- រដ្ឋញូសៅវែលបានពង្រីកបញ្ជីបុគ្គលិកកម្មករដែលត្រូវបានអនុញ្ញាតឱ្យចាកចេញពី Fairfield, Canterbury-Bankstown និង Liverpool
- បញ្ជីឈ្មោះទីកន្លែងប៉ះពាល់កូវីដ-១៩ក្នុងរដ្ឋវិចថូរៀបន្តកើនឡើង
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៃវីរុសកូរ៉ូណានៅក្នុងស្រុកចំនួន ១០៥ ករណី។ ៦៦ ករណីត្រូវបានផ្សារភ្ជាប់ទៅនឹងចង្កោមដែលគេស្គាល់ប្រភពរួចទៅហើយ ប៉ុន្តែ ៣៩ ករណីទៀត កំពុងស្ថិតក្រោមការស៊ើបអង្កេតនៅឡើយ។ ស្ត្រីម្នាក់វ័យ ៩០ ឆ្នាំប្លាយ បានស្លាប់នៅភាគអាគ្នេយ៍ក្រុងស៊ីដនី។
អ្នកស្រុករស់នៅក្នុងតំបន់រដ្ឋាភិបាល Fairfield, Canterbury-Bankstown និង Liverpool មិនត្រូវបានអនុញ្ញាតឱ្យចាកចេញពីតំបន់ទាំងនោះទេ លើកលែងតែ ពួកគេធ្វើការនៅខាងផ្នែកថែទាំសុខភាព សេវាសង្គ្រោះបន្ទាន់ ឬផ្សារទំនើប ហាងលក់ស្រា តូបលក់កាសែត news agency ហាងលក់ចំណីសត្វ ហាងលក់ឧបករណ៍ការិយាល័យ និងគ្រឿងលំអរសួនច្បារ។
ចាប់ពីម៉ោង ១២ និង០១នាទី ព្រឹកថ្ងៃច័ន្ទទី ១៩ ខែកក្កដា រាល់ការងារសំណង់ និងការថែទាំដែលមិនបន្ទាន់ រាប់បញ្ចូលទាំង សេវាកម្មបោសសំអាត និងការងារជួសជុលនៅតាមលំនៅដ្ឋាន នឹងត្រូវផ្អាក។
គេរំពឹងថា ការដាក់កំហិតនេះនឹងជះឥទ្ធិពលដល់កម្មករសំណង់រហូតដល់ទៅ ៥០ ម៉ឺននាក់នៅក្នុងរដ្ឋញូសៅវែល។
ស្វែងរកនៅទីនេះចំពោះ ទីតាំងនៃករណីទាំងនេះ នៅក្នុងបញ្ជីឈ្មោះឬនៅក្នុងផែនទី។ ការបិទខ្ទប់ (Lockdown)នាពេលបច្ចុប្បន្ននេះនឹងបន្តរហូតដល់ ម៉ោង១១និង៥៩នាទីយប់ ថ្ងៃសុក្រ ទី៣០ ខែកក្កដា។
រដ្ឋវិចថូរៀ
រដ្ឋវិចថូរៀមានកំណត់ត្រាករណីឆ្លងថ្មីនៃវីរុសកូរ៉ូណាក្នុងស្រុកចំនួន ១៦ករណី និងមកពីបរទេសចំនួន២ករណី។ ចំនួនករណីសកម្មសរុបនៅក្នុងរដ្ឋវិចថូរៀមានចំនួន ៧០ករណី។
ឥឡូវនេះមានកន្លែងប៉ះពាល់ជាង២១៥កន្លែងហើយ។ កន្លែងថ្មីៗចុងក្រោយបំផុតនោះ គឺនៅក្នុងតំបន់ Altona Meadows, Kew និងត្រាហ្គានីណា Truganina. អ្នកស្រុកនៅតំបន់ Phillip Island ភាគអាគ្នេយ៍ក្រុង Melbourne កំពុងតែត្រូវបានគេជំរុញឲ្យទៅធ្វើតេស្ត។ ស្វែងរកនៅទីនេះចំពោះ ទីតាំងនៃករណីទាំងនេះ នៅក្នុងបញ្ជីឈ្មោះឬនៅក្នុងផែនទី។ការបិទខ្ទប់ (Lockdown)លើកទី៥នេះ នឹងមានរហូតដល់ម៉ោង១១និង៥៩នាទីយប់ថ្ងៃអង្គារទី២០ខែកក្កដា។
រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី
- ដែនដីរដ្ឋធានីអូស្រ្តាលី ACT និងរដ្ឋគ្វីនស្លេន មានកំណត់ត្រាឆ្លងក្នុងសហគមន៍សូន្យករណីមួយថ្ងៃទៀតហើយ។
- នៅក្នុងរដ្ឋអូស្រ្តាលីខាងត្បូង ថ្នាំវ៉ាក់សាំងប្រមាណមួយសែនដូស ត្រូវបានចាក់ជូនប្រជាជននៅ Adelaide Showground ក្នុងតំបន់ Wayville។
- រដ្ឋថាសម៉ាញៀបិទព្រំដែនចំពោះរដ្ឋញូសៅវែលទាំងមូល។
ពិធីបុណ្យសាសនាឥស្លាម Eid al Adha នឹងចាប់ផ្តើមនៅថ្ងៃចន្ទ ទី១៩ ខែកក្កដានេះ។ វាមានសារៈសំខាន់ណាស់ក្នុងការការពារខ្លួនអ្នក និងអ្នកដទៃក្នុងពេលប្រារព្ធពិធីបុណ្យនេះដោយ៖
- ជ្រើសរើសធ្វើការបន់ស្រន់នៅផ្ទះ
- លុបចោលការជួបជុំធំៗ
- ពាក់ម៉ាស្ករបស់អ្នក
- ប្រើប្រាស់កម្រាលសម្រាប់អធិដ្ឋានផ្ទាល់ខ្លួន
ជំនឿមិនពិតនៃកូវីដ-១៩៖
យុវជនក្មេងៗដែលមានសុខភាពល្អ មិនរងផលប៉ះពាល់ដោយសារកូវីដ-១៩ នោះទេ។ វាបង្ករមហន្តរាយនិងសម្លាប់តែមនុស្សចាស់ ឬអ្នកជំងឺតែប៉ុណ្ណោះ។
ការពិតនៃកូវីដ-១៩៖
វីរុសនេះជះឥទ្ធិពលធ្ងន់ធ្ងរជាង ចំពោះមនុស្សវ័យចំណាស់ និងអ្នកដែលមានជំងឺ ប៉ុន្តែវាក៏បង្កមហន្តរាយនិងសម្លាប់យុវជនក្មេងៗដែលមានសុខភាពល្អមួយចំនួនផងដែរ។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័កនិងការធ្វើតេស្តត្រូវបានគ្រប់គ្រងនិងអនុវត្តដោយរដ្ឋាភិបាលថ្នាក់រដ្ឋនិងដែនដី៖
ប្រសិនបើអ្នកចង់ធ្វើដំណើរទៅបរទេសអ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាលនិងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសាមាននៅលើ sbs.com.au/coronavirus
- ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania.
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
