ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។
- នៅភាគខាងជើងរដ្ឋញូសៅវែល មានការជំរុញឲ្យប្រជាជននៅតំបន់ Grafton ទៅធ្វើតេស្ត
- រដ្ឋវិថូរៀបច្ចុប្បន្នមានករណីសកម្ម ៦,៦៦៦ករណី
- ACT ឈានចូលដល់ការបិទខ្ទប់សប្តាហ៍ទី៧
- រដ្ឋគ្វីនស្លេនកត់ត្រាករណីឆ្លងថ្មី១ករណីជាអ្នកកំពុងធ្វើចត្តាឡីស័កក្នុងផ្ទះ
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន១,០៦៣ករណី និងស្លាប់៦នាក់។
តំបន់ Orange និង Glen Innes នឹងចេញផុតពីការបិទខ្ទប់នៅថ្ងៃនេះ ខណៈដែលតំបន់ Narromine នឹងបញ្ចប់ការបិទខ្ទប់នៅថ្ងៃសៅរ៍ ទី២៥ ខែកញ្ញា។
បំណែកវីរុសកូរ៉ូណាត្រូវបានគេរកឃើញនៅក្នុងប៉ាន់គំរូកាកសំណល់ទឹកស្អុយមកពីតំបន់ Grafton ក្នុងតំបន់ភាគខាងជើងរដ្ឋញូសៅវែល ទីដែលមិនមានករណីវិជ្ជមានដែលគេបានដឹង។
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ៧៦៦ករណី ដែលជាតួលេខឆ្លងប្រចាំថ្ងៃខ្ពស់បំផុតនៅក្នុងរដ្ឋនេះចាប់តាំងពីមានការឆ្លងរាតត្បាតមក។ មនុស្ស៤នាក់បានស្លាប់។
គ្រូបង្រៀនជាង ១០០,០០០នាក់នៅក្នុងរដ្ឋនេះ ជាមួយនឹងបុគ្គលិកមើលថែកុមារ Childcare នឹងតម្រូវឲ្យចាក់វ៉ាក់សាំងយ៉ាងហោចណាស់មួយដូស្តឲ្យបានមុនថ្ងៃទី ១៨ ខែតុលា និងត្រូវតែចាក់ឲ្យបានពេញលេញទាំងពីរដូស្តនៅត្រឹមថ្ងៃទី ២៩ ខែវិច្ឆិកា លុះត្រាណាតែពួកគេមានការលើកលែងពិសេសខាងផ្នែកវេជ្ជសាស្រ្ត។
ប្រជាជនរដ្ឋវិចថូរៀដែលបានចាក់វ៉ាក់សាំងពេញលេញរួចហើយ ដែលកំពុងតែជាប់នៅស៊ីដនី នឹងអាចវិលត្រឡប់មកផ្ទះវិញចាប់ពីថ្ងៃទី៣០ ខែកញ្ញា។ ពួកគេត្រូវតែមានលទ្ធផលតេស្តកូវីដ-19អវិជ្ជមានមិនលើសពី៧២ម៉ោងមុនពេលធ្វើដំណើរ និងចំណាយពេល១៤ថ្ងៃធ្វើចត្តាឡីស័ក ដែលពួកគេអាចធ្វើនៅផ្ទះបាន។
ដែនដីរដ្ឋធានីអូស្រ្តាលី (ACT)
ដែនដីនេះបានកត់ត្រាករណីឆ្លងថ្មីនៅក្នុងស្រុកចំនួន ១៦ករណី នាំឲ្យករណីសកម្មសរុបមានចំនួន ៦៧៤ករណី។
អ្នកស្រុកដែលមានអាយុចន្លោះពី ១២និង៥៩ឆ្នាំ អាចទៅចាក់វ៉ាក់សាំង Moderna បាន តាមរយៈឱសថស្ថានក្នុងតំបន់របស់ពួកគេចាប់ពីថ្ងៃនេះទៅ។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖
- រដ្ឋមន្រ្តីក្រសួងទេសចរណ៍សហព័ន្ធ លោក Dan Tehan មានប្រសាសន៍ថា រដ្ឋាភិបាលកំពុងតែត្រៀមប្រព័ន្ធរបស់ខ្លួន មានដូចជាលិខិតឆ្លងដែនវ៉ាក់សាំង ដើម្បីអនុញ្ញាតឲ្យមានការធ្វើដំណើរអន្តរជាតិឡើងវិញ "យូរបំផុតត្រឹមបុណ្យណូអែល"ដោយមិនចាំបាច់ធ្វើចត្តាឡីស័កជាកំហិតនៅក្នុងសណ្ឋាគារ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
