បច្ចុប្បន្នភាពកូវិដ-19៖ អាជ្ញាធរជំរុញពលរដ្ឋភាគខាងជើងទៅខាងត្បូងនៃតំបន់ជនបទរដ្ឋញូសៅវ៉េលទៅធ្វើតេស្ត ខណៈរដ្ឋវិកថូរៀមានកំណត់ត្រាថ្មីនៃការឆ្លងកូវិដច្រើនបំផុត

នេះគឺជាបច្ចុប្បន្នភាពកូវិដ-19របស់លោកអ្នក សម្រាប់ថ្ងៃសៅរ៍ ទី25 ខែកញ្ញា ឆ្នាំ 2021។

People are seen arriving at the South Western Sydney Vaccination Centre, at Macquarie Fields, Sydney, Friday, September 24, 2021. Source: AAP Image/Dan Himbrechts

អាជ្ញាធររកឃើញបំណែកមេរោគនៅទូទាំងតំបន់ជនបទរដ្ឋញូសៅវ៉េលដែលមិនទាន់មានករណីឆ្លង
បច្ចុប្បន្ននេះរដ្ឋវិកថូរៀមានករណីឆ្លងមិនទាន់ជាសះស្បើយរហូតដល់ 7611ករណី
ដែនដីរដ្ឋធានីខេនបេរ៉ាមានការឆ្លងក្នុងសហគមន៍ថ្មីចំនួន 32ករណី

រដ្ឋញូសៅវ៉េល

រដ្ឋញូសៅវ៉េលមានការឆ្លងថ្មីក្នុងសហគមន៍ចំនួន 1007ករណី ដោយក្នុងនោះករណីឆ្លងថ្មីចំនួន 522 កើតមានឡើងនៅភាគនិរតី និងភាគខាងលិចទីក្រុងស៊ីដនីយ៍។ ក៏មានផងដែរនូវការបាត់បង់ជីវិតចំនួន 11នាក់ ដែលធ្វើឲ្យអ្នកស្លាប់បណ្តាលមកពីការផ្ទុះការឆ្លងបច្ចុប្បន្ននេះកើនដល់ 288នាក់ និងមានស្លាប់សរុប344 នាក់បន្ទាប់ពីមានរោគរាតត្បាតមក។

បំណែកមេរោគត្រូវបានគេរកឃើញនៅក្នុងភាគសំណាកទឹកស្អុយនៃតំបន់ Tamworth នៃភាគពាយ័ព្យរដ្ឋញូសៅវ៉េល តំបន់ Dareton និង Balranald នៅភាគខាងលិចរដ្ឋញូសៅវ៉េល តំបន់ Oberon នៅ Central West និងនៅតំបន់ Dungog នៃ រដ្ឋាភិបាលតំបន់ Hunter និងតំបន់ Eden នៅឆ្នេរភាគខាងត្បូង។

សូមចុចត្រង់នេះដើម្បី កក់ការចាក់វ៉ាក់សាំងបង្ការរបស់អ្នក ថ្ងៃនេះ។

រដ្ឋវិកថូរៀ

រដ្ឋវិកថូរៀមានការឆ្លងថ្មីក្នុងសហគមន៍ចំនួន 847ករណី ដោយករណីឆ្លងថ្មី 79ភាគរយកើតមានឡើងលើពលរដ្ឋមានអាយុក្រោម 50ឆ្នាំ និងមានស្លាប់មួយករណី។

ពលរដ្ឋរស់នៅក្រុងម៉ែលប៊ិនត្រូវតែរង់ចាំយូរជាងអ្វីដែលបានរំពឹងទុកមុនពេលមានការបន្ធូបន្ថយការរឹតបន្តឹង ដោយរដ្ឋនេះមិនអាចសម្រេចបានគោលដៅក្នុងផែនទីបង្ហាញផ្លូវរបស់ខ្លួនក្នុងចាក់វ៉ាក់សាំងដែលបានកំណត់ទុកនៅចុងសប្តាហ៍នេះ។ រដ្ឋនេះនៅខ្វះអត្រាចាក់វ៉ាក់សាំង 3.7% មុននឹងសម្រេចបានអត្រាចាក់ដូសទីមួយបាន 80ភាគរយលើពលរដ្ឋដែលមានអាយុលើស 16ឆ្នាំ។

អាជ្ញាធរជំរុញឲ្យពលរដ្ឋគ្រប់រូបស្នាក់នៅផ្ទះអំឡុងពេលការប្រកួតជើងឯង AFL grand final នៅយប់នេះ។

ស្វែងរក មណ្ឌលចាក់វ៉ាក់សាំង នៅជិតអ្នក។

រយៈពេល២៤ម៉ោងចុងក្រោយនៅអូស្រ្តាលី៖

រដ្ឋឃ្វីនឡែនមានការឆ្លងថ្មីក្នុងសហគមន៍មួយករណីដែលលើពលរដ្ឋកំពុងស្នាក់នៅធ្វើចត្តាឡីស័កតាមផ្ទះ ដែលជាករណីជាប់ពាក់ព័ន្ធនឹងការឆ្លងជាចង្កោមនៅ Sunnybank ដោយអ្នកពាក់ពាន់នឹងការឆ្លងជាចង្កោមនេះចំនួនជាង 2000នាក់ហើយត្រូវធ្វើចត្តាឡីស័ក។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវេ៉ល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិកថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។