បច្ចុប្បន្នភាពកូវីដ-១៩៖ អាជ្ញាធរអំពាវនាវឲ្យមានការធ្វើតេស្តកាន់តែច្រើននិងអត្រានៃការចាក់វ៉ាក់សាំងកាន់តែខ្ពស់

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ថ្ងៃអង្គារ ទី១៧ ខែសីហា ឆ្នាំ ២០២១។

Maafisa wa jeshi la Australia, wawasaidia watu walio enda kupokea chanjo katika kituo cha chanjo cha Qudos Bank Arena, NSW. Source: AAP Image/Bianca De March

ភាគច្រើននៃករណីឆ្លងថ្មីក្នុងរដ្ឋញូសៅវែលមានអាយុក្រោម៤០ឆ្នាំ
រដ្ឋមន្រ្តីទីមួយនៃរដ្ឋវិចថូរៀអំពាវនាវឲ្យមានអត្រាធ្វើតេស្តខ្ពស់ជាងនេះ
ករណីឆ្លងថ្មីក្នុងស្រុក១៧ករណីរកឃើញនៅ ACT
គ្មានករណីឆ្លងថ្មីនៅដែនដីភាគខាងជើងទេ

រដ្ឋញូសៅវែល

រដ្ឋញូសៅវែលបានកត់ត្រាករណីឆ្លងថ្មីក្នុងស្រុក ៤៥២ករណី ដែលក្នុងនោះយ៉ាងហោចណាស់ ៥០ករណីស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។ ៧៥%នៃករណីឆ្លងថ្មីមានអាយុក្រោម៤០ឆ្នាំ។ ស្រ្តីម្នាក់ក្នុងវ័យ៧០ឆ្នាំក្រាស់ដែលមិនបានចាក់វ៉ាក់សាំងបានស្លាប់។

មានការជំរុញឲ្យអ្នកស្រុកនៅ Lennox Head ទៅធ្វើតេស្ត ខណៈដែលបំណែកកូវីដត្រូវបានគេរកឃើញនៅក្នុងការធ្វើតេស្តទឹកលូនៅក្នុងតំបន់នេះ។

លោកស្រីរដ្ឋមន្រ្តីទីមួយ Gladys Berejiklian ចេញនូវសេចក្តីអំពាវនាវជាពិសេសមួយ ហៅឲ្យអ្នកដែលមានអាយុលើសពី៧០ឆ្នាំ ឲ្យទៅចាក់វ៉ាក់សាំង។

កក់ទុកសម្រាប់ការណាត់ជួបទៅចាក់វ៉ាក់សាំងនៅទីនេះ។

រដ្ឋវិចថូរៀ

រដ្ឋវិចថូរៀមានកំណត់ត្រាករណីឆ្លងថ្មីក្នុងស្រុក ២៤ករណី ដែលក្នុងនោះ ៣ករណីមិនដឹងពីប្រភពនៃការឆ្លង និង១០ករណីស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។

រដ្ឋមន្រ្តីទីមួយ លោក Daniel Andrews អំពាវនាវឲ្យមានការធ្វើតេស្តច្រើនជាងមុន ជាពិសេសនៅក្នុងតំបន់ St Kilda រួមទាំង Port Phillip និង Bayside ផងដែរ។

ស្វែងរកនៅទីនេះសម្រាប់បញ្ជីឈ្មោះកន្លែងធ្វើតេស្ត និង បញ្ជីឈ្មោះមណ្ឌលចាក់វ៉ាក់សាំង។

រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖

ដែនដីរដ្ឋធានីអូស្រ្តាលី (ACT) កត់ត្រាករណីឆ្លងថ្មីក្នុងស្រុក ១៧ករណី ធ្វើឲ្យចំនួនករណីសកម្មសរុបក្នុងទីក្រុងខេនបេរ៉ាឡើងដល់៤៥ករណីហើយ។ ឥឡូវនេះមាន ទីកន្លែងប៉ះពាល់នៅក្នុងACTជិត១០០កន្លែងហើយ។
ដែនដីភាគខាងជើងកត់ត្រាករណីឆ្លងក្នុងស្រុកសូន្យករណី ដែលបានមកពីការធ្វើតេស្ត១,៨៤៦នាក់ កាលពីម្សិលមិញ។
រដ្ឋគ្វីនស្លេនកត់ត្រាករណីឆ្លងក្នុងស្រុក១ករណី ជាអ្នកដែលធ្វើចត្តាឡីស័កនៅក្នុងផ្ទះ។

Source: ALC

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។