បច្ចុប្បន្នភាពកូវីដ-១៩៖ មិនមានការផ្លាស់ប្តូរពេលវេលាក្នុងការចាក់វ៉ាក់សាំងដូស្តជំរុញ ខណៈដែលរដ្ឋញូសៅវែលសង្ស័យករណីឆ្លងអូមីក្រុងដំបូងគេក្នុងសហគមន៍

នេះគឺជាបច្ចុប្បន្នភាពរបស់លោកអ្នក ស្តីពីវីរុសកូរ៉ូណានៅក្នុងប្រទេសអូស្រ្តាលី សម្រាប់ថ្ងៃសុក្រ ទី៣ ខែធ្នូ ឆ្នាំ២០២១។

NSW Premier Dominic Perrottet says the restrictions in the state will ease as planned despite the recent spike in infections. Source: AAP

ករណីថ្មីមួយនៃការឆ្លងវ៉ារ្យង់ Omicron ក្នុងរដ្ឋញូសៅវែល ត្រូវបានគេសង្ស័យថាជាករណីឆ្លងនៅក្នុងសហគមន៍ដំបូងគេនៅក្នុងប្រទេសអូស្រ្តាលី។
ដែនដីភាគខាងជើងបានកត់ត្រាករណីស្លាប់ដំបូងគេនៃកូវីដ-១៩របស់ខ្លួន ដែលជាជនជាតិដើមភាគតិចវ័យ៧០ឆ្នាំប្លាយ ដែលមិនបានចាក់វ៉ាក់សាំង។ ដែនដីភាគខាងជើងគឺជាដែនដីតែមួយគត់នៅក្នុងប្រទេសអូស្រ្តាលីដែលមិនមានមនុស្សស្លាប់ពាក់ព័ន្ធនឹងកូវីដរហូតមកទល់នឹងពេលនេះ។
រដ្ឋមន្រ្តីក្រសួងសុខាភិបាលសហព័ន្ធបានប្រកាសថា ផែនការបើកឡើងវិញថ្នាក់ជាតិនៅតែមិនផ្លាស់ប្តូរទេ។
បណ្តាមេដឹកនាំសហគមន៍អាហ្វ្រិកអូស្រ្តាលីបានរិះគន់សេចក្តីសម្រេចរបស់រដ្ឋាភិបាលក្នុងការដាក់ចេញនូវបម្រាមហាមឃាត់ការធ្វើដំណើរពីប្រទេសអាហ្វ្រិកចំនួន៩ប្រទេស បន្ទាប់ពីមានការលេចឡើងនូវវ៉ារ្យង់អូមីក្រុង។
រដ្ឋអូស្រ្តាលីខាងលិចបានហាមឃាត់អ្នកដំណើរមកពីរដ្ឋអូស្រ្តាលីខាងត្បូង បន្ទាប់ពីបានដំឡើងចំណាត់ថ្នាក់ហានិភ័យនៃវីរុសកូរ៉ូណារបស់រដ្ឋដទៃពីកម្រិត "ទាប" ទៅ "មធ្យម"។
ក្រុមអ្នកជំនាញថ្នាំវ៉ាក់សាំងថ្នាក់ជាតិ ATAGI បាននិយាយថា មិនមានការផ្លាស់ប្តូរនៅក្នុងពេលវេលានៃការចាក់វ៉ាក់សាំងដូស្តជំរុញនោះទេ។
រដ្ឋាភិបាលសហព័ន្ធបានប្រកាសប្រាក់ជំនួយបន្ថែម ៥៤០លានដុល្លារ សម្រាប់វិធានការបង្ការកូវីដ។
រដ្ឋថាសម៉ាញៀផ្លាស់ប្តូរច្បាប់ទម្លាប់លើការធ្វើដំណើររបស់ខ្លួនចាប់ពីថ្ងៃទី ១៥ ខែធ្នូ។

ស្ថិតិឆ្លងថ្មីនៃកូវីដ-១៩៖

រដ្ឋវិចថូរៀបានកត់ត្រាករណីឆ្លងថ្មី១,១៨៨ករណី និងស្លាប់១១នាក់។ រដ្ឋញូសៅវែលកត់ត្រា ៣៣៧ករណី។ ACTកត់ត្រា ៤ករណី និង ២ករណីនៅដែនដីភាគខាងជើង។

សម្រាប់វិធានការដែលមាននាពេលបច្ចុប្បន្ន ដើម្បីឆ្លើយតបទៅនឹងការឆ្លងរាលដាលនៃកូវីដ-១៩ ជាភាសារបស់លោកអ្នក សូមចូលមើលនៅទីនេះ។

ការធ្វើចត្តាឡីស័កនិងការរឹតបន្តឹងនានានៅតាមរដ្ឋនិមួយៗ៖

ស្វែងរកនូវអ្វីដែលអ្នកអាចធ្វើបាន និងអ្វីដែលអ្នកមិនអាចធ្វើបាននៅក្នុងរដ្ឋឬដែនដីរបស់អ្នក

ការធ្វើដំណើរ៖

ព័ត៌មានសម្រាប់អ្នកធ្វើដំណើរអន្តរជាតិ និងកូវីដ-១៩ និង ព័ត៌មាននៃការធ្វើដំណើរជាភាសាផ្សេងក្រៅពីអង់គ្លេស។

ជំនួយហិរញ្ញវត្ថុ៖

មានការផ្លាស់ប្តូរចំពោះប្រាក់ជំនួយគ្រោះមហន្តរាយកូវីដ-19 (COVID-19 Disaster Payment) នៅពេលដែលរដ្ឋនីមួយៗឈានដល់អត្រាចាក់វ៉ាក់សាំងពេញលេញ ៧០% និង ៨០%។ ការទទួលបាននូវជំនួយក្នុងអំឡុងពេលកូវីដពី Services Australia ជាភាសារបស់អ្នក។

· ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
· ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus

ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania