បច្ចុប្បន្នភាពកូវិដ-19៖ រដ្ឋ​អូស្ត្រាលី​ភាគ​ខាង​ត្បូង​បដិសេធ​និយម​ន័យ​ថ្មី​នៃ​អ្នក​ប៉ះពាល់ ឬ​នៅ​ជិត​អ្នក​វិជ្ជមានកូវិដ

នេះគឺជាបច្ចុប្បន្នភាពកូវិដ-19 របស់លោកអ្នកសម្រាប់ថ្ងៃសុក្រ 31 ធ្នូ ឆ្នាំ2021

Prime Minister Scott Morrison holds a National Cabinet meeting in Canberra, 30 December

Prime Minister Scott Morrison holds a National Cabinet meeting in Canberra, 30 December. Source: AAP Image/Lukas Coch

  • មេដឹកនាំ​តាម​បណ្តា​រដ្ឋ​បាន​ព្រម​ព្រៀង​គ្នា​លើ​និយម​ន័យនៃ​ពាក្យ "អ្នក​ប៉ះពាល់ ឬ​នៅជិត​ករណីវិជ្ជមាន" ហើយ​បាន​ចូល​ជា​ធរមាន​នៅរដ្ឋ​ញូសៅវ៉េល វិកថូរៀ រដ្ឋ​ធានី​ខេន​បេរ៉ា និង​រដ្ឋឃ្វីនឡែន។
  • រដ្ឋ Tasmania និ​ងអនុវត្ត​តាម​និយម​ន័យ​ថ្មី​នេះ​ចាប់​ពីថ្ងៃ​ស្អែក​នេះ​។ Western Australia និង Northern Territory នឹង​ធ្វើ​ការ​ប្រកាស​ប៉ុន្មាន​ថ្ងៃ​ខាង​មុខ​នេះ ខណៈ South Australia បដិសេធ​និយម​ន័យ​ថ្មី​នេះ។
  • "អ្នក​ប៉ះពាល់ ឬ​នៅក្បែរ​អ្នក​វិជ្ជមាន" ត្រូវ​បាន​ផ្តល់​និយម​ន័យថា​ បុគ្គល​ណា​មួយ​ដែល​បាន​រស់​នៅ ឬ​បាន​ស្ថិត​នៅក្នុង​បរិយាកាស​ដូចរស់​នៅក្នុង​ផ្ទះ ជាមួយ​អ្នក​មាន​វិជ្ជមាន​កូវិដ-19 យ៉ាង​ហោច​ណាស់​រយៈ​ពេល 4ម៉ោង។
  • ផ្ទុយទៅនឹង​ការ​ប្រកាស​កាល​ពីម្សិល​មិញ​នេះ ប្រធាន​មន្ត្រី​សុខាភិបាលរដ្ឋ South Australia មាន​ប្រសាសន៍​ថា​អ្នក​ប៉ះពាល់ ឬ​នៅ​ជិត​អ្នក​វិជ្ជមាន​ក៏​រួម​បញ្ចូល​ផង​ដែរ​នូវ​ជន​ទាំង​ឡាយ​ណា​ដែល​បាន​ចំណាយ​ពេល​លើស​ពី 15នាទីជាមួយ​អ្នក​មាន​វិជ្ជមាន​កូវិដ។
  • តាម​បណ្តា​រដ្ឋ​ភាគ​ច្រើន អ្នក​មាន​វិជ្ជមាន​កូវិដ-19 និ​ងអ្នក​ប៉ះពាល់ ឬ​នៅ​ជិត ត្រូវ​តែ​ធ្វើ​ចត្តាឡីស័ក 7ថ្ងៃ និ​ងធ្វើ​តេស្ត​រហ័ស​នៅថ្ងៃ​ទី 6។ នៅ​ South Australia រយៈ​ពេល​ធ្វើ​ចត្តាឡីស័ក​មាន​ 10ថ្ងៃ។
  • រដ្ឋ Tasmania នឹង​ឈប់​តម្រូវ​ឲ្យ​អ្នក​ធ្វើ​ដំណើរ​ឆ្លង​កាត់​រដ្ឋ​ធ្វើ​តេស្ត​រក​កូវិដ​ដោយ​ម៉ាស៊ីន​ធំ​ PCR ទៀត​ហើយ ចាប់​ពីថ្ងៃទី​1 មករា​ ស្អែក​នេះ។
  • កុមារ​វ័យក្រោម​ ២ឆ្នាំមួយរូបដែល ឆ្លង​កូវិដ-19 បាន​ស្លាប់​នៅ South Australia ទោះបីជា​មូល​ហេតុ​ពិត​ប្រាកដ​បណ្តាល​ឲ្យ​កុមារ​នេះ​ស្លាប់​មិន​ទាន់​បាន​កំណត់​ជាក់​ច្បាស់​ក៏​ដោយ។
  • ប្រទេស​អូស្ត្រាល​សម្រេច​បាន​គោល​ដៅ​ថ្មី​មួយ​ទៀត​ដោយ​ពលរដ្ឋ​មាន​អាយុលើស​ពី 16 ចំនួន 90% នៅទូទាំង​ប្រទេស​បាន​ចាក់​វ៉ាក់សាំង​បង្ការ​កូវិដ-19 បាន​ពីរ​ដូស​រួច​រាល់​ហើយ។
  • តម្លៃ​ឧបករណ៍​ធ្វើ​តេស្ត​រហ័ស​រក​កូវិដ-19 កើន​ឡើង​ខ្ពស់​ខណៈ​ការ​ផ្គត់​ផ្គង់​មាន​កា​រធ្លាក់​ចុះ ដោយ​មា​នសេចក្តី​រាយការណ៍​មក​ថា​ឱសថ​ស្ថាន​មួយ​កន្លែង​នៅ​ទីក្រុង​ស៊ីដនីយ៍​លក់​ក្នុង​តម្លៃ 25ដុល្លារ​សម្រាប់​ឧបករណ៍​ធ្វើ​តេស្ត​មួយ​លើក។

ស្តិតិកូវិដ-19

រដ្ឋ​ញូសៅវ៉េល​មាន​ការឆ្លង​កូវិដ-19 ថ្មី​ចំនួន 21151 ករណី និង​ស្លាប់ 6នាក់ ខណៈ​រដ្ឋ​វិកថូរៀមាន​ឆ្លង​ថ្មី​ចំនួន 5919 ករណី និង​ស្លាប់ 7នាក់។ រដ្ឋ​ឃ្វីន​ឡែន​មាន​ឆ្លង​ថ្មី​ចំនួន 3118 ករណី និង​រដ្ឋ​ Tasmania មាន​ការ​ឆ្លង​ថ្មី​ចំនួន 137 ករណី។

សម្រាប់​វិធានការណ៍​ផ្សេងៗ​ដែល​មាន​ជាធរមាន​ដើម្បី​ឆ្លើយ​តប​នឹង​រោគ​រាត​ត្បាត​កូវិដ-19 ជាភាសា​របស់​អ្នក​ សូម​មើល https://www.sbs.com.au/language/coronavirus

Share

Published


Share this with family and friends


Follow SBS Khmer

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Khmer-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service