ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។
- រដ្ឋញូសៅវែលបង្ហាញផែនទីចាកចេញពីការបិទខ្ទប់៣ដំណាក់កាល
- រដ្ឋវិចថូរៀប្រកាសប្រាក់ជំនួយដល់វេជ្ជបណ្ឌិតពិនិត្យជំងឺទូទៅនិងឳសថស្ថាន ដើម្បីបង្កើនកិច្ចខំប្រឹងប្រែងចាក់វ៉ាក់សាំង
- ACT កត់ត្រាករណីស្លាប់ជាលើកដំបូងដែលពាក់ព័ន្ធនឹងការផ្ទុះឡើងនៃកូវីដ-១៩នាពេលបច្ចុប្បន្ន
រដ្ឋញូសៅវែល
រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ៧៨៧ករណី និងស្លាប់១២នាក់។
អាងហែលទឹកនៅទីវាលខាងក្រៅត្រូវបានអនុញ្ញាតឲ្យបើកដំណើរការឡើងវិញ ហើយការដ្ឋានសាងសង់ឥឡូវនេះអាចវិលត្រឡប់ទៅលទ្ធភាព១០០%វិញក្រោមផែនការសុវត្ថិភាពកូវីដ។
លោកស្រីអភិបាលរដ្ឋ Gladys Berejiklian បានអះអាងថាការរឹតបន្តឹងនឹងត្រូវបានបន្ធូរបន្ថយបន្ថែមទៀតនៅថ្ងៃទី១១ ខែតុលា ហើយបានប្រកាសកែប្រែផែនទីបង្ហាញផ្លូវនៅកម្រិត៧០% ដោយឥឡូវនេះមិនអនុញ្ញាតឲ្យធ្វើដំណើរទៅកាន់តំបន់ជនបទឡើយ រហូតដល់រដ្ឋនេះសម្រេចបានគោលដៅចាក់វ៉ាក់សាំង២ដូស្តបាន៨០%។
លោកស្រីបានគូសបញ្ជាក់ពីផែនទីបង្ហាញផ្លូវសម្រាប់ការបន្ធូរបន្ថយការរឹតបន្តឹងនៅពេលសម្រេចបានគោលដៅចាក់វ៉ាក់សាំង២ដូស្តបាន៨០ភាគរយនោះ ការកំណត់ចំនួនភ្ញៀវដែលបានចាក់វ៉ាក់សាំងពេញលេញរួចហើយសម្រាប់ពិធីមង្គលការនិងពិធីបុណ្យសពនឹងត្រូវលុបចោល កីឡាសហគមន៍អាចចាប់ផ្តើមឡើងវិញ ហើយមនុស្ស ១០ នាក់នឹងអាចជួបជុំគ្នានៅក្នុងផ្ទះបាន។
ដំណាក់កាលទី ៣នៃ “ការរស់នៅតាមធម្មតាជាមួយកូវីដ”ឬ "COVID Normal" ត្រូវបានកំណត់នៅថ្ងៃទី ១ ខែធ្នូ នៅពេលដែលគេរំពឹងថា រដ្ឋនេះនឹងមានអត្រាចាក់វ៉ាក់សាំង២ដូស្តចំនួន ៩០ ភាគរយ។
កក់ទុកសម្រាប់ការណាត់ជួបទៅចាក់វ៉ាក់សាំងនៅថ្ងៃនេះ ។
រដ្ឋវិចថូរៀ
រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ៧០៥ករណី និងស្លាប់ម្នាក់។
លោកអភិបាលរដ្ឋ Daniel Andrewsបានប្រកាសផ្តល់ជំនួយជាបន្តបន្ទាប់សម្រាប់ ក្រុមវេជ្ជបណ្ឌិតពិនិត្យជំងឺទូទៅ (GPs) និងឱសថស្ថានសហគមន៍នៅក្នុងតំបន់រដ្ឋាភិបាលមូលដ្ឋានចំនួន ១១ ដែលមានករណីឆ្លងខ្ពស់ និងអត្រាចាក់វ៉ាក់សាំងទាបរួមមានតំបន់Moreland, Brimbank, Cardinia, Casey, Darebin, Greater Dandenong, Hobsons Bay, Melton, Whitlesea, Windsor និង Hume។
ស្វែងរក មណ្ឌលចាក់វ៉ាក់សាំងដែលនៅក្បែរលោកអ្នក។
ដែនដីរដ្ឋធានីអូស្រ្តាលី (ACT)
ដែនដីនេះបានកត់ត្រាករណីឆ្លងថ្មីនៅក្នុងស្រុកចំនួន ១៩ករណី និងស្លាប់ម្នាក់។
នៅទីក្រុងខេនបេរ៉ា មនុស្សពីរនាក់នឹងអាចទៅលេងក្រុមគ្រួសារមួយផ្សេងទៀតបាន ហើយពេលវេលាចេញកំសាន្តនៅខាងក្រៅនឹងត្រូវដំឡើងដល់ ៤ ម៉ោងក្នុងមួយថ្ងៃ ចាប់ពីថ្ងៃទី ១ ខែតុលា។
ចុចត្រង់នេះដើម្បី កក់កន្លែងសម្រាប់ចាក់វ៉ាក់សាំងបង្ការកូវីដ-១៩របស់លោកអ្នក។
ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត
លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖
រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក
រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក
ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក
ដែនដីភាគខាងជើង ការធ្វើដំណើរ និង ការធ្វើចត្តាឡីស័ក
រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក
រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក
រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក
រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក
ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖
