បច្ចុប្បន្នភាពកូវិដ-19៖ ការប្រកួតប្រណាំងសេះ Melbourne Cup ទទួលអ្នកទស្សនារហូតដល់ 10000នាក់ ខណៈរដ្ឋញូសៅវ៉េលនឹងបើកទ្វារស្អែកនេះ

នេះគឺជាបច្ចុប្បន្នភាពកូវិដ-19របស់លោកអ្នក សម្រាប់ថ្ងៃទី10 ខែតុលា ឆ្នាំ 2021។

Wafanyakazi waandaa viti nje ya mgahawa mtupu, kwa kufunguliwa tena ndani ya jengo la QVB mjini Sydney. Source: AAP/Dan Himbrechts

ការប្រកួតប្រណាំងសេះ Melbourne Cup នឹងអនុញ្ញាតឲ្យមានអ្នកទស្សនាដែលបានចាក់វ៉ាក់សាំងគ្រប់ដូសចំនួន 10000នាក់ចូលរួម ដែលជាផ្នែកមួយនៃការសាកល្បងក្នុងរដ្ឋវិកថូរៀ
រដ្ឋញូសៅវ៉េលសម្រេចគោលដៅចាក់វ៉ាក់សាំងដូសទីមួយបាន 90% ខណៈដែលរដ្ឋនេះនឹងបើកទ្វារចាប់ពីស្អែកនេះ
មន្ត្រីសុខាភិបាលបីរដ្ឋកំពុងមានការប្រុងប្រយ័ត្នបន្ទាប់ពីបុគ្គលិកបម្រើការងារលើយន្តហោះបានជិះយន្តហោះក្រុមហ៊ុន Virgin Airlines

រដ្ឋវិកថូរៀ

រដ្ឋវិកថូរៀមានការឆ្លងថ្មីកូវិដ-19 ក្នុងសហគមន៍ចំនួន 1890ករណី និងស្លាប់ប្រាំករណី។ ក្នុងចំណោមអ្នកជំងឺកំពុងទទួលការព្យាបាលកូវិដ-19 នៅមន្ទីរពេទ្យចំនួន 602នាក់ មានអ្នកជំងឺតិចជាង 7ភាគរយប៉ុណ្ណោះបានចាក់វ៉ាក់សាំងគ្រប់ដូស។

ការស្រាវជ្រាវរកអ្នកពាក់ព័ន្ធនឹងការឆ្លងនៅទូទាំងរដ្ឋត្រូវបានកាត់បន្ថយដោយផ្តោតការយកចិត្តទុកដាក់តែទៅលើករណីអ្នកឆ្លង និងអ្នកដែលជាប់ពាក់ព័ន្ធសំខាន់ៗលើអ្នកឆ្លងប៉ុណ្ណោះ។

អភិបាលរដ្ឋលោក Daniel Andrews បានប្រកាសពីការរៀបចំព្រឹត្តការណ៍សំខាន់ៗមួយចំនួន ដែលជាផ្នែកមួយនៃការសាកល្បងទ្រង់ទ្រាយធំពីដំណើរការសេដ្ឋកិច្ចរបស់រដ្ឋបន្ទាប់ពីរដ្ឋនេះសម្រេចបានផែនការចាក់វ៉ាក់សាំងគ្រប់ដូសដល់ 80%។

ទីក្រុងម៉ែលប៊ិននឹងរៀបចំការប្រគុំតន្ត្រីផ្សាយផ្ទាល់មួយនៅថ្ងៃទី 30 តុលា នេះ ដោយអនុញ្ញាតឲ្យមានអ្នកទស្សនា "ជាច្រើនពាន់នាក់" ចូលរួម។

ការប្រកួតប្រណាំងសេះ Melbourne Cup នឹងរៀបចំធ្វើនៅថ្ងៃទី 2 ខែវិច្ឆិកា ដោយអនុញ្ញាតឲ្យមានអ្នកទស្សនាដែលបានចាក់វ៉ាក់សាំងគ្រប់ដូសចំនួន 10000នាក់។

ស្វែងរក មណ្ឌលចាក់វ៉ាក់សាំង នៅជិតអ្នក។

រដ្ឋញូសៅវ៉េល

រដ្ឋញូសៅវ៉េលមានការឆ្លងថ្មីក្នុងសហគមន៍ចំនួន 477ករណី និងស្លាប់ 06ករណី។ រដ្ឋនេះសម្រេចបានគោលដៅចាក់វ៉ាក់សាំងមួយដូសបាន 90ភាគរយលើពលរដ្ឋដែលមានអាយុលើសពី 16ឆ្នាំ។ មានពលរដ្ឋដែលមានអាយុលើសពី 16ឆ្នាំចំនួន 72.8 ភាគរយហើយចាក់វ៉ាក់សាំងបានគ្រប់ដូស។

កម្មវិធីតាមដានបំណែកមេរោគតាមប្រព័ន្ធទឹកលូរបស់ក្រសួងសុខាភិបាលរដ្ឋញូសៅវ៉េលបានរកឃើញបំណែកមេរោគនៅក្នុងភាគសំណាកទឹកលូពីសង្កាត់Uralla ដែលស្ថិតនៅក្នុងតំបន់ Hunter New England។

សូមចុចត្រង់នេះដើម្បី កក់ការចាក់វ៉ាក់សាំងបង្ការរបស់អ្នក ថ្ងៃនេះ។

រយៈពេល២៤ម៉ោងចុងក្រោយនៅអូស្រ្តាលី៖

រដ្ឋឃ្វីនឡែនគ្មានការឆ្លងកូវិដ-19 ថ្មីទេ
ដែនដីរដ្ឋធានីខេនបេរ៉ាមានការឆ្លងថ្មីចំនួន 30ករណី ដោយក្នុងនោះ 16ករណីជាការឆ្លងជាប់ពាក់ព័ន្ធនឹងករណីមុនៗ ហើយករណីផ្សេងទៀតកំពុងធ្វើការស៊ើបអង្កេត។
មន្ត្រីសុខាភិបាលនៅក្នុងរដ្ឋចំនួនបីកំពុងមានការប្រុងប្រយ័ត្នបន្ទាប់ពីបុគ្គលិកបម្រើការងារលើយន្តហោះពីរដ្ឋវិកថូរៀ បានឆ្លងជំងឺកូវិដ ហើយបម្រើការងារលើជើងហោះហើរពីទីក្រុងម៉ែលប៊ិន និងក្រុងអាដឺឡែត ទីក្រុង Sydney និង Newcastle ពីថ្ងៃទី 4 ដល់ថ្ងៃទី 6 តុលា ខណៈមានសមត្ថភាពចម្លងទៅអ្នកផ្សេង។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវេ៉ល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិកថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។