នៅថ្ងៃពុធនេះ ប្រទេសអូស្ត្រាលីបានរាយការណ៍ថាមានអ្នកស្លាប់ដោយសារកូវីដ-19 យ៉ាងហោចណាស់ចំនួន 59 នាក់ ក្នុងនោះមាន 25 នាក់នៅរដ្ឋវិចថូរៀ 15 នាក់នៅគ្វីនស្លេន និង 10 នាក់នៅរដ្ឋញូសៅវែល។ រដ្ឋអូស្រ្តាលីខាងលិចក៏បានរាយការណ៍ពីចំនួនករណីស្លាប់ពីមុនចំនួន 8នាក់ផងដែរ។
នៅក្នុងរដ្ឋវិចថូរៀ នេះគឺជាចំនួនអ្នកស្លាប់ប្រចាំថ្ងៃខ្ពស់បំផុត គិតចាប់តាំងពីថ្ងៃទី 4 ខែមេសាមក។
ពិនិត្យមើលនិន្នាការចុងក្រោយបំផុតនៃកូវីដ-19 សម្រាប់ករណីឆ្លងថ្មី ការសម្រាកព្យាបាលនៅមន្ទីរពេទ្យ និងការស្លាប់នៅក្នុងប្រទេសអូស្ត្រាលីនៅទីនេះ។
រដ្ឋញូសៅវែលបានធ្វើបច្ចុប្បន្នភាពបទបញ្ញត្តិ COVID-19 របស់ខ្លួន។ ចាប់ពីថ្ងៃនេះ (8 មិថុនា) ការចុះឈ្មោះដើម្បីសុវត្ថិភាពកូវីដ ( COVID Safe Check-ins) លែងតម្រូវឱ្យធ្វើទៀតហើយនៅតាមក្លឹបរាត្រី ក្លឹបកម្សាន្ត កន្លែងផ្តល់សេវាផ្លូវភេទ និងពិធីបុណ្យតន្ត្រីក្នុងអគារធំៗ។ ទោះជាយ៉ាងណាក៏ដោយ អាជីវកម្ម និងអង្គភាពនានាអាចបន្តប្រើប្រាស់វាបាន តាមការសំរេចចិត្តរបស់ពួកគេផ្ទាល់។ អ្នកមិនត្រូវបានតម្រូវឱ្យពាក់ម៉ាស ឬចាក់វ៉ាក់សាំង ដើម្បីចូលរួមពិធីបុណ្យតន្ត្រីធំៗនៅក្នុងអគារនោះទេ។
កាលពីម្សិលមិញ (7 មិថុនា) រដ្ឋាភិបាលដែនដីរដ្ឋធានីអូស្ត្រាលី (ACT) បានអនុម័តច្បាប់វិសោធនកម្មសុខភាពសាធារណៈឆ្នាំ 2021 (លេខ 2) នៅក្នុងសភានីតិបញ្ញត្តិ។ នេះនឹងអនុញ្ញាតឱ្យរដ្ឋាភិបាល ACT បន្តការពារប្រជាពលរដ្ឋរបស់ខ្លួនពីហានិភ័យសុខភាពសាធារណៈនៃ COVID-19 ខណៈពេលដែលមានការថយចុះពីការប្រកាសអាសន្នសុខភាពសាធារណៈបច្ចុប្បន្ន។
រដ្ឋមន្ត្រីក្រសួងសុខាភិបាល ACT លោកស្រី Rachel Stephen-Smith បាននិយាយថា ការផ្លាស់ប្តូរដែលបានអនុម័តនេះនឹងអនុញ្ញាតឱ្យមានការឆ្លើយតបផ្នែកសុខភាពសាធារណៈដែលមានសមាមាត្រ និងតម្លាភាពចំពោះ COVID-19 ។ ការប្រកាសអាសន្នសុខភាពសាធារណៈបច្ចុប្បន្ននឹងត្រូវពិនិត្យឡើងវិញនៅថ្ងៃទី 11 ខែសីហា ឆ្នាំ 2022។
ចូលអានអំពីវ៉ាក់សាំងកូវីដ-១៩ជាភាសាខ្មែរ។
ស្វែងរកគ្លីនីកធ្វើតេស្តកូវីដ-១៩
ACT New South Wales Northern Territory Queensland
South Australia Tasmania Victoria Western Australia
ចុះបញ្ជីលទ្ធផលតេស្តរហ័ស (RAT) របស់អ្នកនៅទីនេះ ប្រសិនបើអ្នកទទួលបានលទ្ធផលវិជ្ជមាន
ACT New South Wales Northern Territory Queensland
South Australia Tasmania Victoria Western Australia
ស្វែងរក អ្វីដែលអ្នកអាចធ្វើបាន និងមិនអាចធ្វើបាន នៅគ្រប់ទីកន្លែងក្នុងប្រទេសអូស្រ្តាលី។
មុនពេលអ្នកធ្វើដំណើរចេញទៅក្រៅប្រទេស ចូរពិនិត្យតម្រូវការធ្វើដំណើរនិងដំបូន្មានចុងក្រោយគេបង្អស់។
ប្រសិនបើអ្នកត្រូវការជំនួយហិរញ្ញវត្ថុ ចូរពិនិត្យមើលអ្វីជាជម្រើសរបស់អ្នក។
នេះគឺជាជំនួយខ្លះៗក្នុងការស្វែងយល់ពីវគ្គសព្ទនៃកូវីដ-១៩ជាភាសារបស់លោកអ្នក។
អានព័ត៌មានអំពីកូវីដ-១៩ទាំងអស់ជាភាសារបស់អ្នកនៅលើ SBS Coronavirus portal៕
