- អ្នកជំងឺនៅក្នុងបន្ទប់ ICU ក្នុងរដ្ឋញូសៅវែលភាគច្រើនមិនបានចាក់វ៉ាក់សាំង។
- ករណីឆ្លងថ្មីនៅក្នុងរដ្ឋវិចថូរៀស្ថិតនៅក្នុងសហគមន៍ក្នុងអំឡុងពេលឆ្លង។
- ឱសថស្ថានជាង៣០០កន្លែងចូលរួមនៅក្នុងកម្មវិធីចាក់វ៉ាក់សាំងរបស់រដ្ឋគ្វីនស្លេន។
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៃកូវីដ-១៩ក្នុងស្រុកចំនួន ២៩២ ករណី ហើយយ៉ាងហោចណាស់ ៤៨ ករណីបានស្ថិតនៅក្នុងសហគមន៍ក្នុងអំឡុងពេលឆ្លង។ មានករណីស្លាប់ម្នាក់ទៀតត្រូវបានកត់ត្រានៅថ្ងៃនេះ គឺជាស្ត្រីវ័យ៦០ឆ្នាំបា្លយម្នាក់មកពីភាគនិរតីនៃទីក្រុងស៊ីដនី ដែលមិនបានចាក់វ៉ាក់សាំង។
រដ្ឋមន្រ្តីទីមួយ លោកស្រី Gladys Berejiklian ប្រកាសថានឹងមានវត្តមានប៉ូលិសកាន់តែច្រើននៅក្នុងតំបន់ Canterbury-Bankstown ដើម្បីធានាឲ្យបានថាប្រជាជនគោរពតាមបទបញ្ជាសុខភាពសាធារណៈ ជាទីដែលមានការកើនឡើងយ៉ាងខ្លាំងនៃតួលេខឆ្លងគួរឲ្យកត់សម្គាល់។
ប្រធានមន្រ្តីសុខាភិបាល Doctor Kerry Chant មានប្រសាសន៍ថា ក្នុងចំណោមអ្នកដែលស្ថិតនៅក្នុងបន្ទប់ICU ទាំងអស់៥០នាក់នោះ មាន ៤៤ នាក់ហើយដែលមិនបានចាក់វ៉ាក់សាំង ខណៈដែល ៦នាក់ទៀតចាក់បានមួយដូស្ត។
អាជ្ញាធររដ្ឋញូសៅវែលអង្វរកឲ្យអ្នករាល់គ្នាទៅចាក់វ៉ាក់សាំង។ ស្វែងរកនៅទីនេះចំពោះ បញ្ជីឈ្មោះគ្លីនីកចាក់វ៉ាក់សាំង។
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីនៅក្នងុស្រុកចំនួន ៦ ករណី ដែលក្នុងនោះ ២ករណីត្រូវបានប្រកាសកាលពីថ្ងៃទី ៥ សីហាម្សិលមិញរួចហើយ។
ករណីថ្មីទាំងអស់នេះសុទ្ធតែមានទំនាក់ទំនងទៅនឹងករណីអំបូរ Delta ដែលបានរាយការណ៍ពីមុនរួចហើយ ប៉ុន្តែមិនមាននរណាម្នាក់បានផ្តាច់ខ្លួនឯងចេញឆ្ងាយពីគេក្នុងអំឡុងពេលឆ្លងនោះទេ។
ការបិទខ្ទប់កាលពីម្សិលមិញបង្ករឡើងដោយការឆ្លង២ក្រុមផ្សេងគ្នា គឺចង្កោម Hobsons Bay និង Maribyrnong។
រដ្ឋគ្វីនស្លេន
រដ្ឋឃ្វីនឡែនបានកត់ត្រាករណីឆ្លងថ្មីក្នុងស្រុកចំនួន ១០ករណី ដែលករណីទាំងអស់ទាក់ទងទៅនឹងចង្កោមដែលគេដឹងរួចទៅហើយ។
ឱសថស្ថានជាង ៣៣០កន្លែងក្នុងសហគមន៍បានចូលរួមធ្វើការចាក់ វ៉ាក់សាំងបង្ការកូវីដ-១៩ ជូនដល់អ្នកស្រុកក្នុងរដ្ឋគ្វីនស្លេន។
ប្រធានមន្រ្តីសុខាភិបាល Dr. Janette Young មានប្រសាសន៍ថា វានៅឆាប់ពេកក្នុងការនិយាយថាតើការបិទខ្ទប់នៅភាគអាគ្នេយ៍រដ្ឋគ្វីនស្លេននេះ នឹងត្រូវបញ្ចប់នៅថ្ងៃទី៨ ខែសីហានេះឬក៏យ៉ាងណានោះ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
