នៅថ្ងៃពុធនេះ ប្រទេសអូស្ត្រាលីបានរាយការណ៍ថាមានអ្នកស្លាប់ដោយសារ COVID-19 យ៉ាងហោចណាស់ 57នាក់, រួមទាំង 20នាក់នៅក្នុងរដ្ឋវិចថូរៀ 15នាក់នៅក្នុងរដ្ឋញូសៅវែល និង 12នាក់នៅក្នុងរដ្ឋគ្វីនស្លេន។
រដ្ឋមន្ត្រីក្រសួងសុខាភិបាលលោក Mark Butler នៅលើប៉ុស្តិ៍លេខ 7 បាននិយាយថា វាទំនងជាថា ប្រជាជនអូស្ត្រាលីរាប់លាននាក់អាចឆ្លងមេរោគ COVID-19 នៅប៉ុន្មានសប្តាហ៍ខាងមុខនេះ។ លោកបានជំរុញឲ្យប្រជាពលរដ្ឋពាក់ម៉ាស់មុខនៅកន្លែងដែលមានមនុស្សច្រើនក្នុងអគារ។
លោក Butler បាននិយាយថា លោកមិនបានទទួលដំបូន្មានដែលថា សាលារៀនអាចចូលទៅក្នុងការបិទខ្ទប់នៅក្នុងអំឡុងពេលត្រីមាសទី 3 នេះទេ។
ពិនិត្យមើលនិន្នាការចុងក្រោយបំផុតនៃកូវីដ-19 សម្រាប់ករណីឆ្លងថ្មី ការសម្រាកព្យាបាលនៅមន្ទីរពេទ្យ និងការស្លាប់នៅក្នុងប្រទេសអូស្ត្រាលីនៅទីនេះ។
រដ្ឋាភិបាលសហព័ន្ធនឹងមិនបន្តកម្មវិធីផ្តល់ជូនឧបករណ៍ធ្វើតេស្តរហ័ស COVID-19ដោយឥតគិតថ្លៃដល់អ្នកកាន់ប័ណ្ណសម្បទាន (Concession Card) ហួសពីខែកក្កដា ឆ្នាំ 2022 ទេ។ កម្មវិធីនេះផ្តល់ជូនឧបករណ៍ធ្វើតេស្តឥតគិតថ្លៃរហូតដល់ 5កំប្លេ ជារៀងរាល់ខែ ដល់អ្នកដែលកាន់ប័ណ្ណសម្បទានប្រាក់សោធននិវត្តន៍ ប័ណ្ណថែទាំសុខភាពមនុស្សចាស់របស់ Commonwealth ប័ណ្ណថែទាំសុខភាពដែលមានចំណូលទាប និងប័ណ្ណរបស់នាយកដ្ឋានកិច្ចការអតីតយុទ្ធជន ពណ៌មាស ពណ៌ស ឬពណ៌ទឹកក្រូច។
លោកនាយករដ្ឋមន្ត្រី Anthony Albanese បានស្នើឱ្យម្ចាស់ប័ណ្ណសម្បទានស្តុកទុកឧបករណ៍ RATs ឥតគិតថ្លៃ។ ទោះជាយ៉ាងណាក៏ដោយ ឱសថការី និងវេជ្ជបណ្ឌិតបានជំរុញឱ្យរដ្ឋាភិបាលសហព័ន្ធកុំឱ្យបញ្ចប់កម្មវិធីនេះ ចំពេលមានការកើនឡើងនៃការឆ្លងថ្មី និងការសម្រាកព្យាបាលនៅមន្ទីរពេទ្យ។
នាវាទេសចរណ៍ Coral Princess ដែលកំពុងរងគ្រោះដោយសារ COVID-19 បានចូលចតនៅទីក្រុងស៊ីដនីរយៈពេលមួយថ្ងៃ។ នាវានេះមានអ្នកដំណើរ និងនាវិកវិជ្ជមានកូវីដ-១៩ ចំនួន ១១៨ នាក់នៅលើនាវា។
ក្នុងចំណោមមនុស្សវិជ្ជមាន 118 នាក់ 114 នាក់គឺជានាវិក។ អ្នកដំណើរត្រូវបានអនុញ្ញាតឱ្យចុះពីលើនាវាចូលទៅក្នុងទីក្រុងស៊ីដនី បន្ទាប់ពីពួកគេទទួលបានលទ្ធផលតេស្ត COVID-19 អវិជ្ជមាន។
អង្គការសុខភាពពិភពលោកបានប្រកាសថា កូវីដ-១៩ នៅតែបន្តជាភាពអាសន្នសុខភាពសាធារណៈនៃការព្រួយបារម្ភជាអន្តរជាតិ ឬជំងឺរាតត្បាត បន្ទាប់ពីកិច្ចប្រជុំលើកទី 12 នៃគណៈកម្មាធិការគ្រាអាសន្នរបស់ខ្លួនកាលពីថ្ងៃទី 8 ខែកក្កដា។
រដ្ឋអូស្ត្រាលីខាងត្បូងបានចាប់ផ្តើមបើកគ្លីនិកចាក់វ៉ាក់សាំង COVID-19 ចល័តថ្មីមួយនៅ West Parklands ។ គ្លីនិកនេះផ្តល់វ៉ាក់សាំង Pfizer ដល់អ្នកដែលមានអាយុចាប់ពី 5 ឆ្នាំឡើងទៅ និងដូស្តទី 4 (ដូស្តរដូវរងារ) សម្រាប់មនុស្សដែលមានអាយុចាប់ពី 30 ឆ្នាំឡើងទៅ។
ចូលអានអំពីវ៉ាក់សាំងកូវីដ-១៩ជាភាសាខ្មែរ។
ស្វែងរកគ្លីនីកធ្វើតេស្តកូវីដ-១៩
ACT New South Wales Northern Territory Queensland
South Australia Tasmania Victoria Western Australia
ចុះបញ្ជីលទ្ធផលតេស្តរហ័ស (RAT) របស់អ្នកនៅទីនេះ ប្រសិនបើអ្នកទទួលបានលទ្ធផលវិជ្ជមាន
ACT New South Wales Northern Territory Queensland
South Australia Tasmania Victoria Western Australia
ស្វែងរក អ្វីដែលអ្នកអាចធ្វើបាន និងមិនអាចធ្វើបាន នៅគ្រប់ទីកន្លែងក្នុងប្រទេសអូស្រ្តាលី។
មុនពេលអ្នកធ្វើដំណើរចេញទៅក្រៅប្រទេស ចូរពិនិត្យតម្រូវការធ្វើដំណើរនិងដំបូន្មានចុងក្រោយគេបង្អស់។
ប្រសិនបើអ្នកត្រូវការជំនួយហិរញ្ញវត្ថុ ចូរពិនិត្យមើលអ្វីជាជម្រើសរបស់អ្នក។
នេះគឺជាជំនួយខ្លះៗក្នុងការស្វែងយល់ពីវគ្គសព្ទនៃកូវីដ-១៩ជាភាសារបស់លោកអ្នក។
អានព័ត៌មានអំពីកូវីដ-១៩ទាំងអស់ជាភាសារបស់អ្នកនៅលើ SBS Coronavirus portal៕
