បច្ចុប្បន្នភាពកូវីដ-១៩៖ កំណត់ត្រាករណីឆ្លងប្រចាំថ្ងៃខ្ពស់នៅរដ្ឋញូសៅវែល ខណៈថ្នាំវ៉ាក់សាំង Moderna ទទួលបានការអនុម័តជាបណ្តោះអាសន្ន

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ថ្ងៃអង្គារ ទី១០ ខែសីហា ឆ្នាំ២០២១។

Watu wakufanya usafi waingia ndani ya shule ya umma ya Bondi Beach, Bondi, Sydney, Jumanne, 10 Agosti, 2021 Source: AAP Image/Dan Himbrechts

រដ្ឋមន្រ្តីទីមួយនិយាយថាការអនុវត្តន៍មិនបានខ្ជាប់ខ្ជួនធ្វើឲ្យករណីឆ្លងនៅរដ្ឋញូសៅវែលកើនឡើង
ប្រជាជនរដ្ឋវិចថូរៀជាច្រើនទៅចាក់ថ្នាំវ៉ាក់សាំងបង្ការកូវិដ-១៩
ករណីឆ្លងថ្មីនៅក្នុងរដ្ឋគ្វីនស្លេនទាំងអស់សុទ្ធតែធ្វើចត្តាឡីស័កក្នុងអំឡុងពេលឆ្លង។
រដ្ឋបាលទំនិញព្យាបាល TGA បានអនុម័តជាបណ្តោះអាសន្នចំពោះថ្នាំវ៉ាក់សាំងបង្ការកូវីដ-១៩ Moderna

រដ្ឋញូសៅវែល

រដ្ឋញូសៅវែលបានកត់ត្រាករណីឆ្លងថ្មីក្នុងស្រុកចំនួន ៣៥៦ករណី ដែលក្នុងនោះ មួយភាគបីស្ថិតនៅក្នុងសហគមន៍ក្នុងអំឡុងពេលឆ្លង។ មនុស្សចាស់៣នាក់ទៀតដែលមិនបានចាក់វ៉ាក់សាំងបានស្លាប់ នាំឲ្យចំនួនមនុស្សស្លាប់ដែលពាក់ព័ន្ធនឹងកូវីដ-១៩ចំពោះការផ្ទុះឡើងនាពេលបច្ចុប្បន្ននេះបានកើនឡើងដល់៣២នាក់ហើយ។

តំបន់ Byron Shire, Richmond Valley, Lismore និង Ballina Shire ឥឡូវនេះស្ថិតក្រោមការបិទខ្ទប់រហូតដល់ម៉ោង 12និង01នាទីអធ្រាត្រឆ្លងចូលថ្ងៃអង្គារទី១៧ ខែសីហា។

លោកស្រីរដ្ឋមន្រ្តីទីមួយ Gladys Berejiklian មានប្រសាសន៍ថា ការមិនអនុវត្តន៍តាមបទបញ្ជាសុខភាពសាធារណៈឲ្យបានត្រឹមត្រូវ នៅតែជាមូលហេតុចំបងនៃការចម្លងរាលដាលនៃវីរុសនេះ ហើយជំរុញឲ្យគ្រប់គ្នាទៅចាក់វ៉ាក់សាំង។

ស្វែងរកនៅទីនេះចំពោះ បញ្ជីឈ្មោះគ្លីនីកចាក់វ៉ាក់សាំង។

រដ្ឋវិចថូរៀ

រដ្ឋវិចថូរៀបានកត់ត្រាករណីឆ្លងថ្មីក្នុងស្រុកចំនួន ២០ករណី ដែលមានទំនាក់ទំនងទៅនឹងករណីដែលមានស្រាប់ ហើយមានតែ៥នាក់ប៉ុណ្ណោះដែលបានឃុំខ្លួនឯងក្នុងអំឡុងពេលឆ្លង។

រដ្ឋមន្រ្តីក្រសួងសុខាភិបាល លោក Martin Foley មានប្រសាសន៍ថា មានការណាត់ជួបទៅចាក់វ៉ាក់សាំងជាង ៣៣៣,០០០ នាក់បានកក់ទុករហូតដល់ខែក្រោយ។

អ្នកស្រុកនៅម៉ែលប៊នដែលធ្វើដំណើរទៅកាន់តំបន់ជនបទនៃរដ្ឋវិចថូរៀប្រឈមនឹងការផាកពិន័យរហូតដល់ទៅ ៥០០០ដុល្លារ ខណៈដែលមានមន្រ្តីប៉ូលិសប្រមាណជា២០០នាក់ បានដាក់ពង្រាយនៅតាមផ្លូវធំៗនិងផ្លូវក្រោយនៅទូទាំងរដ្ឋ។

ស្វែងរកនៅទីនេះសម្រាប់បញ្ជីឈ្មោះមណ្ឌលចាក់វ៉ាក់សាំង។

រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖

រដ្ឋគ្វីនស្លេនបានកត់ត្រាករណីឆ្លងថ្មីក្នុងស្រុក៣ករណី។ ស្វែងរកនៅទីនេះសម្រាប់ការរឹតបន្តឹងនានាដែលមាននៅប៉ែកអាគ្នេយ៍នៃរដ្ឋគ្វីនស្លេន។
រដ្ឋាភិបាលអូស្រ្តាលីធានាបានថ្នាំវ៉ាក់សាំងបង្ការកូវីដ-១៩របស់ក្រុមហ៊ុន Moderna ចំនួន ២៥លានដូស្ត ដែលក្នុងនោះ គេរំពឹងថា ១០លានដូស្តនឹងមកដល់នៅមុនដំណាច់ឆ្នាំ២០២១។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។