់ទុកការណាត់ជួបដើម្បីចាក់វ៉ាក់សាំងនៅថ្ងៃនេះ។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន២៩៣ករណី និងស្លាប់២នាក់។
មានករណីកូវីដដែលបានអះអាងឡើងចំនួន១៥ករណី ដែលពាក់ព័ន្ធនឹងកន្លែងហាត់ប្រាណ City Gym នៅ Darlinghurst។
អ្នកដែលបានទៅកន្លែងហាត់ប្រាណនេះ នៅក្នុងពេលវេលាជាក់លាក់មួយចំនួន ចន្លោះពីថ្ងៃទី ១៨ ដល់ថ្ងៃទី ២៣ ខែតុលា ឬនៅថ្ងៃទី ២៥ ខែតុលា ត្រូវបានគេចាត់ទុកថាជា អ្នកមានទំនាក់ទំនងម្តងម្កាល (Casual Contacts) ហើយត្រូវតែទៅធ្វើតេស្តជាបន្ទាន់ និងផ្តាច់ខ្លួនឯងចេញឆ្ងាយពីគេរហូតដល់ទទួលបានលទ្ធផលអវិជ្ជមាន។
រដ្ឋមន្ត្រីក្រសួងសេវាកម្មអតិថិជន លោក Victor Dominello បាននិយាយថា ចាប់ពីថ្ងៃសុក្រនេះ ប្រជាជននឹងទទួលបានការជូនដំណឹងតាមរយៈកម្មវិធី Service NSW App ប្រសិនបើពួកគេបានទៅកន្លែងប៉ះពាល់ (exposure site)។
ស្វែងរកមណ្ឌលចាក់វ៉ាក់សាំង ដែលនៅជិតលោកអ្នក។
រដ្ឋគ្វីនស្លេន
មន្រ្តីប៉ូលិសរដ្ឋគ្វីនស្លេនជិត ១៥០នាក់ ត្រូវបានព្យួរពីការងារ បន្ទាប់ពីមិនបានទៅចាក់វ៉ាក់សាំងឲ្យទាន់ថ្ងៃកំណត់ ទី៤ ខែតុលា។
មិនមានកំណត់ត្រាករណីឆ្លងថ្មីនៅក្នុងរដ្ឋគ្វីនស្លេននៅថ្ងៃនេះទេ។
ចុចនៅទីនេះដើម្បីកក់ទុកការណាត់ជួបទៅចាក់វ៉ាក់សាំងរបស់អ្នកនៅថ្ងៃនេះ។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- ថ្នាំវ៉ាក់សាំង Pfizer នឹងមាននៅតាមឱសថស្ថានទាំងអស់នៅទូទាំងប្រទេសអូស្រ្តាលី សម្រាប់ការចាក់ដូស្តដំបូង ដូស្តទីពីរ ឬដូស្តជំរុញ ចាប់ពីថ្ងៃទី៨ ខែវិច្ឆិកា។
- ACT បានកត់ត្រាករណីឆ្លងថ្មី ៨ករណី។
- លោកនាយករដ្ឋមន្រ្តី Scott Morrison មានប្រសាសន៍ថា បីភាគបួននៃប្រជាជនអូស្រ្តាលីពេលនេះបានចាក់វ៉ាក់សាំងពេញលេញរួចហើយ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក
រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក
ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក
ដែនដីភាគខាងជើង ការធ្វើដំណើរ និង ការធ្វើចត្តាឡីស័ក
រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក
រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក
រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក
រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
