នៅថ្ងៃពុធនេះ ប្រទេសអូស្ត្រាលីបានរាយការណ៍ថាមានអ្នកស្លាប់ដោយសារ COVID-19 យ៉ាងហោចណាស់ 32នាក់, រួមទាំង 20នាក់នៅក្នុងរដ្ឋគ្វីនស្លេន និង 11នាក់នៅក្នុងរដ្ឋញូសៅវែល។ រដ្ឋអូស្ត្រាលីខាងលិចក៏បានរាយការណ៍ពីការស្លាប់ជាប្រវត្តិសាស្ត្រចំនួន4ករណីផងដែរ។
រដ្ឋញូសៅវែលបានរាយការណ៍អំពីករណី COVID-19 ប្រចាំថ្ងៃខ្ពស់បំផុតរបស់ខ្លួនគិតចាប់តាំងពីថ្ងៃទី 19ឧសភាមក ដែលមានចំនួន 11,607 ករណី។
ដែនដីរដ្ឋធានីអូស្រ្តាលី (ACT) បានរាយការណ៍ករណីឆ្លងថ្មី 1,458 ករណី- ជាករណីឆ្លងប្រចាំថ្ងៃខ្ពស់បំផុតរបស់ខ្លួនក្នុងពេល4ខែកន្លងមកនេះ។
ពិនិត្យមើលនិន្នាការចុងក្រោយបំផុតនៃកូវីដ-19 សម្រាប់ករណីឆ្លងថ្មី ការសម្រាកព្យាបាលនៅមន្ទីរពេទ្យ និងការស្លាប់នៅក្នុងប្រទេសអូស្ត្រាលីនៅទីនេះ។
រដ្ឋមន្ត្រីក្រសួងសុខាភិបាលលោក Mark Butler បានជំរុញឱ្យប្រជាជនអូស្ត្រាលីដែលមានសិទ្ធិ ទៅចាក់វ៉ាក់សាំងដូស្តជំរុញ ដូស្តទី3 ឬទី4 របស់ពួកគេ នៅពេលដែលការឆ្លងថ្មីនៃ COVID-19 កើនឡើងនៅក្នុងប្រទេស។
លោកបាននិយាយថា ការណែនាំពីក្រសួងសុខាភិបាលគឺថា អ្នកនឹងមិនត្រូវបានការពារយ៉ាងពេញលេញពីវ៉ារ្យ៉ង់ Omicron ទេ លុះត្រាតែអ្នកបានចាក់វ៉ាក់សាំងយ៉ាងហោចណាស់បីដង។
លោក Butler បានជំរុញឲ្យឪពុកម្តាយ យកកូនៗរបស់ពួកគេទៅចាក់វ៉ាក់សាំងបង្ការជំងឺផ្តាសាយធំផងដែរ។ លោកបាននិយាយថា ស្ទើរតែ 60 ភាគរយនៃមនុស្សដែលបានចូលព្យាបាលក្នុងមន្ទីរពេទ្យ ដែលមានជំងឺទាក់ទងនឹងជំងឺផ្តាសាយធំ គឺជាកុមារដែលមានអាយុ 16 ឆ្នាំចុះ។
ការសិក្សាថ្មីមួយបានបង្ហាញថា មនុស្សដែលមានហានិភ័យខ្ពស់ក្នុងការវិវត្តន៍ទៅរកជំងឺកូវីដរយៈពេលយូរ (Long COVID) គឺស្ថិតនៅក្នុងក្រុមអាយុ 45–54ឆ្នាំ និង 55–69ឆ្នាំ។
ការសិក្សារបស់ចក្រភពអង់គ្លេសដែលបានចេញផ្សាយនៅក្នុងទស្សនាវដ្តី Nature Communications បានកត់សម្គាល់ថា ស្ត្រីមានហានិភ័យខ្ពស់ក្នុងការវិវត្តទៅជារោគសញ្ញាLong COVID ជាងបុរស។
រដ្ឋអូស្ត្រាលីខាងត្បូងនឹងបិទកន្លែងចាក់វ៉ាក់សាំង COVID-19 មួយចំនួន ក្នុងរយៈពេលពីរសប្តាហ៍ខាងមុខ។ មានការណែនាំឲ្យប្រជាជនចូលមើលគេហទំព័រផ្លូវការរបស់ SA Health មុនពេលទៅកាន់គ្លីនីក។
រដ្ឋវិចថូរៀបានពន្យាពេលថ្ងៃផុតកំណត់សម្រាប់ការចាក់វ៉ាក់សាំងបង្ការគ្រុនផ្តាសាយធំដោយឥតគិតថ្លៃ ពីថ្ងៃទី 30 ខែមិថុនាដល់ថ្ងៃទី 10 ខែកក្កដា។ ប្រជាជនរដ្ឋថាសម៉ាញៀអាចទទួលបានការចាក់ថ្នាំបង្ការជំងឺផ្តាសាយដោយឥតគិតថ្លៃ រហូតដល់ថ្ងៃទី 6 ខែកក្កដា។
ចូលអានអំពីវ៉ាក់សាំងកូវីដ-១៩ជាភាសាខ្មែរ។
ស្វែងរកគ្លីនីកធ្វើតេស្តកូវីដ-១៩
ACT New South Wales Northern Territory Queensland
South Australia Tasmania Victoria Western Australia
ចុះបញ្ជីលទ្ធផលតេស្តរហ័ស (RAT) របស់អ្នកនៅទីនេះ ប្រសិនបើអ្នកទទួលបានលទ្ធផលវិជ្ជមាន
ACT New South Wales Northern Territory Queensland
South Australia Tasmania Victoria Western Australia
ស្វែងរក អ្វីដែលអ្នកអាចធ្វើបាន និងមិនអាចធ្វើបាន នៅគ្រប់ទីកន្លែងក្នុងប្រទេសអូស្រ្តាលី។
មុនពេលអ្នកធ្វើដំណើរចេញទៅក្រៅប្រទេស ចូរពិនិត្យតម្រូវការធ្វើដំណើរនិងដំបូន្មានចុងក្រោយគេបង្អស់។
ប្រសិនបើអ្នកត្រូវការជំនួយហិរញ្ញវត្ថុ ចូរពិនិត្យមើលអ្វីជាជម្រើសរបស់អ្នក។
នេះគឺជាជំនួយខ្លះៗក្នុងការស្វែងយល់ពីវគ្គសព្ទនៃកូវីដ-១៩ជាភាសារបស់លោកអ្នក។
អានព័ត៌មានអំពីកូវីដ-១៩ទាំងអស់ជាភាសារបស់អ្នកនៅលើ SBS Coronavirus portal៕
