- ការកើនឡើងករណីយ៉ាងច្រើននៅរដ្ឋញូសៅវ៉េល
- ទីតាំងដែលអ្នកវិជ្ជមានកូវីដ-19 បានទៅកាន់មានការកើនឡើងលើស 450 ទីតាំងនៅក្រុងម៉ែលប៊ិន
- រដ្ឋឃ្វីនឡែន គ្មានករណីណាមួយមានលទ្ធភាពចម្លងក្នុងសហគមន៍ទេ
- មានករណីសកម្មចំនួន 7 នៅ រដ្ឋធានីខេនបេរ៉ា
រដ្ឋញូសៅវ៉េល
រដ្ឋញូសៅវ៉េលមានករណីឆ្លងថ្មីចំនួន 466 និងមានស្លាប់បួនករណី។ យ៉ាងហោចណាស់មាន 68ករណីអាចមានលទ្ធភាពចម្លងក្នុងសហគមន៍ក្នុងចំណោមករណីទាំងអស់។
ចាប់ពីថ្ងៃចន្ទ ទី 16 សីហានេះទៅនឹងមានបុគ្គលិកទាហាន 500នាក់បន្ថែមទៀតធ្វើការជាមួយនគរបាលរដ្ឋញូសៅវ៉េលដើម្បីធ្វើប្រតិបត្តិការ និងធានាថាពលរដ្ឋគោរពតាមការណែនាំ ដើម្បីពង្រឹងការដាក់កំហិតកាន់តែតឹងតែង។ នេះបើតាមការគូសបញ្ជាក់ពីអភិបាលរដ្ឋលោកស្រី Gladys Berejiklian។
ពលរដ្ឋទាំងឡាយណាដែលចាកចេញពីទំបន់ Greater Sydney ត្រូវតែ ដាក់ពាក់សុំការអនុញ្ញាត។ ការដាក់កំហិតឲ្យធ្វើដំណើរក្នុងរង្វង់ 10គម នឹងត្រូវកាត់បន្ថយមកត្រឹម 5គម វិញសម្រាប់ពលរដ្ឋនៅតំបន់ Greater Sydney ទាំងអស់។
ចាប់ពីថ្ងៃចន្ទ 16 សីហាខាងមុខនេះពលរដ្ឋទាំងឡាយណាដែលរស់នៅ រដ្ឋាភិបាលថ្នាក់តំបន់ទាំង 12 ដែលមានការព្រួយបារម្ភ អាចចេញក្រៅផ្ទះដើម្បីហាត់ប្រាណ និងមើលកូនៗតែប៉ុណ្ណោះ ដោយមិនអនុញ្ញាតឲ្យធ្វើសកម្មភាពកំសាន្តផ្សេងៗទេ។ ពលរដ្ឋទាំងឡាយណាដែលរស់នៅតែឯងត្រូវតែចុះឈ្មោះ "ដៃគូជិតស្និទ្ធមួយរូប" របស់គេតាមគេហទំព័រ nsw.gov.au។
ការផាកពិន័យលើអ្នករំលោភលើបទបញ្ជាសុខាភិបាលសាធារណៈត្រូវបានបង្កើនដល់ $5,000។
រដ្ឋវិកថូរៀ
រដ្ឋវិកថូរៀមានការឆ្លងថ្មីចំនួន 21ករណី ដែលក្នុងនោះបីករណីមិនពាក់ព័ន្ធនឹងការឆ្លងមុនៗទេ ហើយ 10ករណីស្ថិតនៅក្នុងសហគមន៍ និងមានលទ្ធភាពចម្លងទៅអ្នកផ្សេង។
មណ្ឌលលក់ទំនិញ Chadstone នៅទីក្រុងម៉ែលប៊ិនត្រូវបានប្រកាសថាជាទីតាំងដែលអ្នកវិជ្ជមានបានទៅកាន់។ មកទល់ពេលនេះមានទីតាំងជាង 450 ទីតាំងហើយ ដែលមានអ្នកមានមេរោគបានទៅកាន់នៅក្រុងម៉ែលប៊ិន រួមមានមណ្ឌលលក់ទំនិញ Highpoint និងអគារស្នាក់នៅធំៗមួយចំនួន។
រយៈពេល 24ម៉ោងចុងក្រោយនៅទូទាំងអូស្ត្រាលី
- រដ្ឋឃ្វីនឡែនការឆ្លងថ្មីចំនួន 6ករណីជាប់ពាក់ព័ន្ធនឹងការផ្ទុះការចម្លងពីមុននឹងបានធ្វើចត្តាឡីស័កអំឡុងពេលមានសមត្ថភាពចម្លងទៅអ្នកផ្សេង
- រដ្ឋធានីខេនបេរ៉ាមានការឆ្លងថ្មីមួយករណី ដែលធ្វើឲ្យករណីសកម្មក្នុងរដ្ឋនេះកើនឡើងដល់ 7ករណី។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
