បច្ចុប្បន្នភាពកូវីដ-១៩៖ អ្នកដំណើរឆ្លងរដ្ឋនឹងមិនត្រូវចំណាយប្រាក់សម្រាប់ការធ្វើតេស្តនៅតាមគ្លីនីករបស់រដ្ឋនោះទេ

នេះគឺជាបច្ចុប្បន្នភាពរបស់លោកអ្នក ស្តីពីវីរុសកូរ៉ូណានៅក្នុងប្រទេសអូស្រ្តាលី សម្រាប់ថ្ងៃពុធ ទី២៤ ខែវិច្ឆិកា ឆ្នាំ២០២១។

A woman waits to receive a COVID-19 test in the eastern suburbs of Sydney Tuesday, Sept. 14, 2021. Source: AAP

រដ្ឋមន្រ្តីក្រសួងសុខាភិបាលសហព័ន្ធ លោក Greg Hunt បានបញ្ជាក់អះអាងថា អ្នកដំណើរក្នុងស្រុកមិនត្រូវចំណាយប្រាក់សម្រាប់ការធ្វើតេស្តកូវីដ-១៩នោះទេ ប្រសិនបើពួកគេទៅធ្វើនៅតាមគ្លីនីកដែលចាត់ចែងដោយរដ្ឋ។ កាលពីមុននេះ មានការភ័ន្តច្រឡំថា ចំពោះការធ្វើតេស្តដើម្បីចូលទៅក្នុងរដ្ឋគ្វីនស្លេន អ្នកដំណើរត្រូវចំណាយប្រាក់រហូតដល់ទៅ ១៥០ដុល្លារម្នាក់។

រដ្ឋគ្វីនស្លេន រដ្ឋអូស្រ្តាលីខាងលិច និងរដ្ឋអូស្រ្តាលីខាងត្បូង តម្រូវឲ្យមានការធ្វើតេស្តជាចាំបាច់ដែលត្រូវយកសំណាកពីច្រមុះ និងបំពង់ក ឬ PCR test រហូតដល់ទៅ៧២ម៉ោងមុនពេលចូលមកក្នុងរដ្ឋទាំងនេះ។

ចាប់ពីថ្ងៃទី ១៧ ខែមករា ឆ្នាំក្រោយ ប្រជាជននូវ៉ែលហ្សេឡង់ដែលបានចាក់វ៉ាក់សាំងពេញលេញរួចហើយ និងអ្នកដំណើរដែលមានសិទ្ធិដទៃទៀត នឹងអាចធ្វើដំណើរចូលទៅក្នុងប្រទេសនូវ៉ែលហ្សេឡង់បានដោយមិនចាំបាច់ឆ្លងកាត់ការធ្វើចត្តាឡីស័កនៅក្នុងសណ្ឋាគារទៀតទេ។ អ្នកដំណើរនឹងត្រូវចំណាយពេល៧ថ្ងៃដើម្បីធ្វើចត្តាឡីស័កនៅក្នុងផ្ទះ។

ស្ថិតិឆ្លងថ្មីនៃកូវីដ-១៩៖

ដែនដីភាគខាងជើងបានកត់ត្រាករណីឆ្លងថ្មី ១១ករណី។
រដ្ឋវិចថូរៀបានកត់ត្រាករណីឆ្លងថ្មី ១,១៩៦ ករណី និងស្លាប់ ៣នាក់។
រដ្ឋញូសៅវែលបានកត់ត្រាករណីឆ្លងថ្មី ២៤៨ ករណី និងស្លាប់ ២នាក់ ហើយមិនមានករណីឆ្លងថ្មីនៅរដ្ឋគ្វីនស្លេននោះទេ។

ការធ្វើចត្តាឡីស័កនិងការរឹតបន្តឹងនានានៅតាមរដ្ឋនិមួយៗ៖

ស្វែងរកនូវអ្វីដែលអ្នកអាចធ្វើបាននិងអ្វីដែលអ្នកមិនអាចធ្វើបាននៅក្នុងរដ្ឋឬដែនដីរបស់អ្នក

ការធ្វើដំណើរ៖

ព័ត៌មានសម្រាប់អ្នកធ្វើដំណើរអន្តរជាតិ និងកូវីដ-១៩និង ព័ត៌មាននៃការធ្វើដំណើរជាភាសាផ្សេងក្រៅពីអង់គ្លេស។

ជំនួយហិរញ្ញវត្ថុ៖

មានការផ្លាស់ប្តូរចំពោះប្រាក់ជំនួយគ្រោះមហន្តរាយកូវីដ-19 (COVID-19 Disaster Payment) នៅពេលដែលរដ្ឋនីមួយៗឈានដល់អត្រាចាក់វ៉ាក់សាំងពេញលេញ៧០% និង៨០%។ ការទទួលបាននូវជំនួយក្នុងអំឡុងពេលកូវីដពី Services Australia ជាភាសារបស់អ្នក។

· ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus