បច្ចុប្បន្នភាពកូវីដ-១៩៖ រដ្ឋមន្រ្តីទីមួយរដ្ឋញូសៅវែលព្រមានថា ថ្ងៃអាក្រក់បំផុតនៅមិនទាន់មកដល់នៅឡើយនោះទេ ខណៈដែលមានកំណត់ត្រាមនុស្សស្លាប់ជាង១០នាក់

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ថ្ងៃសុក្រ ទី៣ ខែកញ្ញា ឆ្នាំ២០២១។

People are seen exercising outdoor at Parramatta park in Sydney, Friday, September 3, 2021. Source: AAP Image/Dan Himbrechts

ទស្សនាសន្និសីទសារព័ត៌មានរដ្ឋញូសៅវែលបកប្រែជាភាសាខ្មែរជារៀងរាល់ថ្ងៃនៅលើ SBS on Demand ឬនៅលើ SBSខ្មែរ ។

រដ្ឋញូសៅវែលមានអ្នកជំងឺកូវីដជិត១,០០០នាក់ហើយនៅក្នុងមន្ទីរពេទ្យ
មានកន្លែងទំនេរសម្រាប់កក់ទុកទៅចាក់វ៉ាក់សាំងAstraZeneca ៥០,០០០កន្លែងក្នុងរដ្ឋវិចថូរៀ
ACT ដាក់បទបញ្ជាផ្អាកការបណ្តេញចេញពីផ្ទះជួលរយៈពេល១២សប្តាហ៍

រដ្ឋញូសៅវែល

រដ្ឋញូវសៅវែលបានកត់ត្រាករណីឆ្លងថ្មីនៅក្នុងស្រុកចំនួន ១.៤៣១ករណី និងស្លាប់ ១២នាក់ ខណៈដែលលោកស្រីរដ្ឋមន្រ្តីទីមួយ Berejiklian ព្រមានថា វិបត្តិDelta នៅក្នុងរដ្ឋនេះនឹងកាន់តែអាក្រក់ថែមទៀតនៅក្នុងពេលប៉ុន្មានសប្តាហ៍ខាងមុខ។

ឥឡូវមានអ្នកជំងឺកូវីដ-១៩ចំនួន ៩៧៩នាក់កំពុងព្យាបាលនៅក្នុងមន្ទីរពេទ្យ ដែលរួមមាន ១៦០នាក់នៅក្នុងបន្ទប់ICU និង៦៣ កំពុងប្រើខ្យល់អ៊ុកស៊ីសែនជំនួយដង្ហើម។ អាជ្ញាធរសុខាភិបាលបញ្ជាក់ឲ្យដឹងជាមុនថា ចំនួនករណីឆ្លងនឹងកើនឡើងក្នុងអំឡុងពេល២សប្តាហ៍ទៀត។

កក់ទុកសម្រាប់ការណាត់ជួបទៅចាក់វ៉ាក់សាំងនៅថ្ងៃនេះ ។

រដ្ឋវិចថូរៀ

រដ្ឋវិចថូរៀបានកត់ត្រាករណីឆ្លងថ្មីនៅក្នុងស្រុកចំនួន ២០៨ករណី ដែលក្នុងនោះ ៩៦ករណីត្រូវបានភ្ជាប់ទៅនឹងករណីឆ្លងដែលគេបានដឹងស្រាប់ទៅហើយ។ បុរសម្នាក់បានស្លាប់នៅក្នុងវ័យ៦០ឆ្នាំប្លាយ។

លោករដ្ឋមន្រ្តីទីមួយ Andrews មានប្រសាសន៍ថា កម្មវិធីចាក់វ៉ាក់សាំងដែលផ្តល់អាទិភាពដល់សិស្សថ្នាក់ទី១២ នឹងចាប់ផ្តើមនៅថ្ងៃអង្គារ ទី៧ ខែកញ្ញា ខណៈដែលកុមារអាយុ១២ឆ្នាំនឹងជាក្រុមបន្ទាប់ដែលមានអាទិភាពក្នុងការចាក់វ៉ាក់សាំងPfizerនេះ។

ស្វែងរក បញ្ជីឈ្មោះមណ្ឌលចាក់វ៉ាក់សាំងដែលនៅក្បែរលោកអ្នក។

ដែនដីរដ្ឋធានីអូស្រ្តាលី (ACT)

ACTបានកត់ត្រាករណីឆ្លងថ្មីក្នុងស្រុក ១៨ករណី ដែលក្នុងនោះយ៉ាងហោចណាស់ ១៥ករណីបានស្ថិតនៅក្នុងសហគមន៍ក្នុងអំឡុងពេលដែលអាចចម្លងទៅឲ្យអ្នកដទៃបាន។

រដ្ឋាភិបាលបានដាក់ចេញនូវ បម្រាមហាមមិនឲ្យបណ្តេញចេញពីផ្ទះឈ្នួលជាបណ្តោះអាសន្នរយៈពេល១២សប្តាហ៍ សម្រាប់អ្នកជួលផ្ទះគេនៅដែលមានបញ្ហាហិរញ្ញវត្ថុដោយសារតែការបាត់បង់ប្រាក់ចំណូល ឬបាត់បង់ម៉ោងធ្វើការដោយសារតែការបិទខ្ទប់។

ចុចត្រង់នេះអំពីរបៀបកក់ទុកការណាត់ជួបដើម្បីទៅចាក់វ៉ាក់សាំងរបស់អ្នក។

រយៈពេល២៤ម៉ោងចុងក្រោយនៅជុំវិញប្រទេសអូស្រ្តាលី៖

ចាប់ពីថ្ងៃចន្ទ ទី៦ ខែកញ្ញា រដ្ឋគ្វីនស្លេននឹងមានបន្ទប់ទំនេរ ៦៨០បន្ទប់ នៅក្នុងសណ្ឋាគារធ្វើចត្តាឡីស័ក បន្ទាប់ពីរដ្ឋនេះបានផ្អាកអ្នកដំណើរចូលមកក្នុងរដ្ឋដោយសារតែបញ្ហាកង្វះលទ្ធភាពក្នុងសណ្ឋាគារនេះ។
ទោះបីជាក្រុមអាទិភាពក៏ដោយ ជនជាតិដើមភាគតិចAboriginal និងអ្នកកោះ Torres Strait អាយុលើសពី១៦ឆ្នាំ ត្រឹមតែជាង២០%ប៉ុណ្ណោះដែលបានចាក់វ៉ាក់សាំង២ដូស្តរួចហើយ។
រដ្ឋមន្រ្តីទីមួយស្តីទី លោក Jeremy Rockliff បានប្រកាសការចាក់វ៉ាក់សាំងជាកំហិតសម្រាប់បុគ្គលិកកម្មករវិស័យសុខាភិបាលនៅក្នុងរដ្ឋថាសម៉ាញៀ។

ការធ្វើចត្តាឡីស័ក, ការធ្វើដំណើរ, គ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការធ្វើចត្តាឡីស័ក និងការធ្វើតេស្ត ត្រូវបានគ្រប់គ្រង និងអនុវត្តដោយរដ្ឋាភិបាលថ្នាក់រដ្ឋនិងដែនដី៖

រដ្ឋញូសៅវែល ការធ្វើដំណើរ&ដឹកជញ្ជូន និង ការធ្វើចត្តាឡីស័ក

រដ្ឋវិចថូរៀ លិខិតអនុញ្ញាតធ្វើដំណើរ, អ្នកដំណើរបរទេស និង ការធ្វើចត្តាឡីស័ក

ដែនដីរដ្ឋធានីអូស្រ្តាលី ការដឹកជញ្ជូន និង ការធ្វើចត្តាឡីស័ក

ដែនដីភាគខាងជើង ការធ្វើដំណើរ និង ការធ្វើចត្តាឡីស័ក

រដ្ឋគ្វីនស្លេន ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងត្បូង ការធ្វើដំណើរ និង ការធ្វើចត្តាឡីស័ក

រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក

រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់ព័ត៌មានបន្ថែមអំពីលក្ខខណ្ឌក្នុងការចាកចេញពីប្រទេសអូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។